تجمع حوامل ليبيا

[حبل الوصل]

خله يجي وانى متحملة التعب والعياط

[الهندية]

الصابرة ربى يسهلك الولادة يارب
ميرنا امس كنت عند هلى ولما روحت لقيت وحدة من حماوتى تكنس فى الدروج وناوية الشر ومعايا راجلى وانتى عارفا من يوم العركة معاش نزلتلهم
مشى قلت السلام عليكم عطتنى بالقفا نا وبنتى ومبتش ترد ... وجعتنى لكن قلت كان مسلمتش راهو دارت منها قصة خصوصا انها جالطة وراجلى قعد يقولى كيف مترد السلام قلتله مالنا ومالها نحن نديروا اللى علينا وخلاص ؟؟شنو رايك

[ميرنا]

المشاركة الأصلية كتبت بواسطة الهندية

الصابرة ربى يسهلك الولادة يارب
ميرنا امس كنت عند هلى ولما روحت لقيت وحدة من حماوتى تكنس فى الدروج وناوية الشر ومعايا راجلى وانتى عارفا من يوم العركة معاش نزلتلهم
مشى قلت السلام عليكم عطتنى بالقفا نا وبنتى ومبتش ترد ... وجعتنى لكن قلت كان مسلمتش راهو دارت منها قصة خصوصا انها جالطة وراجلى قعد يقولى كيف مترد السلام قلتله مالنا ومالها نحن نديروا اللى علينا وخلاص ؟؟شنو رايك

نجك لى يالهندية تصرفك مية المية هكى طريقة تمام واحسن حاجة انها امام راجالك شاف باعين قلة الاداب امتع اخته بيش يعرف انك مظلومة وطيبة والله لو كان وحدة ثانية فى مكانك ما سلامت ولا عبرتها ولكن انتى تعملى باصلك وبطيبة قلبك بس ادعى فى كل صلاة قولى يارب انشالله يجوزن ونفتك منهن على فكرة انتى مرة الاخ الوحيدة *

[راجيه فرج ربها]

رحبو بيا انا اول مره نشارك وتو ايجيكم الكلام

[ميرنا]

المشاركة الأصلية كتبت بواسطة راجيه فرج ربها

رحبو بيا انا اول مره نشارك وتو ايجيكم الكلام

راجية فرج ربها وحتى نحن امعك
يا الف مرحب بيك ونورتى التجمع ياختى وانشالله نقدرو انساعدوك اقل شى حتى بابتسامة وانتى تقرى فى ردودنا وانشالله وجهك خير علينا ونحملو ولى حامل اتجيب بسلامة

[راجيه فرج ربها]

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

[اميسر]

بسم الله الرحمن الرحيم
السلام عليكم ورحمة الله وبركاته
كيف حالكن اليوم


انشاء الله متهنيات وبصحه طيبه

[ميرنا]

المشاركة الأصلية كتبت بواسطة اميسر

بسم الله الرحمن الرحيم
السلام عليكم ورحمة الله وبركاته
كيف حالكن اليوم


انشاء الله متهنيات وبصحه طيبه

اميسر

انستى ونورتى بس ما قلتين انتى امتى هبطت بك الطائر فى التجمع ومن اى كوكب فى ليبيا جاية وانتى متزوجة ولا ؟ وذا كنتى متزوجة وتى روحك للقصقصة كم عندك عيل وكم لك سنة متزوجة وتحملى وتجيبى طبيعى ولا لابد من تدخل الدكاترة

[حبل الوصل]

المشاركة الأصلية كتبت بواسطة راجيه فرج ربها

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

أهلين بيك أختى نورتى تجمعنا شنو نضيفوك قهوة ولاعصيدة ولافتات سبهاوي
وألف ألف لاباس عليك وياااااااارب يشفيك ويعطيك كل ماتتمنى ويخليلك صغارك ويخليك ليهم يااااارب وتشوفيهم متهنيين والله ماعندى غير أنى ندعيلك ان ربي يشفيك ويرزقك بعويلة ثانيين يونسو خوتهم والله حتى اللى عندك نعمة من ربي وماتيأسي من رحمة ربي لان رحمته واسعة انتى بس كثري من الدعاء والاستغفار وقراءة القرآن

[ام اسيل]

المشاركة الأصلية كتبت بواسطة راجيه فرج ربها

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

اهلا وسهلا بيك اختي والف لاباس عليك انا اول حاجة نبي نحكيلك قصة مرات عمي اول متزوجت مرات عمي في سنة 97 وجابت بنت على طول وبعدها وليد وبعدها بسنتين اكتشفوا عندها ورم سرطاني في الغدة الي الي في الرقبة مش عارفة شن اسمها المهم ياما صار فينا وكان تشوفي راجلها قريب مات من الخوف عليها والله يجينا في الحوش يقعد يبكي خايف عليها وبعدها شالها لتونس وشالولها الورم ودارولها كيماوي وروحت وردت بعد 3شهور عاودت الكيماوي وبعدها قعدت كويسة وقالولها كل 6شهور تجي تديري كشف