تجمع حوامل ليبيا

[عيون زوجي]

ربي يحفظه معناها ليك هلبه عالحمل يارب تكوني حامل اكيد نسيتي حتى الحمل وتعبه صح اتعودتي عالراحه ورح يجيك التعب وبعده السهر والعياط الله يعينا ويعينك

[الهندية]

مساء الخيرات يابنات كيف حالكم اناشاءالله اخباركم تمام ...زوجى حاله احسن بس ماشيا لتونس الاسبوع الجاى عشان يشوف روحه الحكاية الباين مش حكاية قرحة
بنتى كويسا سيبت الرضاعة ومتبيش الا الصدر ,,,زعما يشبعها
ولاهية واجازتى قريب تكمل معنديش نية نمشى للشغل خايفة تلخبط بعد معودت روحى على روتين معين
حبل الوصل ربى يخليلك ولدك ويايتربى فى عز امه وبوه وبارك الله فيك اللى سئلتى عليا

عيون زوجى والله لما يجيك عيل اول مرة تبدى زى الحايسة ,,والا كيف تبى وقت باش تتنظمى حايرة فى اللى عندهم هلبا صغار كيف مدايرين
ميرنا ...الله يبارك فيك اوخيتى اللى فقدتينى انا معاش عرفت انتو امتى تفتحتوا عادة باش نحصلكم .؟

[حبل الوصل]

خله يجي وانى متحملة التعب والعياط

[الهندية]

الصابرة ربى يسهلك الولادة يارب
ميرنا امس كنت عند هلى ولما روحت لقيت وحدة من حماوتى تكنس فى الدروج وناوية الشر ومعايا راجلى وانتى عارفا من يوم العركة معاش نزلتلهم
مشى قلت السلام عليكم عطتنى بالقفا نا وبنتى ومبتش ترد ... وجعتنى لكن قلت كان مسلمتش راهو دارت منها قصة خصوصا انها جالطة وراجلى قعد يقولى كيف مترد السلام قلتله مالنا ومالها نحن نديروا اللى علينا وخلاص ؟؟شنو رايك

[راجيه فرج ربها]

رحبو بيا انا اول مره نشارك وتو ايجيكم الكلام

[راجيه فرج ربها]

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

[اميسر]

بسم الله الرحمن الرحيم
السلام عليكم ورحمة الله وبركاته
كيف حالكن اليوم


انشاء الله متهنيات وبصحه طيبه

[الهندية]

راجية فرج ربها نورتى التجمع واناشاء الله ربى يرزقك غير كثر من الدعاء والصلاة وربى ميصعب عليه شى والحمدلله على سلامتك اولاً والحمدلله على عويلتك البنتان والوليد هذه ميزة والانسان ديما يشوف للحاجة الكويسة ...اكيد اللى مريتى بيه كان صعب لكن اكيد زوجك وناسك وقفوا معاك وساعدوك على تخطى الازمة وكل شئ امتحان من ربى العالمين عالعموم نرحب بيك على بين متجى ميرنا حبيبتى وام اسيل وحبل الوصل والباقيات

[الهندية]

بسم الله الرحمن الرحيم
السلام عليكم ورحمة الله وبركاته
كيف حالكن اليوم


انشاء الله متهنيات وبصحه طيبه

اهلا بيك الحمدلله وكيف حالك انتى اناشاء الله بخير

[حبل الوصل]

المشاركة الأصلية كتبت بواسطة راجيه فرج ربها

طبعا انا اختكم سرتاويه وعندي ولله الحمد بنتان واوليد وخاطري في اعويله واجدين لكن ربي ماسخر انصبت قبل عامين بورم في صدري منعني من الحمل رغم اني كنت حامل ساعه الاصابه لكن قدر الله واجهضت وشلت الورم وخديت الكيماوي والاشعه وقعدت نستنا في رحمة ربي ونبي نحمل فكرت طبعا دكتوري قالي بعد السنتان فكري الشهر هدا استخرت وان شاء الله ربي ايسخر قولن امين انجيب ونيس لوليدي وعمري ماعاد يسمح بالانتضار اكثر لان الدكاتره قالولي كل ماطولتي يكون احسن لكني توكلت علي ربي واستخرت هو اللي يختار لي الخيره فيمايحب ويرضي زعما من مر بتجربتي ومرت اموره على خير في كل لحضه خايفه من عودة الورم اعود بالله من الشيطان لما يعرمس عليا رحمتك يارب ان شاء الله خير دعواتكن يالي بتجيبنا ان ربي يشفينا ويحقق مافي بالي ويخليني لعويلتي يارب

أهلين بيك أختى نورتى تجمعنا شنو نضيفوك قهوة ولاعصيدة ولافتات سبهاوي
وألف ألف لاباس عليك وياااااااارب يشفيك ويعطيك كل ماتتمنى ويخليلك صغارك ويخليك ليهم يااااارب وتشوفيهم متهنيين والله ماعندى غير أنى ندعيلك ان ربي يشفيك ويرزقك بعويلة ثانيين يونسو خوتهم والله حتى اللى عندك نعمة من ربي وماتيأسي من رحمة ربي لان رحمته واسعة انتى بس كثري من الدعاء والاستغفار وقراءة القرآن