تجمع اللي بيولدون في شهر ذو الحجه

قلبيــ مدينهــ · 10-31-2011, 02:04 AM

طبعا كنت اخذ اسبرين في الحمل وخافوا من النزيف .. طلبوا من زوجي روح لبنك الدم يجيب دم وراح .. وانا جهزوني للعمليه..

جا دكتور التخدير مع الدكتور حسين ... وفي ممرضه تونسيه كرهت تعاملها غزغزتني بالابر تدور عرق وتشخط وتنخط واخيرا جابوا فلبينيه لانها مو عارفه تلاقي العرق ....وطبعا هذا كلو بتاريخ 27/11 هجري خيروني بين بنج كلي او نصفي .. واحترت كمان قالوا خوافه حطوا لها كلللللللي واخذت البنج الكلي ماصحيت الا على......

قلبيــ مدينهــ · 10-31-2011, 02:08 AM

مبرررررررررررروك مدام الحمدلله ع السلامه وهذا بعد ساعه ونص ...وصحيت يابنات تعبااااااااانه ابكي واحمد ربي وزوجي يقول شكلك مرره يحزن وانا عشان كان حلقي ملتهب اتجرح من البنج الكلي ..وصحيت شرقانه اتخيلوا اكح وبطني مشقوقه والله الم شدييييد .. بس لما شفت عبودي قعدت ابكي لزوز وطعمون نسيت التعب والالم ... اه شعور جميل بس اخذوه من جمبي لاني تعبانه ...

قلبيــ مدينهــ · 10-31-2011, 02:12 AM

وجلست في المستشفى 3 ايام وكلو كوم والقسطره ... والمسكنات والابر وما اقدر جلس ولا اتحرك احس اني مربطه ....

والله يابنات الى الآن اتألم حتى لمن جوا يشيلوا اللصق اتسلخ جلد بطني واعطوني كريم للتسلخات زي الحروق كدا وحذرني الدكتور من (ميبو )

قلبيــ مدينهــ · 10-31-2011, 02:15 AM

ولله الحمد خلصت المعاناه مع اني تعبانه ادعولي بالشفاء والله على المضاد والمسكن ولله الحمد ....

وبدت المعاناه مع عبودي حبيبي معاه مغص بس يبكي ولا اقدر انام بعدين احكيكم عن التعب مع الزغنتوت شويا مزعج بس سبحان تحمدي الله كثير انو يكون بين يديكِ طفل وتحزني لمن يبكي ومنتي عارفه اش فيه ..... وسلالالالالالالالالالامتكم وعقبالكم تعبت من الكتابه..

New33mam · 10-31-2011, 02:51 AM

قلبي مدينة

حمدلله ع سلامتك وسلامة البيبي
وإن شاء الله يتربى بعزكم يـــــارب

maroooma · 10-31-2011, 02:58 AM

سلامات والله ان شاءالله تعدي على خير وترووح كل الالام والله القيصري مؤ سهل
الله يعينك ومغص الاطفال هذا لابد منه والله يحزنوا تبكي جنبه لانه مافي حل الا انك تخففي عليه بيانسون ونعناع او نقط المغص من الصيدليه اظن بس المشكله مايروح
ها كيف المطبقاني اهتمامهم والمستشفى والدكاتره والممرضات والغرفه
أنا بكره رايحه المدينه وخايفه تجيني ولاده الله لا يقدر

ريم ام لولو · 10-31-2011, 03:17 AM

الحمد لله على سلامتك قلبي مدينه الله يبلغك فيه يارب وهو رجال صالح بار بوالديه

لمعة الماسة · 10-31-2011, 03:43 AM

السلام عليكم
كيفكم بنات

مشاعل الدوسري · 10-31-2011, 04:44 AM

و عليكم السلام

صباح الخير

كيف حال الجميع

أم سامر طمنينا عنك أنشالله تكوني بخير

اليوم تعبت تعب أليم بجد كل يوم من الايام الاخيره قاعد يزيد الالم و الضغط من تحت
علي و حتى الان مو عارفه اذا الرحم أنفتح وله لا

لكن بنت عمي تقول ان اللي يجيها اسهال بشكل متواصل
يوميا
هذا الشي يساعد على فتح الرحم
و الله العالم
حتى الان

GhoOosha · 10-31-2011, 06:12 AM

قلبي مدينه..حبيبي والله قلبي معاكي..يارب يهون عليكي..طبعا ابدا ابدا لا تستعملي ميبو فوق العمليه ..اذا فيكي التهاب من تحت من القسطره في كريم اسمه فوسيديد او فوسيدين مره كويس
دحين اشربي كل يوم حبه مره قد الحمصه مره في الصباح ومره بالليل ..وبعد ما يفكو لصقه الخياطه حطي مره في عليه وحطي فوقها مويه فايره الين تصير زي الكريم تقيله شويه وادهني جرحك فيها مررررررره كويسه للخياطه ومقعمه للجرح...لازم تمشي شويه في البيت بس لا ترهقي نفسك وبالنسبه لصراخ النونو لازم تعرفي ايش سببه مغص ولا هوا بس كده غجري ويبغا حنان ..لازم تمرخيه بزيت الزيتون الدافي وربي يعدي فتره النفاس عليكي بخير وعقبال المتاخررررررين<<<اسكتي انتي بس ههههههههه

وبعدين انتي قلتي تبغي تقوليلنا شي مهم ايش هوا ؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الحوامل اللاتي سيلدن بشهر رجب 1432	يالبيه ياانا	إستفسارات مرحلة الولادة	13690	07-03-2011 03:39 AM
تجمع الحوامل اللاتي سيلدن بشهر محرم 1432	عاشقة الجنه	إستفسارات مرحلة الولادة	4013	01-09-2011 10:02 PM
تجمع الحوامل الاتي سيلدن في ذو الحجة	بيوني	إستفسارات مرحلة الولادة	3806	01-09-2011 10:00 PM
تجمع الحوامل الاتي سيلدن شهر 5 (صحبه طيبه )	مرمر احمد	إستفسارات حوامل من الشهر السابع إلى الشهر التاسع	1	11-29-2009 02:27 AM