فزعتكم يا بنات المدينه..الله يسعدكم ويسهل اموركم

[GhoOosha]

السلام عليكم ورحمة الله وبركاته

ان شاء الله يارب كل من يقرا رسالتي ويساعدني ربي يحقق لها كل ما تتمنى

الحكايه باختصار...ان دا حملي الرابع وانا بالاسبوع 21 اتوقع دخلت السادس ماعرف..واني عمري ما شلت هم الولاده لان امي الله يرحمها كانت متكفله بكل شي
ودحين احس اني مررره ضايعه وماني عارفه ايش اسوي بعد الولاده والشي التاني اللي يضحك ويبكي في نفس الوقت انو اختي اللي اعتمد عليها حامل كمان وانا الاخت الكبيره ومافي احد يهتم فينا غير كده احنا متزوجات وعايشين بالرياض ومافي احد في المدينه ممكن يهتم فينا...اللي كنت ابغا منكم يا حلوين انو تكتبولي اكلات واعشاب النفاس حقتنا..زي العريكه -المفروكه لها كم اسم هيا؟ يعني نظام النفاس..انا نسيت ايش كنت اخد في نفاساتي اللي راحت...ياريت اللي تقدر تساعدني ترسلي هنا او تسالو مامتكم وتقولولي...والله يرزقكم ويسعدكم ويعطيكم سؤلكم ويجعل فرجكم قريب غير بعيد يارب ويخليكم ماماتكم يارب

[**سماسم**]

شوفي هذا الرابط فيه كل مايهم النفاس من حيث التغذيه أختاري منه إلي يناسبج ..
http://forum.hwaml.com/f25.html
وربي يسهل عليج وعلى أختج ويقومكم باسلامه
,,

[GhoOosha]

الله يعطيكي العافيه ياارب..بس مالقيت الا شياء اللي اتعودت عليها...ماعرف ايش يعني شمم وماش وكلام كتير مافهمتو..!

[GhoOosha]

وه فين بنات المدينه؟ ولا رد

[rooraa]

اهلين اختي شوفي انا ما اعرف ومافي نظام معين ولا حتى ماما ما تعرف ههههههه
بس انا حقلك النظام الي حمشي عليه ان شاء الله في نفاسي
اول شي قبل الفطور فنجان قهوه(مر)تشربي المر بعدين تفطوري طبعا ما يحتاج اقلك انو الفطور بيض وعسل وحليب بس امس اظن قريت انو الحليب مو كويس ليش مدري
الغدى مسلوق زودي الفلفل الاسود
جيبي قشر قهوه وزنجبيل وقرفه يانسون وشمر واعمليهم واظن معاهم كركم واشربي منو طول اليوم
وطبعا العريكه تتعشي بيها او تكون بين الوجبات والعشا برضو يكون مسلوق
وتبعدي عن الملوخيه والباميه والكلام دا
امممم هادا الي اعرفو
وهادي شوفي ايش كاتبه عجبتني وصفتها ان شاء الله ححاول اني اسويها مع اني اكره الحلبه وما افكر اسويهاhttp://forum.hwaml.com/t13890.html

[GhoOosha]

الله يجزاكي الف خير يارب ويسهل عليكي ..انتي اللي بردتي قلبي ورديتي عليا

العريكه اعرف انها عجينه بدقيق بر وكده بس ابغا الطريقه بالزبط اذا عرفيتها ياقمر ابغا طريقه اهل المدينه لانو حاولت اطلعها من النت طلعتلي طرق من الجنوب وماعجبتني

[GhoOosha]

اين انتم يا بنات المدينه؟

[GhoOosha]

يابنات المدينه قربت ولادتي ومافي احد رد !

[دلع]

الله يرحم امك ويغفر لها
انا من المدينة بس والله مااعرفها العريكه..
اهم شي تبعدي عن اي شي بارد وتبعدي عن الاكلات اللزجه زي الملوخيه والباميه والموز ....الخ
اشربي قشر قهوة حطيه في برادي مع مريه حاره وخليه يغلي بس مايطول واضيفي عليه زنجبيل مجروش وقرفه وشمر ..وبعدين اشربيه ينظف الرحم
واعجني تمر مع سمن وحبة البركة يشد البطن سبحان الله..ولاتنسي الفطير بالسمن والمرقوق حطي عليه فلفل اسود..واشربي اشياء دافيه..

ربي يقومك بالسلامه ..اذا تذكرت شي اكتبه لك ان شالله

[GhoOosha]

تسلمي يادلع الله يسهل عليكي حبيبتي