تجمع حوامل سوريا-دردشة ورود سوريا-دردشة الغاليات

[بسبوسة زوجها]

حبيبتي zoiz سامحيني على هالمقال بس والله انشغل بالي عليكي لاني كتير حبيتك
بس انشاءالله مافيكي شي ياروحي لانك اظن بالشهر الخامس واعراضك مختلفة وماعئلبك شر انشاءالله
بس هالموضوع مشان كلنا نستفيد وناخد حزرنا الله يحفظنا من كل شر وسوء ويتمم حملنا عخير وسلامة ويكتبلنا القومة بالسلامة نحنا واولادنا آميين

[بسبوسة زوجها]

المشاركة الأصلية كتبت بواسطة syria

كيفكون صبايا شو اخباركن وكيفون البيبيات

بسبوسة عنجد الله يعينك

حماتك متل حمات اختي اهم شي انو زوجك عرفان امو شو هي

انا الحمد لله مرتعمي كتير حبابة وبنات حماي هاديات متل البلسم

والله وئت السافرزوجي واجت مرتعمي وبنت حماي لعندي

مرتعمي اذا شافتني عم اجلي كاسة تعيط عبنتا مشان تساعدني

واذا امت امسح الارض تقوم لتساعدني

وكنت دائمن افيئ بعد العصر

وهي ماتحكي معي شي

الله يخيلا فوء راسي
امي ئالتلي لانو انتي طيوبة وصغيرة ومابتخلصي حئك بئيدك الله رئف بحالك وبعتلك ام تانية

والله ياحبيبتي سيريا كنت متلك
لما كنت بسوريا وزوجي كان مسافر كنت أئعد ايام عندن ييي شو كانت تدللني حتى صحني الاكل ماتخليني شيلو تئلي تركي وئومي ارتاحي ودلال وكانت ماتخليني مد ايدي عالطبخ وتوصف فيني عالطالع والنازل وبنات حمايي كتير حبابين ومنحب بعض كتير ولهلئ نحنا هيك هنن غير امهن
وانا طبعا كنت مو مقصرة بنوب وكنت كتير دللها واكرمها
بس بعد مااجت لعندي وعاشت معي وشافت كيف جوزي عم بدللني مابئى تصحى صرت اكرمها ودللها بزيادة لانها ببيتي مابئى تئدرلي هالشي من غيرتا واكتر شي عم يجننا انو عمي كتير بحبني وبميزني عن بائي كناينو وهي عم بتغار كتير مع انو لما كنت بسوريا كانت كل ماحكت مع زوجي توصف فيني وتئلو نيالك فيها اوعك تزعلا بس لما عاشت معنا وشافت مائدرت تتحمل وكل جهودي معا مابئى عم بتأثر فيها
بئى حبيتي لما بتكوني عايشي ببيت حماكي وزوجك مسافر شي
ولما بتكون حماتك عايشي فبيتك وزوجك جنبك وعم بدللك شي تاني ومختلف تماما هاد من خلال تجربتي
بئى نصيحة مني ازا بدك حماتك تم تحبك وتحبيا لاتسكن معك ببيتك لان بس شافت ابنها عم بدللك بتصيري ضرتها مو كنتها ديري بالك ياروحي

[بسبوسة زوجها]

سيريا
كيف عم تنئي اسماء بنات ولسا مابتعرفي جنس البيبي بعدين انا مائلتلك احساسي انو معك صبي ليش عم بتخالفي احساسي هههههههههه
طيب ازا ولد شو رح تسميه ؟مابدك اسماء
انا بحب من اسماء البنات شهد او نيرمين او جنا او ميرنا هي كلها اسماء لاتنال منها اللهجة الحلبية ههههههه ابوس روحك انتي وحلب ولي أديش مشتائتلها
حبيبتي ومشان الاشعة انا لما كنت بسوريا طلبو مني مشان سفرتي لهون صورة اشعة للصدر بس أبل خلوني اعمل تحليل حمل بالدم وبالبول الله يكرمك وطلع مافي حمل وعملتها
بعدين جيت لهون وبعد شي شهرين رحت مشان اخو زوجي يشفلي اسناني لانو طبيب اسنان وطلب يعملولي صور اشعة وسالوني ازا كنت حامل ألتلن مابعرف لاني لسا كان بائي عدورتي اسبوع آمو حطولي جهاز وقاية عصدري
حتى ازا كان فيه حمل مايتأثر وفعلا طلعت حامل وماني عرفاني بس خلال شهر ونص سقطت الحمل وماكان لسا عندي دكتورة لان ماكان طالعلي تامين صحي وبعدين لما اخدت التامين سالت دكتورتي انو ياترى سبب اجهاضي الاشعة آلتلي ازا حطيتي الواقي مابأثر عالحمل بنوب
وانتي حطيتي واقي اثناء الصورة؟
بس انشاءالله البيبي بخير وسلامة وانتي استودعيه عند رب العالمين
وبس عرفتي جنس البيبي خبرينا اوكي

[syria]

المشاركة الأصلية كتبت بواسطة بسبوسة زوجها

والله ياحبيبتي سيريا كنت متلك
لما كنت بسوريا وزوجي كان مسافر كنت أئعد ايام عندن ييي شو كانت تدللني حتى صحني الاكل ماتخليني شيلو تئلي تركي وئومي ارتاحي ودلال وكانت ماتخليني مد ايدي عالطبخ وتوصف فيني عالطالع والنازل وبنات حمايي كتير حبابين ومنحب بعض كتير ولهلئ نحنا هيك هنن غير امهن
وانا طبعا كنت مو مقصرة بنوب وكنت كتير دللها واكرمها
بس بعد مااجت لعندي وعاشت معي وشافت كيف جوزي عم بدللني مابئى تصحى صرت اكرمها ودللها بزيادة لانها ببيتي مابئى تئدرلي هالشي من غيرتا واكتر شي عم يجننا انو عمي كتير بحبني وبميزني عن بائي كناينو وهي عم بتغار كتير مع انو لما كنت بسوريا كانت كل ماحكت مع زوجي توصف فيني وتئلو نيالك فيها اوعك تزعلا بس لما عاشت معنا وشافت مائدرت تتحمل وكل جهودي معا مابئى عم بتأثر فيها
بئى حبيتي لما بتكوني عايشي ببيت حماكي وزوجك مسافر شي
ولما بتكون حماتك عايشي فبيتك وزوجك جنبك وعم بدللك شي تاني ومختلف تماما هاد من خلال تجربتي
بئى نصيحة مني ازا بدك حماتك تم تحبك وتحبيا لاتسكن معك ببيتك لان بس شافت ابنها عم بدللك بتصيري ضرتها مو كنتها ديري بالك ياروحي

يالله الله بيعين

طيب هي ليش اجت عاشت معك
بتعرفي عزريا جد

هلئ انتي اذا شفتي اختك او جارتك زوجا عم يدللا بينك وبين نفسك مارح تغاري

فما بالك وحدة ربيت ابنا وتعبت عليه تلائي عم يدلل مرتو

طيب انا برئيي انو حل مشكلتك هو زوجك مايدللك بوجودا ويعاملك عادي

لبين ما الله يفرجا وترجع عبيتا

[syria]

[

المشاركة الأصلية كتبت بواسطة بسبوسة زوجها

سيريا
كيف عم تنئي اسماء بنات ولسا مابتعرفي جنس البيبي بعدين انا مائلتلك احساسي انو معك صبي ليش عم بتخالفي احساسي هههههههههه
طيب ازا ولد شو رح تسميه ؟مابدك اسماء
انا بحب من اسماء البنات شهد او نيرمين او جنا او ميرنا هي كلها اسماء لاتنال منها اللهجة الحلبية ههههههه ابوس روحك انتي وحلب ولي أديش مشتائتلها
حبيبتي ومشان الاشعة انا لما كنت بسوريا طلبو مني مشان سفرتي لهون صورة اشعة للصدر بس أبل خلوني اعمل تحليل حمل بالدم وبالبول الله يكرمك وطلع مافي حمل وعملتها
بعدين جيت لهون وبعد شي شهرين رحت مشان اخو زوجي يشفلي اسناني لانو طبيب اسنان وطلب يعملولي صور اشعة وسالوني ازا كنت حامل ألتلن مابعرف لاني لسا كان بائي عدورتي اسبوع آمو حطولي جهاز وقاية عصدري
حتى ازا كان فيه حمل مايتأثر وفعلا طلعت حامل وماني عرفاني بس خلال شهر ونص سقطت الحمل وماكان لسا عندي دكتورة لان ماكان طالعلي تامين صحي وبعدين لما اخدت التامين سالت دكتورتي انو ياترى سبب اجهاضي الاشعة آلتلي ازا حطيتي الواقي مابأثر عالحمل بنوب
وانتي حطيتي واقي اثناء الصورة؟
بس انشاءالله البيبي بخير وسلامة وانتي استودعيه عند رب العالمين
وبس عرفتي جنس البيبي خبرينا اوكي

يسلملي احساسك لانو انا وزوجي اتفئنا هو بسمي الصبي وانا اسمي البنت بتعرفي البنت اذا كان اسما مو حلو بينضرب مستئبلا يمكن هالاسبوع اروح عند الدكتورة
البيبي صرلو فترة عم يرفس
حبيبتي انا ماحطيت واقي لانو انا الاشعة اللي عملتا هي اشعة مشان الاقامة مشان (سرطان الثدي) يعني اجباري بدون واقي
بس انا بعرف ماكنت حامل لانو كنت خالصة باليوم العاشر وهو الحمل بيبدى من بعد العشرة ايام حتى يصير حمل
بس بتعرفي الوسواس دبحني وماعدى اشعة الاقامة انا من يوم حكلت لهلئ طول الوئت حاطة الابتوب بحضني وئاعادة بتعرفي بالغربة مالي حدى وبكون زوجي بالشغل وماعندي شي اعملو

[Nayota]

المشاركة الأصلية كتبت بواسطة بسبوسة زوجها

كيفك حبيبتي نايوتا
صار متل مااتوقعت علئت انا وحماتي
لأ شو اول ماصحيت من النوم كنت عم جهز فطور ولاجاييتني بكل عصبية وبتئول كيف بتنامي لهلئ وجايين بيت محمد ألتلها وازا جايين آلت مابدك تعمليلن عشا ألتلا بدي اعمل رز ومرئة بازلا آلت يي موعيب عليكي هاتي بدنا نعملن كبة ألتلا مو مجهزي حالي للكبة وجن جنونها ومابقى تسكت وكان جوزي بالشغل وانا مارديتلا مشانو بس مابقى تسكت ألتلا انا حامل وضهري عم يوجعني مابقدر اعمل كبة لقبيلة فرم البرغل واللحمة لحالن بدن ساعتين آلتلي وازا حامل اش صاير عليكي وحكت كتير آخر شي ألتلها كبة مارح اعمل وشو مابدك احكي بعدها اجا جوزي وسكتها وئلا مابخلي مرتي تتعزب بالطبخ وهي حامل مشان اخي ومرتو وبيت حماه ياكلو ونحنا منروح لعندن بيعملو ابسط الطبخات
وشو اكتر شي زعجني مبارح لما اجو عزمونا نروح اليوم لعندن ولا حماتي بتئول لسلفتي ترى لاتتعزبي بالطبخ كرمالنا عملي مجدرة نحنا مو غربا عن بعض فهمتي وازا اتعزبتي رح ازعل منك شفتي فرق المعاملة؟

يلا ياستي كل خنائة وانتي بخير....مشي الحال ومضت العزيمة ...وعملتي أكل متل مابدك ليش لحتى تزعلي وزوجك وقف معك كمان ... وحماتك مابتحسن اتخبي غيرتا ومبينة معاملتا المختلفة بينك وبين سلفتك وشلون بتفضلها عنك بس انتي لاتهتمي آخر همك

[-قطر الندى-]

صباح الخير صبايا سوريا الحلوات
انا نسيانة وقت اخر دورة الي بس بظن ب 27 / 7 / 2012 مو متأكدة
بس دكتورتي قال انو كل 10 الشهر بدخل شهر جديد و حاليا انا بالشهر السادس يعني ب 10 شباط بدخل السابع اذا الله راد
سؤالي : بدي اعرف انا بأي اسبوع ساعدووووووووني :(

[syria]

المشاركة الأصلية كتبت بواسطة ندى وهبة

صباح الخير صبايا سوريا الحلوات

المشاركة الأصلية كتبت بواسطة ندى وهبة

انا نسيانة وقت اخر دورة الي بس بظن ب 27 / 7 / 2012 مو متأكدة
بس دكتورتي قال انو كل 10 الشهر بدخل شهر جديد و حاليا انا بالشهر السادس يعني ب 10 شباط بدخل السابع اذا الله راد
سؤالي : بدي اعرف انا بأي اسبوع ساعدووووووووني :(

حبيبتي حسب شريط الحمل اللي ئلك انتي بالاسبوع 22

الله يتمملك عخير

[Nayota]

مسالخير حوااااااااااااااااااااامل كيفكون
بدي ئلكون على موقع كتير حلو ومفيد وخاصة البكريات بتلائي فيه كل استفساراتك وتطورات الجنين خطوة خطوة مابعرف بيجوز بتعرفو
بس يلي مابتعرفو اسمو بيبي سنتر وحتى لماتولدي بتلاقي فيه كل استفساراتك وتساؤلاتك عن البيبي شهر بشهر
انا من لماكنت حامل بالشهر الاول مسجلة فيه ولهلأ كمان بستعين فيه بكتير شغلات بترباية نينو
يعني حبيت فيدكون مو اكتر
اليوم طبخت فريكة وعملت برك بلحمة وسلطة ملفوف
مافيني فوت عالتجمع ماجيب سيرة الطبخ والنفخ هههههههه مشان زكركون انا مواكتر انا والله كتير بحتار لان

[عاشقة جوجو2]

كيفكم يا صبايا شو اخباركم
انا كتير مشتاقتلكم
الجو هالاسبوع بجنن والله مشتهية اطلع رحلة هههههههه
مفكرة حالي بالشام
طمنوني عنكم مين بروح معي الاتنين على العثيم مول نلعب جوجو يالله يالي بتروح تحضر حاله