اهلا باهل الجود والكرم **اهلا بسيدات ليبيا**

جوهرة ليبيا · 03-03-2014, 10:36 AM

نستأذنك خوخه وربي يعاونك

تو بتبدي اتلودي في كل مكان

اليوم شميسه تو بنمشي انطلع البطاطين وبساطات الصغيرين والمطبخ و فراشات الحمامات ياخدو شميسه

طلعي حتي انتي كان تبي والله الجو ماعادي

ام معاد · 03-03-2014, 10:46 AM

ايه ياجيجي انشوف الي خوته ونقول معليش تو يكبر زيهم هدا يلي امصبرني راجلي تخصصه جراحة اطفال

ام معاد · 03-03-2014, 10:48 AM

ادنك معك حبيبتي حتي اني بنمش بنلود علي الدبش ونحط غداي

هدية الخالق · 03-03-2014, 12:02 PM

السلام عليكم كيف حالكم وخياتي بارك الله فيكم جميها علي مواساتكم ووقفتكم معاي وعلي دعواتكم الحلوة ان شاء الله مانفقدكم وربي يحفظلكم كل غالي
سامحوني كتبتلكم رد طويل عريض تعيوا وانتم تقروا كتبتلكم التفاصيل كلها لكن للاسف راح الرد اللي ليا ساعة مقعمزة عليه وراسي داخ
المهم نحب نطمنكم اني الحمد لله احسن وتعديت المحنة
مانكدبش عليكم وقت الخلوة بروحي نصب في انهار من الدموع ونسترجع في الدكريات في داكرتي ونقلب في صوره ونبوس عليهم ونبكي لكن الحمد لله قدام زوج وبنيتي متماسكة الي حد ما عليشان نفسياتهم شن دنبهم زوجي علي ابواب مشروع واللي فيه كافيه وبنيتي عيلة بريئة حرام لما تشوف فيا نبكي وبوها يهدي فيا تخاف وتقعد تبكي حتي هي
والله نحكيلكم موقف يقطع القلب ثاني يوم من سسماع الخبر نضت مضايقة وراسي بينفجر ومش مصدقة اللي صار وعندي حلم امشي قعدت نبكي بصمت وبنتي كانت جنبي تفاجئت بيها حطت يدها علي عيني علي اساس بتمسحلي دموعي اقسم بالله انهرت من الموقف حضنتها وقعدت نبتسملها وعاهدت نفسي معاش نبكي قدامها
المهم اني حاليا عندي ليل متأخر وتعبانة ونعسانة وللأسف معاش عندي قدرة نعاود الرد من جديد
عن قريب ان شاء الله نخش ونحكيلكم التفاصيل اسمحولي توا سلامي للجميع

جوهرة ليبيا · 03-03-2014, 04:23 PM

السلام عليكم

الحمد لله هدهد طمنتينا عليك

وربي يزيدك من الصبر ويحفظلك الحنينه سوما ربي يحفظها هي ووبيها

وربي يعاونه في دراسته

جوهرة ليبيا · 03-03-2014, 04:27 PM

خوخه اني كملت الضمان والتسيق وووووو

وحتي غداي توا كيف حطيته عالنار

طيبت شربة عدس وعندي عجينه بيتزا بعدين تو انديرها وبراك توا حطيته يبوخ مع 12 لفيته وكملته قلت انحطه بعدين خير

سوسو اختفت اليوم

خوله 2014 · 03-03-2014, 05:23 PM

اقتباس:

المشاركة الأصلية كتبت بواسطة جوهرة ليبيا

خوله اخبارك ياعسل اني وامورات بخير وربي يحفظك

وسلم ايدياتك عالرشده شكلها والله تهببببببببل صحيحة علي قلبك حتي اني راجلي ميحبهاش

الساعه قداش توا عندكم

صباح الخير للكل وان شاءالله نهاركم سعيد اليوم توا عزيزتي الساعة عندنا 9:21 صباحا اللهم اجعل هدا اليوم بداية خير لي ولكل الاعضاء وعلي بلادي ياااااارب

ام معاد · 03-03-2014, 06:31 PM

السﻻم عليكم

dr.loly · 03-03-2014, 10:02 PM

السلام عليكم ورحمة الله وبركاته

اختي العزيزه هديه.. عظم الله اجرك والهمك الله الصبر والسلوان
تعجز الاياادي عن التعبير بما في داخلي لكي
..
الله يرحمه يااارب ويجعل مثواه الجنه ...
وربي يصبرك ياااارب ..موقف محزن للغايه
ومش ح يحس بيه الا كل قلب فقد غالي عــليه ..
ولكن هذا حال الدنيا اختي .. فهي دار فرااااق..
الله يجمعنا بكل من نحب في الاخره في جنة الرضوان
أمين يااارب..

dr.loly · 03-03-2014, 10:02 PM

سوسو مرحبتين

بأمكانك نقل طريقه التشيز كيك كااامله عزيزتي

خودي الموضوع كله وصوره ادللي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اهلا وسهلا	قيثاره النور	ملتقى عضوات حوامل	4	12-15-2012 10:08 AM
اهلا	الورد الفايح	ملتقى عضوات حوامل	7	11-03-2012 09:24 AM
اهلا	امال ام ياسر	ملتقى عضوات حوامل	6	06-02-2012 03:55 AM
اهلا اهلا بالعيد 2013، فرحة ولادنا بلبس العيد 2013، ملابس الاطفال في العيد2013	ملكة العرب	الموضة و الجمال	2	05-09-2012 07:57 PM