دردشة بنات العراق, دردشة حوامل العراق , تجمع بنات العراق

[رحمة الرحمان]

السلام عليكم شلونكم بنات شخباركم انشالله بخير اني كنت بالمستشفى صار عشرين يوم لان عندي نزيف وطلق والحمدالله اتوقف النزيف بس هسه عندي طلق والحمدالله على كل حال

[حبيبي]

رحمه سلامتج متشوفي شر والحمد الله على سلامتج
وخليج بلفراش لاتتحكرين علمود الطلق ميزيد وينفتح الرحم

[مجنونة بحبها]

صبااااااااااااااح الخيرررررررررررررررررررر

اسفه البارحه رحت لاهلي وانشغلت وماكدرت ادخل اطمنكم
رغم انو انتو كلكم غياب ومتحسون بغيابي هههههههههه


ام الوقه حبيبتي هذي مقادير العجينه بمواضيعي بس انتي ماانتبهتي

http://forum.hwaml.com/1890115-post1.html

بس زين من ضبطت عندج والف عافيه


مهاوي بلعافيه على الدولمه وان شاء الله تتونسين اليوم
وزين من زوجج اقتنع وكعد بالبيت هههههههههههههه

الله يديم المحبه بينكم




ايه شلونج وشلون صرتي




ام كرار سلامتج ماتشوفين شر مفتقدتج حبي


هبه شلونج واخبار حملج بين النبض لو بعده


ام نورهان شلونج وشلون نوره



رحاب حمدلله على سلامتج مشتاقتلج يالغاليه


علياء حبيبتي سلامتج ماتشوفين
شر يارب يثبت حملج ويقر عينج
شنو هذا الحظ من اجاج الطلق الله يهونه
مفتقدتج مواضيعي باهته ماكو نور ردودج بيها

زينب السعدي شلونج واخبار مره حماج

عذراء شلونج وشلون سيد جعفر




كوكي ماكو غياب

ام بساسه هم ماكو


هااااااااااااااااا بعد منو اماني هم ماكو

[اه من الغربة]

علياء الف سلامة عيني ديري بالج علي نفسج و علي اللي اب بطنج ارتاحي و لا تقومين من الفراش الا للضرورة و الله يتتم حملج علي خير يا رب اليوم ذكرتج رحت للمول ويه صديقتي دتجهز ملابس مالت نفاس بنتها و شفنا ملابس تجنن و اخذنا طبعا و كل ما يعرفون دتجهز لحفيدتها يتخبلون لان هي عمرها 35 و بعدها صغيره يقولولها معقوله عندج بنيه متزوجة



زنوب شلونج يمعود خلي مره حماج تقعد راحه لا تفتر خلي تقوم بل سلامة و بعدين تخور براحتها

فله يا فله قوليلي مو صوجي صوج ابنك ما اقدر اتحملك (يمعود اتشاقي الله يعينج قوليله حبيبي خلي نقضيها بوس و بعدين اعوضك دبل)

مها الله شلون دولمة وصلت الريح. لكندا الف عافيه عليكم

إيمان شلونج و شلون بنون

باقي الجماعة ان شاء الله الجميع اب خير
أبشركم حمودي الحمدلله وقف الاسهال بس وره شنو سوده عليه صار نص و هلك اب هذه الاسبوع

[توتايه]

أمين حبيبتي رحوبه كلنا نزوره امين

اي والله اتذكر الولاده واتذكر الحمل وشلون جان يرفس ابطني

امونه حياتي والله الحمدلله اليوم شويه احسن والف الحمدلله رحتي وشفتي اهلج سوده علية اكيد مشتاقيلج

يمنى عمري الف الف الحمدلله على السلامه غذيه حبيبتي زين وانشاء الله يرجع مثل قبل فديت وجهه

علياء عمري شلونج شلون صرتي عزة بعيني ولج خليج نايمه حتى ليزيد والله يعدي هالشهر على خير عمري وتحضنيها بيدج

[مجنونة بحبها]

هلا ام حمودي انا الحمدلله زينه وبنونه تبوس الايادي

ايه الحمدلله من صرتي احسن

اي والله طاك كلبي عليهم شهر مشايفتهم وحضنت امي ورجعت مثل الجاهل الصغيررررر

اووووووووووووو اموووت على امي احب حب جنون بس زوجي يغار من امي لان احبه

وحارمني من شوفته بس البارحه الله هداه واخذني واخوي رجعني

[رويدة_ أم ألق]

السلام عليكم
شلونكم وحدة وحدة؟

بيداء سلامتج وعندج العافية يارب

رحمة أدعو الله أن يثبت حملج ويكتبلج السلامة

رحاب منورة شلونهم أهلج

إيمان مشكورة مجدداً
كل البنات الغاليات تحياتي.

[رويدة_ أم ألق]

المشاركة الأصلية كتبت بواسطة روح ملائكيه

رويده شنو انتي ماجنتي تطبخين عند اهلج قبل الزواج؟؟
حبي العجينات تختلف اكو بالزيت وبالزبد وبزيت الزيتون بس نصيحتي الج استعملي زيت الزيتون بالبيتزا لأن الزيت العادي ييبسها للعجينه والزبد يلينها زايد ع اللزوم ..

والله مهاوي ماكنت أطبخ أبد يم أهلي
أصلا التمن الأبيض العادي أول مرة طبخته ببيت زوجي ههههههه
بس الحمدلله أشوف نفسي تعلمت بسرعة
دولمتج مبينة تخبل بألف عافية.

[روح ملائكيه]

هلو بنات شلونكم اخباركم؟

اليوم سويت فطائر شوفوها وسويت ميني كرواسون من نفس العجينه وصار طبقات ويخبل..

[روح ملائكيه]

هلو رويده ..تسلمين عيوني ..

تدرين رغم انه جنت اطبخ عد اهلي بس التمن مااحب اطبخه وطبخته ابيت زوجي فقط هههههههههههههههه

يلا عمري اترخص اروح ابدل للبنات حتى نطلع