تجمع الأمهات اللاتي سيلدن بشهر *ربيع الثاني* 1433

[لموني]

انا مثلك ام جنى لمن انام على ظهري ما اقدر اتحرك<<وهذا اكيد بسبب ضغط الرحم عالظهر بنحاول نبطل هالنومه لأن يقولوا بيضغط على وريد مهم كمان يعني خطيره..الجوانب افضل..

[|| أم عزوز ||]

لموني انا قريت في النت كذا انو الفيتامينات تسمن وخفت صراحة
بس ان شاء الله ناوية ع ريجيم قاسي هخخخخ مع انو سمنتي مو باينة يعني الي يشوفني مايصدق وزني كذا

تدرون صبايا الدكتورة هي الي قالت مو لازم تاكلي كالسيوم وحديد لانو بالتحاليل اوك مافيك نقص
وخفت انا لانو جدتي تقول حبوب الكالسيوم مضرة للكلى

وقلت دامها بتنفخني وتضر الكلى وانا مافيني نقص ماله داعي
وصرت اشربهم مرة وحدة بالاسبوع خصصت يوم لهم

شكلي برجع اشربهم يوميا

لموني وام جنى ياريت احرق دهون بسرعة اهىء اهىء
انا لو اكلت شي بسيط يبان علي بسرعة ولو اسوي تمارين فترة طويلة بالعافية يبان انو نحفت

[لموني]

بناااات المنتدى مختفين ..ايوووشه وعاذرينها..وبس انا وريم وام جنى..والباقين يطلعون ويختفون<<ليش؟؟

[|| أم عزوز ||]

يمكن مشغولين مع المدارس

امممم كروشات بسألكم التونة تضرالحامل ؟؟
والمرتديلا بعد ؟؟

بحثت بالنت واحترت بعضهم يقول لا وبعضهم يقول ايوا

[حلا جده]

مساء الخير حبايبى كفيكم وكيف الحمل معكم
اما انا ظهرى خلاص مااقدر اتحمل مره تعبنى
بنات انا عندى امساك شديد ليا 5 ايام مادخلت
الحمام احد فيكم صار هذا الشى رحت عند الدكتوره
اتصحيت انا وهى ماهى راضيه تعطينى لامليان ولاشي
ماسكه اعصابى منها

[لموني]

ريومه ابعدي عن التونه والمعلبات عموما<<حتى انا كل الكتب اللي عندي تنصح منها ..
اذا تحبيها روحي محل بيع السمك او السوبر ماركت عند المجمدات خذي سمك فيليه جووونااان في الفرن وسهل مره ومفييييد ..
حلا جده الامساك حبيبتي يبغاله وقايه احسن من العلاج..يعني كثري مويه خصوصا عالريق..والأفضل عصير برتقال الأحسن الطازه يعني سوي زيي اشتري كرتون برتقال وبس اكل او اعصره بالعصاره اليدويه وشرب مرررره مريح ..اذا طفشتي خذي جك عصير برتقال المراعي بالحبيبات يشابه الطازه..او سن توب عالريق يعطي نفس المفعول بس اكيد مو نفس الفايده..وحبوب الحديد تجيب امساك بس بحاملي السابق اخذ فروز..وهالمره اعطتني الدكتوره فيروجلوبين تقول مايجيب امساك..بس لمن جربت لقيته افضل من الفروز يريح شووي من الامساك..

[أيوش الحلوة]

بنات الحقووني
انا من يومين بعد صلاة المغرب تقريبا وجدت بقعة موية كبيرة بحجم نص كف اليد على الأندر وير ( انتم بكرامة ) و فوقها مادة صفراء مخاطية ..
و الصراحة ما أخذت الموضوع ببالي

و خبرت أمي قالتلي راقبي نفسك و اليوم بعد صلاة الظهر تقريبا بساعة و جدت بقعة أصغر شوية منها و بنفس مواصفاتها ..
بعدها خرجنا تغدينا عند أهلي و لما رجعت كمان وجدت بقعة بنفس الحجم ..

قلت واضح ان الموضوع جدي و خفت تكون مية الراس ( السائل الأمينوسي )




طمنوني الله يطمنكم .. مين صار معها كدا

[حمرة الورررد]

صباحكم شهد وورد
اخباركم يارب تكونو كلكم بخير وصحه وسلامه
ايووووش
ليش ساكته روحي لدكتورتك ان شاء الله يطلع شي بسيط

[|| أم عزوز ||]

ايوش لاتسكتي روحي المستشفى ضروري
المفروض من البداية رحتي ماسكتي

[ام جنى24]

الف سلامه عليكي يا ايوشتي
ان شاءالله انو شي طبيعي ,,
بس روحي لدكتور وتتطمني اكثر



ياحلوات متى تنامون ومتى تصحون وكيف نظامكم
انا انام احيانا 3 او4 ص
واوقات بعد صلاة الفجر وطبعا محب اسهر لحالي لازم معي وحده من بنوتاتي طبعا الكبيره صديقتي تسهر معي اغلب الايام والثانيه اوقات تسهر واوقات انومها بقوه تسوي قلق ههههههههه
طبعا كلهم لازم ينامون ساعه او ساعتين بعدالمغرب اوالعشاء
ولازم اصحى 12 عشان افطر واسوي الغداء وبنوتاتي ينامون لين يجي باباهم 2 وبس
نفسي انام بدري واصحى من 10الصباح ,,,حاولت اطبقها اسبوع وارجع لسهر تعودت من اول متزوجت وهذا نظامي بنوم ..