دردشة حوامل مصر - دردشة بنات مصر - تجمع حوامل مصر ‏

[*رحمه*]

ازيك يا جوجو
لسه والله مش هبدأ دلوقتي
كمان اسبوع ان شاء الله
اكون ظبطت اكل ريجيم
و انتي اخبارك ايه مع الدايت

[gogo]

صراحه يادينا فضلت عامله رجيم لحد الساعه 1 الضهر روحت عند ماما ولقتهم عندهم كشرى ومن محل تحفه ورحته جنان مقدرتش اقاوم بس من ساعتها وانا مكلتش حاجه تانيه يعتبر ده الحاجه الوحيده الى كلتها

[gogo]

بتهيقلى مش هعرف اتحكم ف الرجيم الا لما اسافر لانى هنا المه بتاكل هنا

[*رحمه*]

طبعا يا جوجو صعب
انا عملت ريجيم هنا السنه اللي فاتت قبل ما انزل مصر و خسيت 12 كيلو
لكن في مصر مع المحاشي و البط و الذي منه كان صعب جدا
بس انتي هتسافري تروحي فين ؟؟؟

[gogo]

هروح المغرب لجوزى كمان اسبوع ان شاء الله

[*رحمه*]

ربنا معاكي يا جوجو و ان شاء الله تعرفي تظبطي الريجيم هناك
هو انتي اصلا كنتي مسافره في حته قبل كده صح ولا ايه ؟؟؟

[gogo]

هههههههههههه انا كنت مسافره ف حتت مش حته واحده
بس ربنا يسهل ونستقر بقى انا تعبت من عدم الاستقرار

[*رحمه*]

ان شاء الله يا جوجو و طمنينا عنك لما تسافري
انتي قاعده عند مامتك ولا في بيتك

[gogo]

هنا شويه وهنا شويه
قوليلى مش انتى كنتى بتفكرى تشتغلى عملتى ايه

[*رحمه*]

و الله يا جوجو انا نفسي اشتغل ، بس المشكله هنا ان مش كل الاماكن فيها اقسام نسائيه اماكن محدوده جدا، ده طبعا لو هشتغل في مجالي
لكن لو هشتغل في مجال تاني بقى مش عارفه اصلاايه هي الشغلانه دي اللي ممكن اشتغلها
اصلي معرفش اشتغل غير مهندسه أو مديره هههههههههه لكن غير كده لأ
وانتي يا جوجو هتشتغلي هناك ولا لأ