حبيباتى سيدات ليبيا تفضلو لأعرف ما حالكم

[أم أجنادين 80]

السلام عليكم ورحمة الله وبركاته

ألف لاباس علي الامورة [color="rgb(0, 191, 255)"]أم فراس [/color]

طبيعي تخافي عليها قلب الأم وخصوصا لو اول مرة يصير هكي معاها

افضل شي تشربيها مياه مرقية

[color="rgb(0, 191, 255)"]جيجي[/color] الحمد لله علي سلامة أختك ومبروك عليها الوليد يتربي في عزكم

عجبني الإسم مميز

[color="rgb(0, 191, 255)"]اوشي[/color] شن اخبارك ووين وصلتي في الحوش

شموسة هدا كله غاطسة في البني وتجهيزاته

[color="rgb(0, 191, 255)"]امولة[/color] الله يبارك فيك وان شاء الله نسمعوا عليك احلي اخبار بولادتك بنوتة تونسك في غربتك

[color="rgb(0, 191, 255)"]سوسو ياسوسو [/color]

ليش ماقلتي من قبل عندك البضاعه ياريت تصوريها

[اوشي]

السلام عليكم ورحمة الله وبركاته

[اوشي]

المشاركة الأصلية كتبت بواسطة أمل ليبيا

اوشي كيف حالك ياحبيبة كملتي حوستك والا مزال ان شاء الله ربي يعينك وتحصلي نتيجه كيف ماتتمني واكثر تستاهلي كل خير ياغاليه

مرحبتين بنور العين ..

كيف حالك امولة وحال بيبيك وزوجك

وماتخافيش لما تولدي علي خير وسلامة ان شاء الله تحول قصة الريق

المشاركة الأصلية كتبت بواسطة أم أجنادين 80

السلام عليكم ورحمة الله وبركاته



[color="rgb(0, 191, 255)"]اوشي[/color] شن اخبارك ووين وصلتي في الحوش

الله يسلمك ياعسل ... انت شخبارك

انا كل يوم نقول بكرة

بس مازال دار القعدة اللي نقعدو فيه احنا ...

علقت الفايبر للمربوعة وازال نشي فرشتها ... عندنا محل فرش ورانا فيه فرش ايهبل

المتر علي 18 ونص

يعني نقول ما يجيش الخميس الا وانا تما كل شي

[اوشي]

http://forum.hwaml.com/t273018.html


http://forum.hwaml.com/t272843.html

[جوهرة ليبيا]

السلام عليكم ورحمه الله وبركاته

[جوهرة ليبيا]

الطريق الحمد لله انفتحت

والضئ سلامته هرب 4ساعات طلعنا وتعشينا برا ومع ذالك روحنا وماجاش

الثريات طلعوا ماشاء الله الاضاءه تهبل مازال وحده جانبيه بس

[جوهرة ليبيا]

اوشي ربي ايعاونك في البني ويسر ويسهل اموركم

امول كيف حالك وحال الحمل معاك ربي يسهل عليك يااااارب

[dr.loly]

المشاركة الأصلية كتبت بواسطة شموسه 88

جيجي ربي ايطمنا عليكي وينك مختفيه

اوشي كيف حال ياسمحه اوحال لعيال اوشن جو الجبل برغم اليوم روحت منكم اوتغدينا في مطعم الكهف

ام فروسي هههههههه تعرفي امروحه داخيه اوتاعبه من طريق الجبل فتحت التجمع القيت امنزله اصور الجبل راسي داخ اخرى"ياحنه زوجي ناسي كرسي السياره امتاع عبسي تعبلي كرعيا اوهبلني"اوكرهت الطريق

سوسو اوجنود اوهديه اواثري او ام نوزه اوام ابوني شن اخباركم او اتكونوا ابخير

ماشاء الله صار كنتي في الجبل لحد وين عديتوا ... وبتوا غادي ووين قعدتوا والا رحلة يوم واحد..
تسئله بالتفصيل ع الجبل عشان الارياف هههههههه
ومطعم الكهـــــــف اول مرة نسمع به ؟؟
خاطي استراحة الحيط مافي مطعم كبير امشرق
اكيد فاتح جديد لان المنطقة الشرقيه امشطينها تمشيط
سوا ايام هلي كنت بنت والا بعد الزواج
وديما قاهرينا بعد نعدي نا وزوجي مثلآ اسبوووع نملوا من اكل الفندق وسوسه وشحااات مافيهنش مطاعم كبااار من الكساد نعدوا البيضااا وينزل زوجي يجيب وخلاص تنويع بيتزا مثلآ
كلا مطعم سمك وجو هك ماقابلنا الا واحد اكتشفلناه صغيرووون ف سوسه قريب م فندق ..

واللي قاهرتني مش مستغلين المناظر الطبيعيه والاثار بالسياحيه طبعا ايامات المقبور مايبيش يحكي عليهن يبي روحه المشهور بس

[dr.loly]

المشاركة الأصلية كتبت بواسطة جوهرة ليبيا

السبت اللي فات حنيت جتني الحنايه طلعت حلوه ليبيه مع تشكيله بسيطه


الاحد جتني مزينتي ومكيجت عالقفطان ذهبي في العنابي شكله زي الميني جلابيه القطعه الدخلانيه بيزو بيزو لتحت الركبه والقطعه الفوق تول

مطرز من الحواشي ذهبي وطويل وشعري درته ذيل حصان ونفخه بسيطه في القصه وقمتها غيرتني هلبه

وخراص طوال ذهب امتاع صدره بس مش ملونات ذهب وفيهم لولي بسط ابيض مع باقي اذهبي ساعه وحديده

وخاتم كبير في ايدي اليمين بس وامداس ذهبي ههههه بالتفصيل


يوم الثنين بدلتي الهنديه اللي خديتها في 6 فوشي في الذهبي


درت مكياج هندي ونفخه بسيييطه لشعري تبتت عليها الطرحه وبافي خليته علي طوله مع ضفرات صغيره

طبعا حضرت سبوع اختي كان مرتب العشاء جاها حلو وبعدها امشيت للسهريه ومن يوم الثنين لامس وفرقه الدف كل يوم حاجزينها ايديروا في جو مابعد ايديهم ورقبتهم ماشاء الله

والثلاتاء كسوه في الصاله وبالفر قه نفسها تصدرت ورنو بالجلوه اعطونا هدايه حلوه مبخره راقيه وقفه صغيرونه فيها حنه ووووو


وبكلاوه ورزاته طبقات حللللوه وعبمبر بصراحه اول مره انذوقه بنسال من وين بندير منه في الاموره

والعشاء اربعه حاجات و3سلاطات وشعيريه


والاربعاء سهريه في حوش العريس زززززحمه ماشاء الله لبست قفطان احمر في الذهبي وشعري فير


والخميس الحفله رووووووعه ماشاء الله العروسه كيوت ودارولها زفه بالدف حلوه


والتقديم والاكل احسن مايكون المقبلات والعشاء 5حاجات ورز واربع سلاطات ماشاء الله

وهديه فانوس حلوووو

الحفله اللبس معقول فيه المستور وفيه احم احم باهي القاعه كبيره وقعمزتني عزوزتي في اول طاول وعاطيه ظهري للباقي قدامي العروسه بس ههههه


ولايخلو الامر من التعليقات والكلمات المحرجه والقصقصه في بعض الناس


امس وحده عرفتني جايتني مزينه وقفطان كبير زي الايام اللي فاتو شهقد فيا وقالت ,,,,,,,,,,


والا خلوها في حالها

باهي راجلي شرالي وعطاني وشن تبي انتي شن دخلك ناس فاضيه وخلاص


انا مش فخفخه بس قلت مادام عندي العرس ايجي بعد قداش اندير ليش لا والله ولاعمري قمت خشمي ولاغرور بالعكس

انهدرز ونضحك مع الكل حتي اللي سامعتها بودني اتعلق من وراي ليها رب يحاسبها

لاتسلفت لانقنقت ولا ولا ولا كله من فضل ربي مش عارفه شن دخل الناس


ربي يحفظلي زوجي تاج راسي وبنوتاتي الحلوات

ماشاء الله .. اللهم باركـ
اللبس والاهتمام بالنفس عمره ماكان فخفخه للي تحب تهتم بنفسها وبيومهااا ..
بس عزيزتي الله غالب في ناس نفوسها ضعيفه وللاسف جينا في زمن كثرت فيه العين والحسد والخبث من الناس نسأل الله أن يهديهم ويصلح بالهـــم ...


أهم حاجة انتي مقتنعه وراجلك راضي والباقي طنشــــــــــي
( طنش .. تعش .. تنتعش )

ياجيجي به ما وصلتش بهم لدرجة مايسلموووش عليك ف مناسبااات اكيد
عارفتيه جوو لي يبان الحسد ع وجه وماتقدرش صاحبته اتدسه لعند ماتضايق تحسيها
ليش لانك جايه ماشاء الله وهالموقف يصير معاي واجد وانتمني الارض تبلعني وقتها
لين اخدودي يسخنن نحس ف روحي ..
رغم اني متواضعه لابعد حد .. مافي ناس يقولو دكتورة وشايفه حالهااا بس في ناس تشهدلي كيف نا والاعم شخصيتي واني عارفه روحــي



والاهــــــــــــم الاهم ياعزيزتي ... النــــــــــــــــــــــــــية



النية تخدم ... مثل يقولوا فيه اجدادنا




بعد نيتك تقعد طيبه وصافيه وهم العكس الله جل وعلى يكون معانا ...
ويجازينا كل الخير ع نيتنا تجاهم ...
وبصفة عامه ..

وخل اللي بيقولوه يقوووووولو




وهذا الموضوع اللي قالتلك عليه اثري .. مقدمة منقوله وبعدها كتابتي من تجربتي مع ناس




http://forum.hwaml.com/t271599.html

[dr.loly]

أم فروسي ،،،،،،،،،،،،
عزومة رائعة يعطيك الصحة والله يرزقك أجر إكرام الضيـــــــــــــــــــــــــف
صور حلووووووووووووة ،،، مشتهية نزهـــــــــــــــــــة في جبلنا الشرقي الأشم
أحلى موديل من موديلات الفساتين أعجبني ................. هو الموديل اللي شريتيه """ فخامة وأناقة """
بالنسبة لموديلات :: ألولي :: أعجبني رقــــــــــــ 2 / 5 ــــــــــــــــــــم ،،، واحد تول وواحد قماش ،،، تبيدوهم بعرق العافية يارب
قلوب رائعة ،،،،،،،،،، شكلها شهي ولذيذ ،،، يعطيك الصحة
ربي يصبرك على سهريات السموحة ،،، الحال من بعـــــــــــــــــــــضه ،، بالرغم أن شهيتها طيبة لكن رشفات الأمومة لازززززززززززززم منها

أهلآ عزيزتي أثري .. تنوري الجبل الاخضر والمنطقة الشرقيه .. خودولكم شئ مرة اجازه او ع عيد الاضحي تعالوا
والله فيه تغيرة جو مش عاديه.. الانسان من كثر ضغوط الحياااه والاشغال اليوميه الروتينيه والعمل ..والمطبخ خخخ تبيله مره مره
فترة نقـــــــــــــاهة .. ديما نقول فيهااا لنفسك حقٌ عليكَ .. لازم هالنفس تتملئ حيويه ونشاااط وتشم هواء نقي وتسعد بأجمل المناظر الخلآبه ... عشان نروحوا فُل شارج ههههه(شحن كامل) ..

بالنسبه للعزومه الحمدلله عدت ع خير ..وكانت خفيفه ع قلبي .. بس ليلتها مش ح ننساها من حبيتي الولي ربي يحفظهاا
بعد بحثتت ع الموضوع ع نت لقيت من ضمن اسباب الاعراض عن الرضاعه .. تغير روتين الرضيع
وفعلآ شاشه التيلفيزون نقلها زوجي للمربوعه ونقل طرف من الجلسه نص الصاله فضت ..
وهي اول ماناضت حسيتها انفجعت واتبحت واتدور ف مكان خاطي انشغالي عنها بعض الشئ بالمبطخ يومها
عموما الحمدلله يارب .....وتسلمي ع الذوق الحلو ومساعدتي بالاختيار



ونبي نسألكـ نحن في بلد غير مسلم بس متطقتنا تعتبر فيها نسبه مسلمين من جميع بلدان ..
مع ان جيراني قدامي وجنبي انجليز ...
المهم سؤالي ع موضوع الصدقه ... ومانبيش نكثر حديث عليها وع حبي لها لانها بجد من أجمل الاعمال لدينا
خصيصآ بعد تقعد لله خالصه اي تعطيها بيدك اليمين وماتخليش اليسار تشوفها ..
كيف نتصدق في هالبلد ...........؟؟؟
في ناس تجي تسأل فينا بس من غير دينا و زوجي نموذج كيف صارلنا امس احد .. وواحد انجليزي جا يمشي ويقنع ف زوجي يبي فلوس
واستغفر الله شكله سكير وحتي زوجي قالي السبت والاحد يكثروا عشان بيسكروا اعوذ بالله..وطبعا زوجي هالنماذج مايعطيش فيهم..لان يقول بيسكروا بهن
بس مثلآ غير ذلك يعطي عارفتيهم اكيد كيف نظامهم هنااا يجلس ويحط زي العلبه قدامه ..
مثلآ يرسم .. او داير مجسمات رمل ..
او غيرها هل تعتبر كصدقه ياتري او حتى من باب مساعدة المحتاااج والسائل ؟؟وكيف نتصدق ببلد غير مسلم؟

وكذلك في موضوع مهتمين به هنا وهو من فترة لفتره يحطولنا في البريد متاع الباب اكياس خاصه بالدول المحتااجه والفقيره خصيصا الصومال تحطوا دبش مستعمل غير محتاجيلنه بس في حاله جيده .. طبعا مبادره عجبتني منهم رغم انهم مش اسلام
لكن المسلمين ح ينحسبلهم الاجر أكثر .. صحيح ... معليش كان طولت عليك عزيزتي