حبيباتى سيدات ليبيا تفضلو لأعرف ما حالكم

جوهرة ليبيا · 09-28-2013, 11:34 PM

الله يحفظك ويخليك جنوده شن بنحكي لنحكي ماشاء الله العرس

جوهرة ليبيا · 09-28-2013, 11:55 PM

السبت اللي فات حنيت جتني الحنايه طلعت حلوه ليبيه مع تشكيله بسيطه

الاحد جتني مزينتي ومكيجت عالقفطان ذهبي في العنابي شكله زي الميني جلابيه القطعه الدخلانيه بيزو بيزو لتحت الركبه والقطعه الفوق تول

مطرز من الحواشي ذهبي وطويل وشعري درته ذيل حصان ونفخه بسيطه في القصه وقمتها غيرتني هلبه

وخراص طوال ذهب امتاع صدره بس مش ملونات ذهب وفيهم لولي بسط ابيض مع باقي اذهبي ساعه وحديده

وخاتم كبير في ايدي اليمين بس وامداس ذهبي ههههه بالتفصيل

يوم الثنين بدلتي الهنديه اللي خديتها في 6 فوشي في الذهبي

درت مكياج هندي ونفخه بسيييطه لشعري تبتت عليها الطرحه وبافي خليته علي طوله مع ضفرات صغيره

طبعا حضرت سبوع اختي كان مرتب العشاء جاها حلو وبعدها امشيت للسهريه ومن يوم الثنين لامس وفرقه الدف كل يوم حاجزينها ايديروا في جو مابعد ايديهم ورقبتهم ماشاء الله

والثلاتاء كسوه في الصاله وبالفر قه نفسها تصدرت ورنو بالجلوه اعطونا هدايه حلوه مبخره راقيه وقفه صغيرونه فيها حنه ووووو

وبكلاوه ورزاته طبقات حللللوه وعبمبر بصراحه اول مره انذوقه بنسال من وين بندير منه في الاموره

والعشاء اربعه حاجات و3سلاطات وشعيريه

والاربعاء سهريه في حوش العريس زززززحمه ماشاء الله لبست قفطان احمر في الذهبي وشعري فير

والخميس الحفله رووووووعه ماشاء الله العروسه كيوت ودارولها زفه بالدف حلوه

والتقديم والاكل احسن مايكون المقبلات والعشاء 5حاجات ورز واربع سلاطات ماشاء الله

وهديه فانوس حلوووو

الحفله اللبس معقول فيه المستور وفيه احم احم باهي القاعه كبيره وقعمزتني عزوزتي في اول طاول وعاطيه ظهري للباقي قدامي العروسه بس ههههه

ولايخلو الامر من التعليقات والكلمات المحرجه والقصقصه في بعض الناس

امس وحده عرفتني جايتني مزينه وقفطان كبير زي الايام اللي فاتو شهقد فيا وقالت ,,,,,,,,,,

والا خلوها في حالها

باهي راجلي شرالي وعطاني وشن تبي انتي شن دخلك ناس فاضيه وخلاص

انا مش فخفخه بس قلت مادام عندي العرس ايجي بعد قداش اندير ليش لا والله ولاعمري قمت خشمي ولاغرور بالعكس

انهدرز ونضحك مع الكل حتي اللي سامعتها بودني اتعلق من وراي ليها رب يحاسبها

لاتسلفت لانقنقت ولا ولا ولا كله من فضل ربي مش عارفه شن دخل الناس

ربي يحفظلي زوجي تاج راسي وبنوتاتي الحلوات

جوهرة ليبيا · 09-29-2013, 12:18 AM

تصبحوا علي خير بنغير لرنو وبنرقدها بوها علي جيه ونجهز روحي انحس روحي تاعبه وشاحبه

سلاااااااااااام

أثري في مدادي · 09-29-2013, 12:52 AM

السلام عليكم
دهشتووووووووووووووووووووووووووووووووووني
من بكري نجري في جرتكم
مشكلتي
مانقدرش
نكتب قبل ما نقراااااااااااااااااااااااااااا

عموما
خلاص عيوني بيتصكرواااااااااااااااااااااااااا

أم أجنادين 80 · 09-29-2013, 12:58 AM

ماشاء الله عليك جيجي
تعجبيني مهتمة بنفسك وبطلتك
وصغيرة ليش ماتلسي بما انك مااديري في شي حرام
والحمد لله علي قولتك سلم راجلك وتاج راسك ربي يحفظهولك

أم أجنادين 80 · 09-29-2013, 12:58 AM

شن المقصود بخلوها في حالها

جوهرة ليبيا · 09-29-2013, 01:00 AM

راجلي قاعد ماروحش قلت خلي انشوفكم

رقدت رنو وغيرت وجيت

جوهرة ليبيا · 09-29-2013, 01:01 AM

سلمك جنوده انتي الذوق والاناقه ربي يحفظك ويخليك ويعطيك كل ماتتمني

جوهرة ليبيا · 09-29-2013, 01:06 AM

قصدي انخليها في حالها لاني كل مانذكر الموقف نتنرفز وفي نفس الوقت نضحك كيف انها ماقدرتش تتحكم في نفسها وقالت اللي قالاته

هي اكبر مني ب8 سنين ومتزوجه قبلي بسنه وديما في كل عرس حاطه دوبها دوبي جو بتنافسني مع اني انا ناسيتها مهتمه بنفسي علي خاطري وخاطر الغالي راجلي

وناسيتها مره وحده

لدرجه تاني يوم العرس بنتها تجري قالتلها ماما جيجي جت هههههههه تستني فيا ربي يهدي

ريتي كيف بديت ندوي فهادا علاش قلت انخليها في حالها ربي يهديها

أم أجنادين 80 · 09-29-2013, 01:10 AM

قصدك زي هدا قفطانك جيجي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات ليبيا , دردشة حوامل ليبيا , تجمع بنات ليبيا	ايلاف	إستفسارات حوامل من الشهر السابع إلى الشهر التاسع	3567	06-15-2013 12:57 PM
دردشة بنات ليبيا , دردشة حوامل ليبيا , تجمع بنات ليبيا	سماسم	إستفسارات حوامل من الشهر السابع إلى الشهر التاسع	24082	03-27-2013 08:08 PM
تفضلو حبيباتي	ريحانة المصطفى	منتدى أعراض الحمل والوحام	0	12-06-2012 10:41 AM
مهم لكل عضوات قسم الحوامل الغاليات.. تفضلو حبيباتي ..	xRano0x	منتدى أعراض الحمل والوحام	121	08-23-2011 01:48 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM