دردشة حوامل أهل الرياض - دردشة بنات الرياض - تجمع حوامل الرياض

[آممم ثآمر]

يا هلا فييك

من الشهر الخاامس تقريبا يبداً يبييين

موفقه حوبي

[بوح المشاعر]

المشاركة الأصلية كتبت بواسطة أم ليان 1000@

السلام عليكم كيف حال البنات كلهن مين ولدت منكن أنا كنت بالعمرة ودعيت لكل اللي بالمنتدى وكل محرومة تجرب مثلنا يـــــــارب
بنات بسأل متى أقدر أعرف نوع الجنين ؟؟؟ لأني ما ودي أكثر اشاعات وسونار وماراح أخذ اشعة إلا عشأن اعرف نوع الجنين مشتاقة أروح أجهز وافرفر بالاسواق

الله يجزاك خير ام لياااااان
ويبارك لك في العمره ويتقبل منك

انا سويت سونار مرتين ابغى اعرف الجنين باول الخامس وسط الخامس

وكلها كان ضام رجوله يعني مدري شنو جنسه بس اهم شي الخلقه الحسنه

وبعدها استخرت ماراح اشوفه الا بالثااامن

وربي يتمم علينا بخير

[ღ°• صـمـتے حـڪـايـہ •°‏ღ]

هلا حبيبتي ام ليااان يعافيك ياقلبي ع الدعوه في الحرم

وشوفي جنسه في نهايه شهر السادس...

بوح المشاعر ترا في الثامن مايوضح يكون كبير وماتقدرين تشوفينه صار كذا لزوجه اخوي ماعرفوا لانه كبر >>شوفيها الحين في شهرها التاسع وماتدري عن جنسه

[الرايقه]

أنا جيت حامل بالشهر الثاني من بعد إسقاط قبل 6 أشهر من الحمل الله يثبت حملي وحمل كل الحوامل يارب ...ترحيب ياقروب الرياض.

[{ يا كُل مآملك ,,]

السلام عليكم

راح انضم معكم في هذا التجمع انا لسا توني حامل بالشهر الثاني وهذا حملي الاول
بشهري الاول ماكنت اعرف اني حامل و قلت يمكن تاخر الدورة عندي عادي
بس بالشهر الثاني عملت تحليل وطلع فعلا اني حامل و جداا مبسوطه الله يتممه لي على خير

واستفدت معكم والله كثيير

بس بسالكم انا براجع في مستشفى المملكة هل تنصحوني فيه
انا قريت من تجارب احدى الاخوات تمدحه فتحمست اتابع معهم
بس اتمنى تقولون لي احسن دكتورة ؟؟؟

[{ يا كُل مآملك ,,]

حبيباتي يا حوامل حابه استفسر منكم اكثر
متى ابدا اسوي السونار متحمسه ابغى اشوف البيبي الصراحه حمستوني من كلامكم

طيب ابغى اسالكم فين اقدر اعمل السونار الثلاثي الابعاد على ما اعتقد اسمه ومتى اعمله ؟
هل مستشفى المملكة عندهم هذا السونار ؟
بليز بنات خبروني جد متحمسه

[سلافه]

كروشات

ابي اراجع بمستشفى في الرياض
يعني المستشفيات الحكومية بتستقبلني ولا لازم تأمين ولا لازم يكون زوجي تبع شركه ولا وزارة معينه
شي ثاني ابي اعرف اول زيارة للدكتورة ايش بالضبط حتعمله يعني تحاليل ولا سونار ولا ايش
تراني بكريه ولا اعرف شي:(

[تولين]

مرحبا سلافه
فيه من دون تأمين بس ما انصحك فيها الشميسي والامير سلمان واليمامه انا ماجربتها بس من كلام الناس مايمدحونها وعندك الحرس اذا زوجك مايشتغل فيها تقدرين تولدين فيها بس بفلوس وخالد الجامعي لازم يكون زوجك يشتغل يافي الجامعه او المستشفى او واسطه
ومن ناحيه المراجعه الاولى على حسب المستشفى اذا اهلي يسوون سوناروتحاليل في بدايه الاشهر اما حكومي تحاليل واما السونار في الرابع
هذا الي اعرفه اتمنى اني افدتك وانشاء الله الكروشات ماراح يقصرون

[أم ليان 1000@]

أهلين بكل اللي دخلوا جديد علينا عسى ربي يقر عيوننا بمواليدنا جميعاً

[سلافه]

تولين
شكرا ياقلبي على الرد
طيب عادي اراجع بأي مستوصف ووش تنصحيني فيه
تراني والله ما ادري وش السالفه واهلي بعيد عني هالفترة