السلااام عليكم
اولا اشكر اخواااتي اللي سااعدوني في بدايه حملي الى النهاايه صراحه منتدى رااائع والاحلى فيه انك تلقى الكل يساعدك في مشاكلك واموورك واستفسااراتك
قصه ولادتي و السيااااره...
في يوم 18 الساعه 9 في الليل كنت اكلم زوجي طبعا هو مسافر كنت اقوله تخيلي لو تجي الولاده والسياارات خربااانه
قال بستهباال اتصلي ع عمك وخذي سيارته...عاد انا قلت الحمدالله ان سياره ابوي صلحانه
المهم سكرت ورحت اسولف ع المسن ويوم جت الساعه 10 حسيت بشي في فخوذي مثل السكاكين انا طنشت>>معتمده ع كلام الدكتور الطلق مثل الحزام يبدا من الظهر ويمسك البطن
المهم حسيت شي ينزل من تحت رحت الحمام وانتم بكرامه لقيت شي نزل كثير مثل الماده اللزجه >>مازلت معتمده ع كلام الدكتور انتظر الحزاام متى يجي
المهم الالم كل ماله يزيد ومسك في ظهري اما البطن ماحسيت فيه ولا شي
طبعا وجهي بدت عليه علااامات التعب وجت امي تسالني قلت لها اللي فيني قالت خلينا نروح يمكن ولاده قلت يمه الدكتور يقول مثل الحزام>>ومازااالت دلال مصره ع كلاام الدكتور
المهم جت الساعه 12 قالت امي ابشوف السياره يعني ينقاال بجهزون السياره عند الباب والمفاجااااه >>>ان اخوي سافر ع سياااره ابوي مدينه تبعد عن الرياااض 3 ساعات
يعني الدعوه فيها سياره عمي>>>عاد انا ماابي احد يدري عني
وجلست اروح الغرفه اتلوى على السرير وماخليت حركه الا سويته مره ع ظهري مره رافعه رجولي ومره ع جنب طبعا هذا كله مع اصوات كاني العب كراتيه..
ماحسيت الا صوت بكي جنبي الا واختي اللي اصغر مني تبكي يوم تشوفني اتاالم>>>والله شكلي خوفتها بحركاتي
المهم شرف اخونا في الله ساعه 2 في الليل وجاء اخوي الثاني اخذ السياره بيجيب زوجته من عند اهلها..
وراحت السياااره ...
امي يابنت اذا جاء اخوك بالسياره اباخذك للمستشفى وانا مازلت انتظر الحزام>>طبعا كلام الدكتور لاتروحين الا اذا حسيت الم ببطنك وانا ماحسيت
الساعه 3 وصلت السيااره ورحت غصب عني للمستشفى وقالت الدكتوره وش تحسين قلت الم في فخوذي وظهري بس قالت وبطنك قلت لا
قالت يعني تحسيت مثل الحزام قلت ياهالحزااام وينه ابحس فيه
المهم كشفت داخلي توقعووون كم لقته مفتوووح
لقته مفتوح خمسه![hwaml9](images/smilies/TR (2).gif)
قالت ولاده انا من اللحظه هاذي فصلت عن العااالم والله ينزلون ملابسي وانا اناظر وكاني في عالم اخر
المهم ودوني لغرفه الولاده جلست اتالم وكشفت لقته سكر الرحم سانتي لقتيه 4 قالت لي لاتخافين..
المهم جت الساعه 9 الصبااح وعطوني طلع صناااعي واخيرا حسيت بالحزام اللي يقولونه ..
وقعدت اصااارخ واستفرغ وانتم بكرامه دم لين هلكت الحمد الله انهم دخلو امي معاااي
وشوي الا قالت لي لازم شفط وسوه
وصل النونو احلى نيوفي في الدنيااء
يوم طلعت لقيت اخوي يسلم علي وجايب لي مشروووب ديو والله اشتهيته بس امي رفضت اشربه
وجلسوني في المستشفى يومين علشان ضغط الحمل بس الحمدالله صار طبيعي يوم ولدت..
وكل هذا زوجي مايدري اني رحت اولد قلت ابروح الطواري علباله اني تعبت مو ولاده...
امي خاصمت اخواني يعني مو معقوله 5 اخوان وسيارتهم خربانه >>>احس احد دااعي علي
سوووري طولت بس اذا وصلتوا الشهر التاسع جهزو كم سياااره ...