اهلا باهل الجود والكرم **اهلا بسيدات ليبيا**

[خوله 2014]

المشاركة الأصلية كتبت بواسطة أم أجنادين 80

الحمد لله زوجي كويس واهلي حتي هما

قرايتي ماشية كويس كانت فترة الضغط المده الفاتت ليمن نقول شن درت في نفسي

عالمعموم حصلت قبول من جامعتين لشهر 5 الاكاديمي

ومزالت فترة اللغة مزال

والله محتارة نكمل اللغة او نبدا في الاكاديمي

نبي استشارة منكم

شن تنصحوني

اكيد بالنسبة ليا اللغة اسهل بهلبة من الاكاديمي

لان الاكاديمي هوا المصيري نجاح او رسوب في المواد وضغط تقارير ونصفيات وغيره

وانا لما نقرا معادش نهتم باي شي ثاني

فكرت اني نكمل مدة اللغة ونستغلها في العلاج زي ماانتم عارفين علاش

حتي لو صار تعب تكون في اللغة مش هديكا المشكلة حتي لو غبت من الدراسة بالعكس من المحاضرات

شن تنصحوني نكمل اللغة ونبدا العلاج ونستغل الوقت

او نبدا اكاديمي للعلم اني هكي عندي فرصة نكمل بكري لو بديت في 5

والله يا اختي لو تسمعي نصيحتي بناء علي تجربتنا من الافضل انك تكملي مدة اللغة شهر شهر اولا باش اتكون عندك بيسك جدا ممتاز من ناحية الغه وايضا هدا ياتر علي الاكاديمي وتانيا بناد علي كلامك علاج وما علاج وان شاءالله لا باس من الافضل تستغليه توا لان اللغة تعتبر فتره نقاهة مقارنه بالاكاديمي ومهما انضغطي توا مش زي وردي بالك تفكري انكمل بكري والاتالي انتي حاولي انك تستغلي المنحة اي المدة كامله بدون ما تفرطي في ولا شهر ولكن في حاله انك في اللغة ممتازه ممكن بس الافضل دائما اتكملي الغه لانها هده هيا الفتره الي بتبدي بيها تتعودي علي روتينهم الدراسي وبالشوي بالشوي درجة درجة لين اتمي وان شاااااءالله ربي يوفقكك

[sosolibya]

ألأفضل لك عزيزتي تكملي اللغة أولا ,, ليش؟؟؟

من ناحية ألإستفادة عشان تستفيدي إستفادة تامة وتكون على علم بكل شىء ..

والسبب الثاني هو أنه الوقت مايفوتش وتنسي العلاج

لأنه أكيد ألأكاديمي ضغط مكثف وبهذا رح تخسري شهور معينة ألأفضل أنها ماتريحش وعلى ألأقل تاخدي فيها حتى علاج..

وربي يوفقك لما فيه خير وييسرلك مرك كيف ماتتمني..

[أم أجنادين 80]

المشاركة الأصلية كتبت بواسطة sosolibya

ألأفضل لك عزيزتي تكملي اللغة أولا ,, ليش؟؟؟

من ناحية ألإستفادة عشان تستفيدي إستفادة تامة وتكون على علم بكل شىء ..

والسبب الثاني هو أنه الوقت مايفوتش وتنسي العلاج

لأنه أكيد ألأكاديمي ضغط مكثف وبهذا رح تخسري شهور معينة ألأفضل أنها ماتريحش وعلى ألأقل تاخدي فيها حتى علاج..

وربي يوفقك لما فيه خير وييسرلك مرك كيف ماتتمني..

الله يبارك فيك غاليتي سوسو علي الكلمات الطيبة

والله انا محتراة بين الدراسة وبين العلاج

خاطري نكمل بسرعة رغم اني عارفة لو كملت بسرعة ممكن نحصل تمدييد دكتوراه وفي نفس

الوقت مانبيش نضيع عمري في القراية وننسي نفسي

مافيش حد راح يرحمني حتي لو جبت اعلي الشهادات

[sosolibya]

ماشاء الله جيجي حاسبة روحي سهرانة مان أمتى بتجي أنت


هيا عطلتي ههههههه

ربي يسعدك..

الفطيرة بالقازول ...

[sosolibya]

ايه ياجنودة والله بديت مقتنعة أنه يللي يفوت من العمر يفوت وماتدريش مرات ماتصدفش معاك

ممكن تكملي القراية ومايعطوكش تمديد وتروحي وتريح عليك يا إما تتضطري تقعدي تعيش على حسابك


أنا كنت نقدر نجيك بإسلوب أخر ونقولك ((ألهي بالقراية وكملي وأفتكي بعدين ألهي باصغار لأنهم حيشغلوك عالدراسة))

بس زي ماقلتلك ليفوت منت العمر يفوت وخساره الوقت

[أم أجنادين 80]

ايه انا معاك ياسوسو بالنسبة ليا بعد ماتزوجت حطيت القراية في المرتبة الثانية

لان الحق ماكنتش مفكرة اني نحضر علي قد ماتشحورت في القراية وعارفة انها تبي وقت وجهد

وزيادة تحرق الاعصاب وكله يرجع علي الصحة نحكي علي نفسي نبذل في مجهود كبير

وتاخد في كل تفكيري

والناس مش راح ترحمني زي ماقلتلك يعني مستقبلي هما الصغار توا مش القراية

ونزيد نشوف أراء البنات

[أم أجنادين 80]

سهفتيني في الفطيرة سوسو

احني مانديروش فيها هكي

لو تعرفيها نكسروها قطع صغيرة ونطيبوا صلصة

او فلفل احمر مع بصلة عرفتيها متاع البصل المجفف والقازول

حاجة مش عادية

[sosolibya]

الله يسلمك جنودة وربي يسعدك يارب ,, صار سهفتك الله غالب ,, شنو أمريكا مافيهاش أطلعي ودوري بروحك هههههه

عالعموم بالنسبة لسؤالك لا مانديروش فيه الفتات ,, ناكلوا فيها هكي أو مع الجبنة ولا الدحي((البيض))

او حسب الرغبة..


وماعنديش عليها فكرة متع البصلة الحق.. بس أكيد حلوة

[sosolibya]

لالا أنا بصراحة هلبة عليا السهر هكي.

هذا كله من فنجان القوة شربته بكري عند المراة يللي حكيتلكم عليها مرة قاصينيلها صدرها مسكينة

لكن سبحااااااااااان الله نفسيتها ماشاء الله .. الحمد لله على كل حال..

[sosolibya]

هدهد وينك كيف حال سوما وبوها..

سألتل صديقاتي عن مشكلة صديقتك..

قالولي زيت الحلبة مفيد جدا

والحل ألأسرع يضا بيد راجلها.. وإن شاء الله تكوني فهمتيني