** ليبيا زين علي زين ليبيا ورد وياسمين ** تجمع الليبيات

[dr.loly]

سوسو شفت كيكتك

اسهفت اندير كيكه

درتها ع السريع وصورتها

[dr.loly]

خصيصا اني صايمة اليوم

درت شربة عدس ورز بالشعيريه ..وشاورما دجاج
وعجة خضروات


وطبعا كيكة اسفنجية زينتها بالمربي والكاجو وجوز الهند

[sosolibya]

تعالي أم فراس كيف ماعرفتيها معقولة أهل الشرق مايعملو طبيخة البقول للنافس ..

ههههههههه

[dr.loly]

http://forum.hwaml.com/t283419.html#post3577138

[dr.loly]

لا مانديروش فيهااا الحق...
في بنغااازي ماشفتها .. واجدابيا واجخرة وجنوب ماشفتهااا

ومصراتــــه كذلك ف جيابتهم ماشفتها انتم اتديرو فيها بس هههههههههه

[dr.loly]

البقول اول ايام واعرات ع البيبي مسكين هو بروحه غااازات ومغص .. اعتقد ان لي ترضع طبيعي تزيد ولدهاااا غازااات ومغص


نحن نافس يديرولها عصيده فايحة بالزبدة وطنيه .. تشرب حلبه يديرولها عجة كسبر او كمووون
وف ناس ع حسب

ف مصراته عصيدة النافس تهبل يقولولها عيش دوااا
يعني مش مجرد عصيده بسسسس .. فيها خلطة اعشاب وكمامين نحس فيه مقويه بجد


وفي اجخرة الجنوب (موطن عربي) يديروا ف المقطع بالقديد والحسااا للنافس






اما سبر او طبع هلي اتديرلي فيه ماما الله يحفظها بعد جبت فراس والاء


اتديرلي في تمر امعصد بزيت الزيتووون .. والعصيدة بالكمون او صافيه

وعجة كسبر _(غاليه عليا)_ كويسه تحول الرعاش او الخلعه يقولو اجدادنا وتقوي الدم

وطبعآ حلبة مه اني مانحبهش لكن عشان خاطرها نشرب تديرلها ف زبيب عشان تحول بنتها


وطبعا برودي خضرة بدجاج يوميآآآ هذااا .. وحليب دافي بالعسل والكمامين

ف ليل كويس يهدي ويرقدك انتي والبيبي

واهم شئ تقولي كولي فواكه واااجد زي التفاااح الاخضر لين نكره استغفر الله بعد نجيب هههه هو وبرودي

ودجاااج المحمــر

[جوهرة ليبيا]

السلام عليكم ورحمه الله وبركاته

[اوشي]

السلام عليكم ورحمة الله

كيف حالكم جميعا ...

انا عندي زحمة مانحكيلكم بزيادة لمسؤلية جديدة في المنتدى ..

نرجا في خوي العريس هوعروسته ماشيين شهر عسل لتركيا وبينزلو في بنغازي

وبنعزمهم هم وسلفي العريس وعروسته وحايسة في الحوش

والحلو والهدايا والتفكير والتخميم

[اوشي]

هلا جيجي لاباس عليك طهور ان شاء الله

وكيف حال الاميرات وشن دايرين في هالصقع

[اوشي]

امولة سعدت جدا برؤية اسمك

وشكرا لك للسؤال علينا ربي يحفظك ويخليلك فطومة وبوها وامك وبوك وخوتك