ألذوأطيب الطبخات السورية

[زهرة الحب]

توتي وانا غير تسلموا حبيباتي على كلامكن الحلو وياريت تشرفونا على طول

[غُمُوض أُنثَى]

اكلآت بتشهّي عنجد

يعطيكم العآفية صبآيـآآ

جوعتوني

[وردة سورية]

يا سلاااااااااام شو هالنشاط هاد بغيابي الله يعطيكم العافية وشكرا غموض انثى وانا غير وتوتي على مروركم بصفحتنا
نورتونا
سيلا وجوري يلا يا حلوات بدنا نشاط اكبر
زهورتي يسعدك ربي يا قلبي كتير شكلها طيب التونة

[وردة سورية]

اليوم العزيمة عندي
على اليالنجي
هو ورق عنب محشي بالرز
واللحمة
على الطريقة السورية
...
الحشوة هي
رز مصري منقوع يعني رز قصير
ومعه نضع بندورة مفرومة ناعم ونعنع يابس ناعم ولحمة غنم كمان ناعمة
وثوم بتضربيهن عالخلاط والكمية حسب الرغبة انا بفضل اكثر ثوم لانه بيعطي نكهة شهية
وملح وفلفل وبهاراتك المفضلة وزيت الزيتون هيك بتكون الحشوة جاهزة بتروحي للف الورق

نضع الورق في ماء ونغليه لدقيقتين
حتى تروح منو المواد الحافظة وبيكون صار طري واحسن

ونحشي الوراق ونلفها
وطريقتي السريعة متل ما تشوفوا بالصورة
اضع عدة اوراق على الصينية
واضع علها الحشو ثم الفها

احس انو هذه الطريقة بتسرع على الشغل

ثم نتبع طريقة للرص بداخل الطنجرة ...( افضل شي استعمال الطنجرة الستانلس ستيل
لانو لا يتفاعل مع الاحماض )
اولا شوي من الورق عنب المتبقي عندنا
ثم طبقة شرائح طماطم
ثم طبقة من ورق العنب الملفوف ثم طبقة بندورة ثم تضعي بالوسط راس ثوم كامل بس يستوي طعمته كتير طيبة
ثم بتضعي اخر طبقة الورق

وهكذا
ثم نضع ثقل
انا استعملت وعاء فارغ امليه مي واحطه فوقهم وبعدين نضع الماء المتبقي من الحشو
وكمان شوي ماء اضافي
ونعدل له الطعم بالملح والحمض
ونرفعه على النار
ونختبر الاستواء
لازم الورق يكون مستوي منيح والرز كمان
انتبهوا له بس يستوي بتحطي ملعقة سمنة على الورق العنب
واخيرا بتعملي جنبها مقبلا ت فتوش او تبولة
انا عملت تبولة








ويم يم صحتين على قلوبكم يا طيبين


h waml71

[Babysugar]

يالله شو هالاكلات طيبين كتيييييييييييييييييييييييييرررررررر عن جد تسلم الايادي ..

[Babysugar]

حبيت شارك معكن بأكلة كتير طيبة وهي شيخ المحشي ... انا كتير بحبها وان شاء الله تعجبكن ...


المكونات
كوسا حجم صغير محفور




لحم مفروم مطبوخ مع البصل والبهار




لبن +بيضة +ملعقة نشاء


الطريقة


نحشي الكوسا باللحم امفروم




ثم نقليه






بعد ذلك نضيف على الكوسايات ماء مغلي وملح ونتركه يغلي قليلا حتى يستوى




في هذه الاثناء نحضر اللبن المطبوخ باستخدام لبن زبادي مع بيضة مع ملعقة نشاء مدوبة في قليل من الماء




نضيف البيضة والنشاء الى اللبن ثم نضعهم على النار مع التحريك حتى غليان اللبن ونضيف ملح




نقلي ثوم مهروس مع نعنع ناشف ناعم ونضيفه للبن






ثم نصفي الكوسا من الماء ونضيفه للبن ويترك قليلا على النار




وهيك الكوسا جاهزة




تقدم مع الرز الابيض او الرز بالشعيرية


صحتين وهنا


للامانة منقول بس ذات الطريقةالي انا بعملها بالضبط ...

[زهرة الحب]

وردة تسلم إيديك حبيبتي
بيبي سكر تسلم إيديكي الحلوين ومبسوطة كتير انك شاركتي معنا وبسعدنا تنضمي معنا بتجمع سوريا زورينا واجتمعي مع بنات سوريا
http://forum.hwaml.com/t89464-302.html
غموض أثني يالله تفضلي أطبخلك الأكلات الطيبة وماعاش الجوع هههههههه

[وردة سورية]

بيبي سكر تسلمي على هالطبخةمن يومين عملتا ونفس طريقتك كمان يالغالية
بانتظار مشاركاتك حبيبتي

[زهرة الحب]

بيتزا طلب للأخت وردة سورية

المقادير:

نص كيلو عجينة بيتزا

معلقتين زيت زيتون

صينية دائرية للخبز

الصلصة :

معلقة كبيرة من زيت نباتي

بصلة مفرومة ناعمة

فليفلة خضراء مفرومة ناعمة

بندورة مفرومة ناعمة

معلقة من رب البندورة

رشة ملح

للتزيين:

جبنة قشقوان او اي نوع انتي بتفضلي حسب الرغبة

عطون

شرائح فليفلة حلوة أو حارة كمان حسب رغبتك

فطر إذا كان متوفر عندك

الطريقة

ندهن الصينية زيت زيتون كامل الصينة واحرافها نبدا بمد العجينة جيدا وننتبه للسماكة العجينة لازم تكون متساوية مافي طرف رقيق طرف سميك

نتركها ترتاح

الصلصة نسخن الزيت ونقلي البصلة والفليفلة والبندورة ورشة ملح حتى تغلي شوي نضيف رب البندورة ونتركها تغلي منيح بعدها نطفي الغاز ومنبدأ نحط الصلصة فوق العجينة

متل الصورة

هلأ منرش الجبنة المبشورة فوقها

بعدها نزيينها ونحطها بالفرن على درجة حرارة مابين 100 و150 ولمدة ربع ساعة وصحة والف هنا

أنا عملت صينيتن هاي صورة التانية

[Babysugar]

زهرة - ووردة .. تسلمو لقلبي ... ويعطيكن العافية انتو كمان ماعم تقصرو و كل الطبخات بتشهي و بتخلي الولحد تشط ريالتو علين ...
بانتظار المزيد من الابداعات ... وبيشرفني التقى ببقية الصبايا ... :)