@@ دردشة أحلى ونااااااسه 3 @@

[حنين الجنة]

جنة تعبانه شوية شكلها بتسنن كان عندها سخونه بسيطه بس راحت الحمد لله
ومطلعه عينى فى الاكل




واتصلت على بابا وماما قالوا كويسن الحمد لله


مش عارفه ليه مش مطمنه حاسه الايام اللى جايه مش هتعدى على خير

[*رحمه*]

الف سلامة عليها جنه ما تشوف شر ابدا
و الله يا مصرية خايفة جدا ما نمتش من امبارح ، و اخويا في الجامعة نزل امبارح عشان البلطجية في الشارع مع الناس ، و ماما تسمع صوت ضرب نار و افتكرت انه اخويا في خطر و قعدت تصوت بس الحمد لله كانوا الجيش بيضربوا على البلطجية

شفتي الحكومة المصرية بتعمل ايه في شعبها ده غير الضحايا اللي ماتت حسبي الله ونعم الوكيل

[حنين الجنة]

ربنا يحمي اهلك ان شاء الله
الجيش ميقدرش يعمل حاجه دى الناس تولع فيهم


والله يا دينا انا كمان قلقانه اوى مش عارفه ازاى حظر تجول
الله يخربيت قانون الطوارئ ده

[*رحمه*]

اه و الله ربنا يحميهم ، حسبي الله عليهم وعلى ظلمهم ، مفيش حد حاسس بالمصريين واللي بيحصلهم ، عمال يقطع الاتصالات من كل ناحية عشان محدش يعرف بالخراب اللي في مصر حتى الجزيرة منعهم عن مصر
و يقولك اللي اصدر القرار انس الفقي وزير الاعلام في الحكومة المصرية المقالة
حسبي الله عليهم حسبي الله عليهم

[حنين الجنة]

ايه ده معقوله حجب الجزيرة ......؟
اصل انا معنديش عربي

[*رحمه*]

اه والله يا مصرية قفلوا مكاتب قناة الجزيرة و سحبوا من المراسلين التصاريح ، علشان ما ينقلوش الحقيقة اللي بتحصل
واصلا الجزيرة لسه كانت بتذيع ان اسرائيل دعمت مصر بالقنابل المسيلة للدموع و الذخيرة للقضاء على المتظاهرين
حسبي الله و نعم الوكيل

[حنين الجنة]

يانهاااااااااااااااااار ابيض
اسرائيل
حسبي الله ونعم الوكيل
ربنا ينتقم منهم

انتى متعرفيش اذا كان حظر التجول الناس بتعمل بيه ولا لا ؟؟؟؟

[*رحمه*]

لا من ساعة ما فرضوا حظر التجول والناس بتنزل في المظاهرات ، مش عارفة اصلا بيفرضوه ليه

[حنين الجنة]

انا باذن الله اخلى زوجى يشحنلى لان رصيدى خلص امبارح واتطمن على اهلى

[*رحمه*]

ربنا يطمنك عليهم يا مصرية و يحميهم هما و كل المصريين من كل سوء يارب

قوليلي يا مصرية انتي درستي ايه ؟؟