سيدات ليبيا الحبيبات ..تفضلووو

[اوشي]

السلام عليكم ورحمة الله وبركاته

[اوشي]

ماشاء الله تبارك الحي القيوم ..الذي بيده مفاتح كل شيء

اللهم بارك لاختنا جنودة واحفظها واحفظ جنينها من كل مكروه

ربي يمم لك علي خير حبيبت يفرحتلك من وسط قلبي والله

وموقفكم انت وزوجك احلى موقف في معنى السعادة ربي يدومها عليكم

[اوشي]

هدهد ..

حبيبة ولا يهمك اضحكي في وجه امك وهوني عليها وتعالي فشي خلقك فينا ههههههههههه

خياتك ونتحملوك ونعذروك وكلام والدتك فعلا مؤثر ربي يخفظهاويطول في عمرها

[اوشي]

فــــــــــــــــــــروســـــــــــــة....

وينــــــــــــــــــــك يالغـــــــــــــــــــــــــلااااااا

[اوشي]

سوسو ..

جيجي ..

اثــــــــــــــــورة ..

فيفي ..

خولة ..

ام سعد ..

ام معاذ ..

ام ورد ..

ام نوزة ..

امولــــــــــــة ..

ام وسونة ..


كيف حالكم جميعا .. ربي يساعدكم ويهنيكم

[أم أجنادين 80]

الــــــــسلام عليكم

الله يبارك فيك أم سعد

هدية .. الله يبارك وصحيتي علي الدعوات

شن حلمتي بيا بالضبط

كيف شن داروا رمضان الماضي

هيا مش مشكلة المنحة بس توه حتي التامين والدراسة ممكن

نقصد من غير تامين والله صعبة وزيادة لو مافيش قراية ليش الوايقعد يصرف في فلوسه وقاعد في الغربة ومايقراش صعبة

لو جت في المنحة بس قاعدة اهون

والله نبكي بدموعي لما قريت رسائلكم الله يسلمكم كلكم يارب ماننحرم منكم

بجد حسيت بفرحتكم من رسائلكم

والله ياسوسو حتي انا خاطري نضم اي وحدة فيكم ونبكي ونبكي ونبكي لين يجفوا دمعي

والله ماتصدقوا شن صاير فيا

بس الحمـــــــــــــــــــــــــــــــــــــــد لله شي غير متوقع كله بفضل الله وأرادته

اوشي الله يبارك فيك حبيبتي ومشكورة علي الدعوات ربي يفرحك بصغارك يارب ويحفظهملك

كل شكري واحترامي ليكم

والله معاد عرفت شن نعبر ولا شن نكتب

ادعولي ربي يكمل فرحتي ويثبت حملي

[أم أجنادين 80]

خلي نكملكم القصة

طبعا فرحنا فرحة لاتوصف بس قعدت نقول لزوجي خلينا مانستعجلوش لازم ندير تحليل دم


ثاني يوم قعدت نتصل ونشوف وين ممكن ندير تحليل دم اتصلت ب urgent care جنبنا قالوا عندنا بس يطلع بعد ثلاث ايام

اتفكرت انه الجامعة فيها مركز صحي للطلبة اتصلت وخديت موعد ومشيت

توقعته تحليل دم ههههه طلع تحليل بول ههههههه

المهم انا درت عينة البول وطلعتها للمرضة قالتلي ارجعي في صندوق في الحيط حطيه فيه ولفيه

طلع الصندوق هوا زي الاسطوانة لما ندوره في الحيط طبعا هوا تمشي العينة للحجرة االي جنبنا وشكلها المختبر عليك حالة هههههه

بعدها رجعت للدكتورة قعدت تقولي انتي شن تبي تكوني حامل او لا قلتلها اكيد

قالتي معظم اللي جونا مايبوش

قلتلها انا متزوجة ونستني في الخبر من فترة قالتلي النتيجة موجب

طلعنا روحنا ومن بعدها بدي فيا الترجيع والدوخة

ودكتورتي اتصلت مافيش موعد والله لين كرهت روحي شني هدا نظام لين مفسد

وانا بطني توجع فيا قلتلها انا حامل بعد فترة وبطني توجع فيا حتي حصلت موعد قريب

ولما مشيت للدكتورة توقعتها اديرلي جهاز او شي طلبت تحليل دم وقالت ارجعي بعد اسبوعين

وترتلي اعصابي يعني بنستي اسبوعين حتي نتاكد

ماقدرتش نصبر اتصلت بماما

وكانت في عرس ههههههههههههههههه تعرفوا في العرس وتقولي بنزغرط قلتها مش متاكدة غير اصبري بس

وبعدها كلمت خالتي اتصلت بولدها ديمة يكلم فيا عالفايبر قالي ماما في الدار الثانية ومافيهاش تغطية وهيا ماتبيش تطلع منها

قالي اهيا خالتي الثانية جنبي كلمتها وقولتلها شكلها سمعتها خالتي الاولي او ولدها مشي قاللها

فجاة تغير الصوت شكلها خطفت منها التلفون وماتصدقوش الفرحة

وحناي بدت تقوللهم قولولها متاكلش هديكا وهديكا وهلبة نصائح

وكل يوم يتصلوا يسالوا شن صار

بس اهل زوجي ماقتلش لا لما مشيت


للدكتورة دارتلي جهاز مهبلي طبعا كان الاربعاء الماضية وقالتي كل شي كويس وتحاليل تمام

بس الترجيع يابنات امتعبني

روائح الأكل سواء في شقتنا او برا في الطريق نشمها بنرجع

واللي ناكله طول ترجيع

حتي التطيب مانطيبش

واول امس مغص خف عليا شوية امس

بس لما كليت البيتزا رجع ثاني معادش عرفت شن السبب

[أم أجنادين 80]

شن تنصحوني ناكل

انا كله فواكه توة ومرات ناكل حاجة طايبة بس علي طول نرجعها

اعطتني فيتامينات راح نكتبلكم اسمهم وحتي حبوب للترجيع صح نقصوا عليا شوية بس قاعد مستمر

وزيادة معادش متحملة المستكة

خاطري في لوبان حلو او المُر عرفتوه زعمة عادي مايدير شي نبي نصويهم يبعثولي

[أم أجنادين 80]

هههههههههههه توا مش راح تخلصوا من أسألتي

كل وحدة تحكيلنا كيف كان وحمها وكيف تعاملت معاه

انا حاليا نتمني اني في بلادي بجد بجد لاني شبه ماندير في شي الصبح نمشي للمدرسة وفي الفصل

مافيش اي مشاركات الا لما نضطر نتكلم وكل شوية نشوف للساعة نروح نرقد وانوض نكتب الواجب

ونرجع نرقد

والله مشكلة معادش عندي رغبة اني نقرا قصدي قبل مانعتمدش علي المعهد بس نطلع ونقرا في قواعيد بروحي

ونحفظ في كلمات

وتوا يادوب الواجب

الحمد لله علي كل حال ربي يفرحني ويفرح زوجي ويكمل علينا علي خير

سبحان الله

مش قلتلكم نبي نكمل فترة اللغة ومش راح نبدا في الماستر الصيف هدا


وهكي صار فعلا اجلت قبولي للخريف

بس الدكتورة قالت موعدك في شهر 11 وهداكا الوقت راح تكون الامتحانات النهائية

هوا مش راح يصير الا اللي كاتبه ربي

بس بديت نفكر كيف بندير

شن تنصحوني

يعني انا قبل الحمل بجد بجد جهد مش عادي رغم انها فترة اللغة اكيد اسهل من الاكاديمي بهلبة

وفي ظرف 3 شهور ونصف درت الايلس وجبت درجة كويسة وحصلت القبول

بس بعدين كيف بندير في نص السمستر مرات نتعب هل بيعاودولي الامتحان او كيف

اكيد مش راح يعاودوه بس بنوضحلكم ان لو ربي سخرلي ولادتي بتكون في فترة الدراسة

الاكاديمي سواء محاضرات عادية او نهائيات كله صعب الغياب

وحدة من البنات قالتلي اطلبي تمديد ثلاث شهور بعد السنة وهوا يعطوا فيه التمديد هدا

بس انا كنت مش مفكرة فيه لانه مانعرفش الماستر كم تاخد مني مرات نطلب تمديد في الماستر افضل

والله راسي دايخ

[أم أجنادين 80]

سوسو شني زوجك روح من السفر

ههههه ولا قلتيله عليا وهوا مزال مسافر

والله لو كنت في ليبيا تاخدوا احلي زردة مش خسارة فيكم