اهلا باهل الجود والكرم **اهلا بسيدات ليبيا**

[ام معاد]

السﻻم عليكم نبي نوضحلكم بنات اني اول ما خشيت للمنتدي بدعوي من ام روفيدة وكانت شادة فيا هلبة واول يوم خشيت فيه قتلي خوخة اني نبي نقوللهم انك اختي بس مش توا نبي نخليها مفاجاءة قتلها اوكي والله هداالحديت يلي صار بيننا وجي هاليوم يلي قالت فيه ما تاخدوش
فكرة يابنات علينا اننا نلعبوا ﻻﻻﻻﻻ بس هي قتلي نبيها ليهم مفاجءة فقط ﻻغير وحسيت سوسو كانها تحرش اوكيف واني مانصدمتش ﻻني هي قتلي اني بنقوللهم وتانكس ياسوسو

[ام معاد]

وبعدين ام روفيدة انقطعت ومعاش خشت وجت الصدفة وقتلك علي الفيس

[sosolibya]

ملابس البيت للحامل ,, مريحة وبلمسة أنيقة مميزة..
ملابس مريحة لنوم الحامل..

[sosolibya]

هلا وغلا بخوخة الغالية الحلوة
خيرك وسعي بالك أنا لانحرش لا شىء أنا فرحت بالخبر لأنه حلو وحبيت البنات يعرفوا زيني وهي صدمة حلوة أصلا

أو بألأحرى مفاجأة لينا كلنا..

وربي يحفظكم لبعض..

وأنا لما قلت إنت حتنصدمي مش نلوم عليك ولانكذب فيك ولاحاجة هذه إختياراتكم وأنتم حرين فيها بس كان قصدي إنك حتنصدمي وين أنا عرفت أو مثلا ليش عرفت ..

والخبر غريب وحلو وهذا كل مافي الأمر ..

[ام معاد]

خودي راحتك سوسو بس نبي نوضح كيف صار الموضوع فقط

[fefe93]

السلام عليكم
كيف حالكم بنات انشاء الله كويسين
شكرا لكل حد سال عليا
بالنسبة للحكه شكلها حساسيه لانه دكتورتي عطتني مرهم ضد الحساسيه وتوا الحمد الله معاش فيه حكة
راجلي يتسهوك عليا قالي بالك عندك حساسية من الحمل نفسه هههههههههههههههههههه ربي يخليه و يحفضه
وبالنسبة لدم الحمد الله كويس قبل اليبرة كان 8 و بعدها مشيت اليوم حللت القيته 9.11 قتلي دكتوره كويس وان شاء الله عندي موعد يوم 5.3
انشاء الله يزيد اكتر

[sosolibya]

مساااااااااااء العسل ياحلوات,,

إن شاء الله تجيك القدام فيفي ربي يشفيك ويحفظظك ويحفظلك زوجك وبصارته الحلوة هههههههه


خيرها فروسة مغيبة..

[dr.loly]

فروسة وين هالتغطيسة كيف حالك وحال الصغار وشن جو الرحلة تعالي خبرينا
وطريقة النشا في البيتزا فعلا مش عادية مجربتها من قبل مرة في رمضان عندي عزومة وندور في طريقة مضمونة لعجينة البيتزا لقيت فيديو عاليوتيوب وحدة مصرية ادير فيها طلعتلها مش عادية زي الجاهزة في الاول خفت الحق وماصدقتهاش لانه النشا عادة اييبس في العجائن لكن لما جربتها رووعة وحاجة ثانية قالت عليها انها تساعد في طراوة العجينة بدل السكر ديري عسل وجربته ماشاء الله الحق

اهلا هدهد شخبارك واخبار السموحه
وشن جو الطقس هالايااام..

بالنسبه لتطعيمة السنه ماتخافيش منها هي تطعيمها كيفها كيف الاخرررراااات وسمهاmmr
امتاع النكاف والجدري والحصبه .. نحن دزونا موعد لولي يوم 19.3 ان شاء الله


في ليبيا يعطو فيها ع سنه والثانيه ع سنة ونصف تنسيطيه

لكن هنا ع سنة و 3 سنوااات

......


وهي ع حسب بنوتك تتعب من التطعيمات اولا .. واهم شئ طبعا
المحافظه في فترة 3 ايام بعد تطعيمه
بالنسبه لو صار ارتفاع ف الحراره عادي وطبيعي جدآ
هذا دليل ان التطعيمة اشتغلت صح..
........


بالنسبه لطريقة النشــــا روعه م الاخير
وما اعتقدش ان النشا ييبس العجينه بكل
لان هو مفعوله نفس الحليب وزبده..
بالعكس العجينه تجي هشه ورطبه ..

وعندي صديقتي تخثر بها ف شوربات ههه

قتلها جو مهلبيه وكاسترده خخخخخ

[dr.loly]

خوله ماشفتش استفساااراك لان ماخشيتش من وقتها
بس اعتقد اني جاوبتك من قبل في موضوع منزلتيه ف قسم الحلويات
وقتلك يفضل قبلها باسبوعين هك
اهم شئ احفظيهن كووووويس واحكمي اغلاق السطول

هكي ماكانت اتدير خالتي زماااان

لكن توا الحق اعتمدنا ع الجاااهز اسهل واوفر للتعب ..

..

وع فكره ديما انجاوب ع استفساراتك
بس انتي ماتنتبهيش ....

حتى مره حطيتلك طرق حلويات جديده وبصوووور

ومره سلطات مدايرتهن وبصور حتي هناااا


وحتي البنااات ماقصرن الحق

بس مرات السهوة تصر منا
وحده خاشه ع سريع او فتحت بتحكي
وجا شئ عطلها وهكذا..

[sosolibya]

هلا فروسة وييييينك ليك وحشة منورة ,, كيف حالك ,,

وشن جو الرمال الذهبية وألأمواج الزرقاء..