** ليبيا زين علي زين ليبيا ورد وياسمين ** تجمع الليبيات

[اوشي]

السلام عليكم ورحمة الله وبركاته


شن الاخبار والاحوال وان شاء الله كلكم طيبين واموركم باهية

[اوشي]

لاباس علي ريومي .. عينك منها

[sosolibya]

مساء الورد
الله يبارك فيك غاليتي.. أوشي

والله ريم حالة مسكينة من المرض حتى المشي مرات ماتقدر تمشي تمرد مرد

وحتى العياط مالاقيتله جهد

خلي نحكيلكم

ليها متع 3 أيام طايحة وفاشلة قلت حرار عادية نديرلها في زلابيط وخلاص وقلت خلي تاخدة مناعة
هكي بروحها من غير دواء

المهم لما لقيتها زادت فشلت..

قلت خلاص نرفعها للمستشفى طول بالك عندها جفاف ولا نقص كالسيوم وقلت مرات يخلاها ..

المهم

شافتها الدكتورة قلتلها فاشلة ووذنها توجع فيها

بالك عندها مشكلة ولا جفاف ولاحاجة

قالتلي عندها اسهال ... لا

باهي ردان )(ترجيع)
....لالا..

شافت حلقها قالت كويس
وشافت الوذان طبعا وريم تعيط ماتبيش بالسيف ..

تخدملي هذه فاشلة........,,,,,,

والحرارة تشي وتجي وقاستها قالت كويسة


قالتلي اليوم فطرت قلتلها لا ... قالتلي خلاص روحي فطريها..


ااااااااااااااااااااااااااه تخيلو ... صاعقة هههههههههههه
وروحنا...


بالليل زاد فشلها ورفعناها لولد عمي دكتور أنف وأذن وحنجرة

شافها وقال عندها إلتهاب حلق وإلتهاب في ألأذن الوسطى

تخيلو .. قريب هبلت من هاديك الدكتورة ..

وطبعا ريم رافضة الدواء تماما بالسيييييييييييييف لدرجة الصبح رجعت منه..

والله مسكينة تقطع القلب وتبيني جنبها وخلاص وتوا رقدت

تيلو بكري نشطت شوية وبتلعب لقيتها طايحة ومتكية عالتراب..


ربي يشفيها ياااااااااااااااارب..

[سوسهs]

يسعد ايامكم بنات ليبيا

ان شاء الله تكونو بالف خير يارب

هذا رابط لخت لكم من ليبيا فيكم تساعدوها اذا قدرتم

http://forum.hwaml.com/t282465.html

[sosolibya]

الله يبارك فيك عزيزتي سوسة ,, لأن قلبك علينا شكرا حبيبتي..

[خوله 2014]

المشاركة الأصلية كتبت بواسطة سوسهs

يسعد ايامكم بنات ليبيا

ان شاء الله تكونو بالف خير يارب

هذا رابط لخت لكم من ليبيا فيكم تساعدوها اذا قدرتم

http://forum.hwaml.com/t282465.html

الله يبارك فيك ويوفقك يا اختي العزيزة عالاهتمام

[خوله 2014]

المشاركة الأصلية كتبت بواسطة sosolibya

مساء الورد
الله يبارك فيك غاليتي.. أوشي

والله ريم حالة مسكينة من المرض حتى المشي مرات ماتقدر تمشي تمرد مرد

وحتى العياط مالاقيتله جهد

خلي نحكيلكم

ليها متع 3 أيام طايحة وفاشلة قلت حرار عادية نديرلها في زلابيط وخلاص وقلت خلي تاخدة مناعة
هكي بروحها من غير دواء

المهم لما لقيتها زادت فشلت..

قلت خلاص نرفعها للمستشفى طول بالك عندها جفاف ولا نقص كالسيوم وقلت مرات يخلاها ..

المهم

شافتها الدكتورة قلتلها فاشلة ووذنها توجع فيها

بالك عندها مشكلة ولا جفاف ولاحاجة

قالتلي عندها اسهال ... لا

باهي ردان )(ترجيع)
....لالا..

شافت حلقها قالت كويس
وشافت الوذان طبعا وريم تعيط ماتبيش بالسيف ..

تخدملي هذه فاشلة........,,,,,,

والحرارة تشي وتجي وقاستها قالت كويسة


قالتلي اليوم فطرت قلتلها لا ... قالتلي خلاص روحي فطريها..


ااااااااااااااااااااااااااه تخيلو ... صاعقة هههههههههههه
وروحنا...


بالليل زاد فشلها ورفعناها لولد عمي دكتور أنف وأذن وحنجرة

شافها وقال عندها إلتهاب حلق وإلتهاب في ألأذن الوسطى

تخيلو .. قريب هبلت من هاديك الدكتورة ..

وطبعا ريم رافضة الدواء تماما بالسيييييييييييييف لدرجة الصبح رجعت منه..

والله مسكينة تقطع القلب وتبيني جنبها وخلاص وتوا رقدت

تيلو بكري نشطت شوية وبتلعب لقيتها طايحة ومتكية عالتراب..


ربي يشفيها ياااااااااااااااارب..

ان شاءالله لاباس عليها يارب ونسال الله الشفاء العاجل غير آجل وربي يحفضهالك

[اوشي]

كيف حالكم توة ..

خليني انكمل حلقة العرس عالسريع هههههههه

المهم يوم العرس عندنا كان السبت ..

وبما ان الجو صقع ومطر والعروس تسكن في قرية قريبة من شحات بس مسافة عالبيضاء

فقلنا ناخذو 4 سيارات بس سيارة العروسة يسوق فيها توأم روحي وانا راكبة معاه وامعانا اخت راجلي الصغيرة

والسيارات الثانيات كل وحة فيها مراة كبيرة في السن

يعني انا اللي مشيت جبت العروس هههههههههههه

جبنا العروس وماقبل هالطريق كملت وجو معانا هل العروس 5 سيارات صغار وسيارة من الكبار

يعني جو قريب 20 مراة معاها

والعروس طلعت ماشاء الله عليها حلوة وفستانها حلو وصابغة شعرها وميشته داير الها جو سمح

بس العريس الله يبارك ماشاء الله عليه طلع ايهبل


وبالنسبة لعشانا كان رز فايح ايهبل ومبروم بسمن الجبل البلدي طبعا بالمكسرات والكبدة

ومعاه كبة وجزرة ونوعين سلاطة ومخلل فلفل ولفت وامسير عادي

وبالنسبة للطاولة حطينا عليها عصير راني ومعاه جاتو طازج ايبل ايهبل

وقهوة ومعاها بكلاوة وشاهي ومغاه بيتزا ومشروب غازي وميه امزهرة وموز

[اوشي]

سوسو ...

اه منها الكتورة بكل برودة قالت لك عدي

وشوفي انقولك لما يمرض حد من عياك شيليه لدكتور ثقة ومعروف ومااطوليش بيه

لين تعاينيه دغري اخذيه لانهم اطفال ومايتحملوش الالم وانا مش مقتنعة بيها

لا ما انعيناش عشان ياخذ مناعة خليها ديمة قدام عيونك

اللي يمرض نشيله دغري

[اوشي]

خولة عزيزتي

ايش اخبارك انت والبيبي ..

ام فراس كفت ووفت الله يبارك فيها

توة هنا كلهم اللمات ايديرو في رز بالخلطة مع كباب الحلة او كفتة طرف كبير او شيش طاوق اواثنين منهن

مع نوعين موالح او ثلثة مع نوعين سلاطات ومشروب