دردشة بنات مصر , دردشة حوامل مصر , تجمع بنات مصر

[منتظرون عودة الخلافة]

بصي صح انا لاقيت ان معلقة زيت كتير خليها معلقة صغيرة زيت عشان لما الزيت يكون قليل القرص بيتنفش لفوق

[ام انس المصريه]

انس بيمسىىىىىىىىىىى
صحى

[منتظرون عودة الخلافة]

نوم العوافي

[منتظرون عودة الخلافة]

متقبلي الاضافة انتي رجعتي في كلامك و الا ايه ههههههههه

[منتظرون عودة الخلافة]

ما شاء الله يا شيمو انس كل ما يكبر كل ما يحلو

[منتظرون عودة الخلافة]

يعني اخر صورة ليه و هو عنده 5 شهور و انتي شايلاه كان احلي من الصورتين اللي و هو عنده شهر و نص و اللي و هو 6 ايام

[ام انس المصريه]

قبلت الاضافه ياست الشيف هههههههههههههههه

[ام انس المصريه]

اكيد يابت الطفل كل مابيكبر بيحلو ماشاء الله

[رنا خالد]

فتوكاتي الطعمين الحلوين الزهقانين زيي كدة والي عملوا رجيم مشيوا نص الطريق وقالوا نبوظ بقي ههههههههههه
عملت النهاردة مولتن كيك خطيييييييييييييرة والله يابنات طعمها بجد بجد يدوخ

هديكوا نبذه عن قصة حياة المولتن كيك الاول للي ميعرفهاش دة ميني كيك كله شوكولاتة *شوكولاتة تيجي تاكليها***ولازم تكون دافية او سخنة*** تقوم الشوكولاتة تسييييييح وتنزل تغوص وبتتقدم في تشيليز طبعااااااا مع ايس كريم فانيليا.... الشوكولاتة الدافية بقي مع الايس كريم البارد تدوقوه تعملوا كدة



يالا بينا عالمقادير السهلة اوي انا بحب اما اعمل وصفة تكون مش مكلفة اوي بصراحة خصوصا في البيض


150 جم شوكولاتة خام انا استعملت شوكولاتة نصف محلاة
ربع كوب سكر(ممكن اقل)
3 بيضات بدرجة حرارة الغرفة....فانيليا
100 جم زبدة مايساوي نص كوب
1 م ك دقيق


انا عملت نص المقدار عشان مكنش عندي زبدة تكفي المقدار دة
ودي مقادير نص المقدار للي تحب تدلع نفسها نص المقدار طلعلي 3 وممكن 4 كمان

1 بيضة....فانيليا
75 جم شوكولاتة
نص الربع كوب سكر(احسبوها انتوا بقي)
50 جم زبدة
نص م ك دقيق وعليها نص م ص بيكنج بودر( ودي اضافة من عندي)


اول حاجة هنحط الشوكولاتة مع الزبدة في حمام مائي عشان تسيح وممكن في المكيروييف





ناخد البيض نضربه كويس اوي بالمضرب الكهربائي 3 دقايق وبعدين ننزل عليه بالراحة بالسكر ونضربه كتييييير لحد مايبقي لونه ابيض زي الكريمة وفي الاخر نضيف الفانيليا





ناخد بقي الشوكولاتة السايحة مع الزبدة وننزل بيها عالبيض بالراااااحة ونقلب بالمضرب السلك او المعلقة




ودة شكل الخليط بعد مزج البيض مع الشوكولاتة



وبعدين نضيف الدقيق ونقلب بالراحة لحد مالدقيق يختفي




انا اخدت الخليط صبيته في كباية عشان اعرف اصبه انا خبزته في قوالب الالمونيوم بس الافضل انها تتخبز في القوالب الفخار او السيراميك الي زي دي عشان تتقلب بعد ماتستوي




دي القوالب الي خبزت فيها




ودي صورة القوالب الي بقولكوا عليها وحتي ممكن نقدم فيها الكيك من غير مانقلبه بتبقي شيك اووووي




هنا صبيت الشوكولاتة في القوالب الالمونيوم وهنا بقي فيه حاجة ظريفة اوي انك ممكن تغطيها كويس وتدخليها التلاجة لحد 24 ساعة وقبل الخبز تطلعيها قبلها بساعة وبعدين تخبزيها عشان تقدميها دافية




ندخلها الفرن علي درجة حرارة 200 لمدة 10 دقايق بس مش اكتر من كدة ابدااااااااااا... في الرف الوسطاني هنلاقيها استوت من فوق بس هيكون قلبها كله شوكولاتة


هنا بعد ماطلعت مالفرن



لو خبزناها في القوالب السيراميك بنستني عليها تهدي 3 دقايق وبعدين نقلبها بالرااااحة جدا

واخييييييييييرا هنا النتيجة بعد ما قطعت القوالب الالمونيوم بتاعتي








طعمها رهييييييب بجد يجنن والحمد لله ان مكانش عندي ايس كريم عشان كفاية علي السعرات الحرارية دي




وهنا بعد ماأكلت الحتة الي عالشمال اعملوا نفسكوا مش واخدين بالكوا هههههههه





بجد طعمها بيدووووب لان كمية الدقيق فيها قليلة اوي وليهم حق يسموها بركان الشوكولاتة سهلة وسرييييعة ومكوناتها بسيطة
يارب تكون عجبتكم والي تعجبها تطلع فوق عالشماااال تقيم وتدعيلي ربنا يحفظلي زوجي واولادي من كل سوء

[رنا خالد]

جبتلكوا هديه
جربوا وهاتدعولي بقي
حاجه كده من الاخر
ومش بتاخد اكتر من ربع ساعه
ملبن مش كيكه ياناس