ديوانية البحرين - دردشة حوامل البحرين - البحرينيات

فديت قلبه · 06-25-2012, 01:14 AM

مشكوره اختي امل الوجود

والله يتمم لج على خير

حلو المستشفى غرفه كبار ونظيف لان ليلحينه يديد

وحده من هلي ولدت عندهم وكانت مرتاحه

امل الوجود · 06-25-2012, 09:41 AM

مرحبا شلونكم ..

وناسة بنوتة راح يبتدي العد التنازلي ... انا بالاسبوع 32 الحين .. شوي و الحقج ههههه الله يقومج بالسلامة يالغالية ...

اي فديت قلبة الغرفة عودة حتى السنغل رووم بعد حجمها عود ومقبول ...

بنوته شي · 06-28-2012, 10:29 PM

أنا على حسابي القديم المفروض بأجر ادخل الشهر التاسع
لكن يوم اروح موعدي قالت لي الدكتورة أني دخلت التاسع وفي الاسبوع 34

الـودق · 06-29-2012, 09:46 AM

السلام عليكم ورحمة الله ..
انا حامل بالاسبوع السادس ومن يومين تقريبا تزل علي الله يعزكم بني خفيف ..
الحين قعدت الصبح نزل علي دم واسد خايفه ومب عارفه شلون اتصرف او اي دكتور اروح خبركم اليوم اليمعه تكفوون ردوا علي شسوي وايد خايفه..

بنوته شي · 06-29-2012, 12:06 PM

روحي المستشفى بس لا تخلين روحج
العيادات الخاصه ماظن يفتحون يوم الجمعه

بس روحي اقرب مستشفى وتطمني على صحتج وصحة الجنين وطمنينا عنج

امل الوجود · 06-30-2012, 09:08 AM

الودق ... يؤيؤ ينزل عليج دم وداشة النت تاخذين استشارة صج ما عندج سالفة .. طيري على اي مشتشفى او عيادة .. واطمني .. وعشان اذا في شي يداركونه من البداية لو فات الفوت ما ينفع الصوت ...

طمنينا عليج حبيبتي ....

بنوتة اسبوع 34 يعني للحين بالثامن .. شلون حسبتلج انج بالتاسع ..

الـودق · 06-30-2012, 10:29 AM

اقتباس:

المشاركة الأصلية كتبت بواسطة بنوته شي

روحي المستشفى بس لا تخلين روحج
العيادات الخاصه ماظن يفتحون يوم الجمعه

بس روحي اقرب مستشفى وتطمني على صحتج وصحة الجنين وطمنينا عنج

بنوته رحت رويال البحرين وسوت لي سونار من فوق طبعن لاني اخاف من تحت فقالت لي مب واضح قالت احسن شي نسوي التحليل الرقمي سوته لي انا كان بتاريخ 25 (2553) وصار الحين (5382 ) فقالت لي معناها الحمل مكمل ان شاء الله وقالت لي ارتاحي وخلج منسدحه ع ظهرج وزيدت جرعت الديفاستون وعطتني موعد بعد اسبوع ..
اللي شافتني دكتوره اسماء ..
شكرا عالرد ربي يحقق لج ماتتمنين ..

الـودق · 06-30-2012, 10:42 AM

اقتباس:

المشاركة الأصلية كتبت بواسطة امل الوجود

الودق ... يؤيؤ ينزل عليج دم وداشة النت تاخذين استشارة صج ما عندج سالفة .. طيري على اي مشتشفى او عيادة .. واطمني .. وعشان اذا في شي يداركونه من البداية لو فات الفوت ما ينفع الصوت ...

طمنينا عليج حبيبتي ......

امل الوجود اي لازم بدش نت وين اروح مابي اقط روحي عند اي احد < وحده متعقده من الدخاتر..
احيان مافيج شي ويطلعون بلاوي الدنيا فيج..
الحين رحت انا وبيني وبينج اطمانيت ولا اطمانيت ..!

الدكتوره تقول هالمرحله من الحمل صعب نتطمن عالبيبي للحين يكون صغير ..
تقول عادي ينزل دم لما تبذلين مجهود تصير يعني بس بيني وبينكم بعدني خايفه.. :(
ووانل مارضيا تسوي لي من تحت الله يعزج اخاف.
توني من جم يوم رايحه حق دكتوره باسمه وبعد الكشف تم ينزل بني-.-
ربي يثبته لي ولكل حامل ..
جزاكم الله خير رديتوا علي ودعواتكم ربي يثبته ولا يفجعني فيه..

بلا روح · 06-30-2012, 11:31 AM

الله يثبته لج حبيبتي ودق هالمرحله صح كلش خطره أنا مرتين طرحت في الأسبوع الخامس والأسبوع السابع مع انه بالأسبوع السابع كنت آخذ دوفستون بس الله ما أراد الله أنه يتم والحمد لله على كل حال
لا تبذلين أي مجهود وخلس على طول منسدحه على ظهرج والله يطمن بالج وترتاحين
والله يرزقني هالشهر الحين أنتظرها هالأسبوع موعدها وأنا ماخذه كلوميد وظاربه ابر تفجير الله يسمع مني وأكون حامل أربع سنين وأنا انتظر كلة ماما وأملي بربي كبير

بنوته شي · 06-30-2012, 01:12 PM

امل الوجود
والله مادري .. المفروض امس اكون دخلت التاسع
لان موعد ولادتي معطيني في 29/7
بس يوم رحت الوزن قالت لي انتي خلاص دخلتي شهرج .. عاد شلون الله العالم

الودق
الحمد لله رب العالمين .. ربي يثبت حملج ويقر عينج بشوفت جنينج
تحملي تسوين فحص من تحت وخصوصا في الأشهر الاولى لانه احتمال يسبب إجهاض .. بعيد الشر عنج

بلا روح
الله يرزقج بالذريه الصالحة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العضوة (روز سول ) في ذمة الله من دردشة ديوانية البحرين	أحلام أم	ملتقى عضوات حوامل	54	04-10-2012 03:01 PM
ديوانية البحرين - دردشة حوامل البحرين - البحرينيات	ايلاف	إستفسارات حوامل من الشهر السابع إلى الشهر التاسع	20370	01-02-2012 09:56 AM
ديوانية أمهات البحرين	أم حماني	استفسارات رعاية المواليد	14	05-22-2011 01:16 AM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM