والله بلشة شاسوي

[سناالقمر]

الله يعينك عليها

اول ماتجيك عطيها شلوتي من عند الباب ولا تفتحين لها ترا عيالك يتعلمون منها ويصيرون زيها

واذا امها ماتستحي ولا بوجهها حيا وش تستحين منها

اخاف بكره تجيك وتقولك ابي انام عندكم وش هالمصخره

لا تفتحين خليها تدق لين تطق ولا تخلي عيالك يفتحون قفلي الباب

وتربيتها راح تاثر ع عيالك وخصوصآ الصغير راح يتعلم منها

عاد تخيلي ولدك قدام الحريم يسوي كذا مثل حركاتها

لو تجي مره بالاسبوع ساعه ساعتين وتمشي صح اما طول الوقت

وين امها هذي بصراحه امها ماتستحي وانتي معطيتها وجه

لا تستقبلينها حتى لو امها قالت خليها قوليله زوجي مو راضي يقول يبي يرتاح وهي تعرف بنتها وشقوتها

نهائيا لا تستقبليها ول وش هالزقه هي وامها

الله يفكك منها ارتفع ضغطي

[أم ريـم]

الله يكون بعونك اختي خبرينا عن ااخر التطورات

[واشوقاه لمن يراني ولااراه]

نتي مو مجبوره ع كذآ كفايه اولادك
قولي لجارتك كذا وهي بتفهم او بكيفها

[أم أصيـــل]

حبيبتي إنتي مو ملزومة فيها,,,إذا دقت الباب لاتفتحيلها أبدآ حتى لو كانت أمها هي إللي جايبتها
خلاص عاد شي يلوع الكبد,,,خليك قوية الطيبه مع الضعف ماتنفع,,
والله لو مكانك وأشوفها تسوي كذا في بيتي أمسكها من أذنها لحد باب بيتهم وخلي أمها تعرف إن الله حق,,
معليش على إنفعالي بس حتى أنا مريت بنفس الحاله مع بنت سلفتي وصرت أهاوشها وأضربها عشان ماتسوي أذية فبيتي وأمها بس ساكتة وتضحك بس لما شافتني مورية بنتها العين الحمراء
عرفت الحق وصارت هي كمان تهاوشها.........

[همس الرووح ~]

حبيبتي

هالأشكال ما ينفع معها الا انك تكونين صارمهـ ~

انتي طيبهـ بس الطيبهـ ما نستخدمها مع كل الناس

ياساتر وش هاللزقهـ ..؟ اكرهـ هالنوعيهـ من الأطفال

وهالنوعيهـ من الأمهات .. اللي ما تقول لعيالها

لا .. عيب !

أقرب شي تقولينهـ لها

زوجي يتضايق من وجودها بالبيت

أو اذا اجتمعوا تصير مشاكل ويتهاوشون

وانا ياللهـ ألحق ع شغل البيت

اعطيها اياها كاااااش

لاتستحين

اللي يستحي ما يعيش حبيبتي

تقول وحدهـ من بقيهـ أهلك يا كافي !

المشكلهـ ليتها عاقلهـ لااا حركيهـ وتكذب بعد *.*

أوووف حيييييييييل تنرفزت وربي ْ~ْ

من جددد اللهـ يعينك .. بس انتي اللي بيدك

تنهين هالتعب هذا كلهـ ~

سوري عالاطالهـ .. يسعدك قلبووو

[بسكويته]

اخيراارتحت منها صارت ماتجي
ولاتقرب سويت مثل ماقلتون
قامت تدق عالباب ماعادالابتكسرة
واناحاقرة والحين صارمن رمضان للحين ماجت ولادقت
الباب وامهااداشافتني حتى ماترمي السلام علي
كيفها بالطقاق اهم شي ارتحت منها ومن امها

[احلى من العسل]

والله بلشه ليه امهامادام مدلعتها ليش ماتوفرلها العاب واشيابالبيت تنشغل فيها
عصبت قبل ماكمل هواشي ههههههههههه
بصراحه الام جداماتستحي وماعندها دم شوفي حبيبتي الطيب بهالزمن ماينفع ولايكلف الله نفسا الاوسعها منتي مكلفه ابدا ببنت الناس وهذي مسئوليه لوسمح الله صارلهاشي ببيتكم ماراح يرحموكم ولا بيساحونكم انتي لازم تكلمي الام بالطيب وتشرحي لها وتفهميها انك ماتقدري تتحملي مسئوليتها خصوصا انهاشقيه ممكن تاذي نفسهاامكن الام تخاف على بنتها وتمنعها
واذا مانفع مع الام مالك الاانك اذا جات لاتفتحي لهاالباب ولاتخليها بالبيت على كيفهاطفشيها وخاصميها تروح بيتهم الين تطفش ولام بكيفها تزعل ولاترضى هي ماخافت على مشاعرك وتعبك ولاقدرت ان عندك مسئوليه وتعبانه
عصبت ماحب ثقلت الدم وماعندي صبر ابداوالله لوانامكانك ياشيخه كان من زمان طرتهايزعل الي يزعل ويرضى الي يرضى
الله يكون بعونك

[متغربه]

أنا مستغربه منك بصراحه.. جارتك هاذي ما تستحي وش اللي ترمي بنتها عند الناس كل يوم عيب والله عيب، والكلمة اللي تستحي منها بدها.. واللي ما يستحي منك لا تستحي منه.. دقي على جارتك وقولي لها انا وراي عيال ومسؤوليه وما اقدر على بنتك وبس وان زعلت خليها تعزل.. والله ناس آخر زمن