تعالوا,,أبغى أعرف.....

[أم أصيـــل]

السلام عليكم ورحمة الله وبركاتة,,
مسائكم عسل ياحلوات,,
أنا الأن حامل بالأسبوع الأخير من السابع,,
وأنا أحسب لنفسي بالشهر مو بالأسابيع,,وباقيلي 7 أيام وأخلص
بس المشكله صارلي أسبوع معايا طلق خصوصآ بالليل أتعب منه مررررره
ورطوبه في المهبل ,,وبطني قاسي,,بقولكم على حاجه هي موية الحمل كثيرة
فصار بطني مرررره كبير وثقيل كأني بالتاسع,,
والدكتوره أدتني بسكوبان تقول عشان تتأخر ولادتي للثامن لأنو إحتمال
تكون ولادة مبكره بسبب الموية,,
بس حتى الدواء ماأثر الإنقباضات هي هي ماراحت,,
وكتمة الله لايوريكم أحس رجول البيبي داخله فصدري من قوة الظغط,,,
شوروا علي إش أسوي جالسة أكتب وفي تعب وبعد أسبوع بروح لأهلي
إن شاء الله أقضي عندهم إسبوعين,,
وأنا خوفي مو من الولادة لا والله,,بس خايفة عالبيبي لو ولدت مبكر إش بيصير فيه؟؟؟؟,
لاتقولوا روحي للدكتوره لأني راجعت هالشهر 3 مرات وكلامها هو نفسه
وذبحتني بالأدوية تقولوا حقل تجارب,
طبعآ كل اللي رحتلهم بيسووا زيها وماني ناويه أخذ حبوب أكثر من اللي بستعملها,,,
أتمنى تسعفوني بردودكم,,,,
ودمتم بحفظ الرحمن.............

[demoshka]

خليك على علاج الطبيبة وهذه الالام عادية وطبيعية بوضعك لاتخافي عليك بس بالراحة التامة

وسلامتك

[أم أصيـــل]

الحمدلله مريحه نفسي وماشية عالدواء ,,لكن الألم بيوترني
لأني مو عارفه عن وضعي شي,, وأخر مره راجعت حسيت الدكتورة نفسها
مو صادقه معايا تقولي كلام وتخوفني حتى عالجنين وبعدين تقول عادي عادي,,
مدري قلت أروح لموعدي بكره,,
وبعد كذا أراجع عند دكتوره غيرها لحد ماأولد.......

[طبيبة القلوب]

حبيبتي انا بكرية .. مابعرف بس حبيت ادعيلك ... واحكيلك اذا قدر الله وولدتي بالتامن مافي خطر باذن الله ,,,, صاحبيتي ولدت ابنها بالشهر الثامن ... وماشاءالله عليه وعليها


ماتخافي ..ويمكن ربنا بدو يولدك بسرعة .... عشان ترتاحي
الهي يرزقك الذرية المعافاة ..اللي تقر عينك

[أم أصيـــل]

طبيبة القلوب الله يفرج همك وييسر أمرك,,
الحمدلله رحت لموعدي وطمنتني الدكتوره ,,بس طلبت مني أرتاح أقل حاجه إسبوعين
عشان تتأخر ولادتي لنصف الثامن إذا ربي أراد,,
والحمدلله على كل حال.........