حبيباتى سيدات ليبيا تفضلو لأعرف ما حالكم

[أم أجنادين 80]

ماشاء الله علي النويشطة سوسو

شموسة والله استاحشناك واشتقني لهدرزتك وحكاياتك

امولة ان شاء الله ربي يهل ولادتك

ام فروسي في انتظار المزيد من الصور

[أم أجنادين 80]

ام فراس نقدر نشارك فيها المسابقة

حتي لو اني لاانتظر مولود

[dr.loly]

اكيد جنودة ولو كل الذويقات اللي نفسك يشاركن سواء منتظرات مولود او انسات
عشان نستفيدوا من ذوووق بعض ..

ورينا تجهيزاتك للولد او البنت البكر كيف حتكون ....
من ملابس وغرفة نوم بالكامل والشنطة والضيافه ..واي حاجة ببالك بخصوص هالموضوع

[dr.loly]

كرعيا مثلجااااااااااااات جو سقع وريح اليوم امالا كان الحوش مش كوووخ شن صاير فينا كانهو خرسانة مسلحة كيف ليبيا خخخخخخخخخخخخخ

[أم أجنادين 80]

السلام عليكم ورحمة الله وبركاته

كانوا عندي خالاتي وحناي " نقوللها ماما "

والله ماشبعت منهم

اتحشمت منهم كل وحده جايبة معاها حاجة ولا حاجتين

وزياده فلوس

اللي عطتني عشرين واللي عشرة واللي 100

والله تحشمت ...

عرفتوا لما تخشوا لدار او حشو تلقوا الكل يتكلم في نفس الوقت مع الدوشة والضحك

هدا احني هكي ,,,

ومعاهم بنت خالتي كل مانخش للمطبخ اتخش معاي وكل شي تغسله عليا وتوزع هيا

وآخر شي انا قعمزت وهيا دخلت للمطبخ نظفتها ...

ربي حرمني من الخوات بس عوضني بأحلي خالات

ياناس ياناس المحبة بخوت يقولوا

ومش كل الناس زي بعض

يعني لما روحوا راجلي يشوفلي الأبتسامة عريضة علي وجهي وفرحانه بيهم

ومن قبل مايجوني وأنا نجهز ونستني فيهم

اكيد هدا مش زي مايجوني اقارب زوجي

[أم أجنادين 80]

اتمنيت ماروحوش من عندي

[أم أجنادين 80]

شني رايكم بنات

شموسة شوفي ممكن تاخدي منهم أفكار

[أم أجنادين 80]

ان شاء الله بنحاول نشارك في المسابقة ام فروسي
لو حصلت فضوة

[أم أجنادين 80]

يابنات انا عيني واسعة

ولو فكرنا بنبنوا

شكلي بنتعب راجلي ونشحوره

علي الحال هدا يبي مليون دينار او اكثر لو بيرضي ذوقي

[أم أجنادين 80]