دردشة بنات ليبيا , دردشة حوامل ليبيا , تجمع بنات ليبيا

[زهرة2000]

سوسو كيف حالك وحال حمودى نبي نسالك عليش تعالجى فى مصر بيش مشيتى ع حساب المجلس

[sosolibya]

شج حبيبتى زهرة لكن خيرك تعجنى شكللك مش شاربة قهوة انا فى الاردن
انا حاشاكم عندى بواسير حااادة واكزيما جلد من وأنا صغيرة
وزوجى يعالج على حساسية الصدر وعيونه
ربى يحفظكم من كل شر
وتوا انا قالولى تستحقى عملية بواسير لكن الافضل انها تقعد بعد الولادة

[sosolibya]

والله كان نحكيلكم يا بنات ماتصدقو
التطور هنا بشكل رهييييييييييب
طبعا انا نحكى على لما عاينت عند دكتورة النساء والله حاجة مش عاااااااااادية
يعنى الجهاز امتعهم متطور بشكل غير عااااااااااااادى
خلونى انقوللكم كيف يعنى وشن الفرق بينه وبين جهازنا يللى فى ليبيا
فى ليبيا توريللك الدكتورة كركوبة سودة وتقوللك هده الراس وكركوبة اكبر منها وتقوللك هدا الجسم وهدا حدها
لكن هنا يا حليلى على يللى شفته حاجة رووووووووووووعة
توريللك الدكتورة كل شىء بالتفصيل وبالشبر
يعنى انا لما ورتنى الجنين
ورتنى الراس بكل وضوح وورتنى العيون
وبعدين ماشاء الله الصدر والضلوع وصدقونى حتى
القلب وكيف ينبض يعنى شىء خيااااااااال
وحتى المنطقة التناسلية وعرفت ان الجنين انثى
وتقوللك على عمر البيبي و وزن البيبي
وحالة الماء والمشيمة ....... الحمدلله
الله اكبر

[زهرة2000]

معليش ياسوسو لان سمعت انه المجلس يطلع للارن ومصر فهدا بيش خلطت عليا هههههههههه
باهى قوليلى بالساهل ولا شيبوكم وماطلعتو يعنى الاجرات ؟
ايه صدقتى بالنسبه للسونار فى ليبيا ماساء والدول كلها عندها 3 دى و2 دى و4 دى ونحن مازال1 دى يعنى ماتشوفى شي ههههههههههههه

[sosolibya]

شنى ماهناك حد شوره
قبل كنت بنحكيلكم حاجات مليحة يللا فوتاها على رواحكم

[زهرة2000]

الف لاباس عليك ايه حتى الميه يقيسو فيها بالسانتى ووزن البيبي وحتى الطول ههههههه
تو بنبدو فى القصقصه هههههههههههههه انت فى الاسبوع الكم قالتلك حسب السونار ووزنها كم ما شاء الله تو ؟

[sosolibya]

شج زهورتى ملييييييييييييح

[sosolibya]

انا مشيتله من اسبوعين تقريبا وطلع الحساب زي حسابى انا بالزبط 29
مع انه فى ليبيا كانوا ملخبطينى
وقالتلى ان كل امورى تمام والحمدلله
وتوا انا بالاسبوع 31 انسكره يوم الثلاثاء
يعنى بادن الله انسكر السابع

[زهرة2000]

الحمد لله انا قعدت فى مصر شهور قريب متت كساد وتو ان شاء الله بنجيب فيها وقعدت الهوتيل ممله صاح راحه لكن تملى انا قعدت شهر فيه كساد

[sosolibya]

شكرا يا زهرة انا اخر من يسمع
انتى شن اديرى فى مصر وشن رفعك غادى
وليش ياحبى بتجيبى غادى لاباس