دردشة بنات ليبيا , دردشة حوامل ليبيا , تجمع بنات ليبيا

[ام قصى محمد]

اهلين اهلين ام ناريز كيف حالك وحاله الاموره


سوسو قولى بسرعه شن الموضوع نبى نخش نرقد

[sosolibya]

ام سعد
شوفى حبيبتى ام سعد انتى فعلا فى موقع صعب
بس اتمنى انك ما تخمميش هلبة الزعل والتخميم مش باهى ليك
وانا يللى نعرفه انه لما الناس يبدو سامعين بانك مازلتى حايسة
مش رح يجوك طول يعنى اكيد رح يعطوك وقت
وبعدين انتى مادامك عملية ليش معقدة روحك
يعنى اكيد على الاقل 3 ايام فى المستشفى
وحتى لو طلعتى طول العملية مايجوهاش الناس طول
الا اقاربك طبعا وهده فرصة عشان يساعدوك
وبعدين ليش الشغالات حبيبتى وين خواتك وحمواتك
وصدقينى ياحبى انت غير بس قولى انشاء الله
وتلقى كل شىء تم فيسع فيسع ومشت الامور تمام
وانشاء الله نكون هونت عليك شوية

[ليبياقلبي]

من موجود توا

[أم سعد]

أم قصي ... ربي يحفظك ... جربت درتها متاع المكنسة ومامشي الحال ... لأن الحفر عالي وفي الصندوق تبع الروشن وكل الغبرة جت فوق الصندوق ونزلت .. يعني أنا تعبت على الفاضي .. للأسف

بالنسبة لدار النوم ... أكيد هكي بيصير لكن أمتى الله أعلم يعني ممكن كله بيجيني في يوم واحد.. المشكلة راجلي باله واااااااااااااااااااااااسع

والدروج ... مشكلتي توا يخدمو فيه خشيت لحوشي اليوم لقيته كللللللللللللله تراب ... ومستحيل راجل ينظف زي المراة ... يستر الله وخلاص


ليبيا قلبي ,, مساء الأنوار ... شن أخبارك ... وين غطستي؟؟

[sosolibya]

ام قصى اقرى صفحة362

[ليبياقلبي]

شنو منو شن في انا راهو مخشيتش قريت الصفححات

[أم سعد]

سوسو ... بارك الله فيك .. ياغالية أنا أهل زوجي ماجربتهمش في المناسبات قبل بس نشوف فيهم من أول ماتروح النافس طول يجوها ... وبعدين هم خوالهم وخالاتهم والعيلة كلهم جنب بعض يعني جنبي يعني نتوقع أسوء الاحتمالات وانهم يجوني من أول يوم وخصوصا ان ولادتي بتكون في مصحة الأمومة في صلاح الدين يعني بعيدة نوعا ما وممكن مايجوش في العيادة ويقولو الأحسن نمشو للحوش ... وبالنسبة لخواتي هم زوز ... وبصغارهم ... صغارهم يقرو ويسكنو بعاد عليا وصعب يجوني ... وحماواتي وحدة تتوحم ومانقدرش نحركها ... والثانية تبي تحمل في أي وقت تستنى في روحها ومادابيها ماتتحرك هلبة ... والثالثة ماعندهاش على جو الضمان والحوسة ... وطبعا كلهم صحاب صغار يعني مرات تقولي بدل مايجو يعاونوني يجو يزيدوني على همي ... وفوق هذا كله مانقدر نقول لحد تعالى ضملي وديرلي كان مافهم بروحه :(

[sosolibya]

حيبتى ام قصى ام سعد اكيد مش قصدها انها تخمم فى انها بتتعب يعنى المشكلة مش مكلة عامل او شغالة هى تفكر امتى بيصير هدا يعنى هى صارت مهوووسة ان الوقت صار قريب جدا

[ليبياقلبي]

هلا سوسو وام سعودي

[ليبياقلبي]

باهي محلولة ام سعد جيبي مغربية وانت امتى ولادتك