دردشة بنات ليبيا , دردشة حوامل ليبيا , تجمع بنات ليبيا

[ميمونة]

تعرفوا بنات انا تعبانه من العصر علي رجليا

تصبحون علي الف خير

[ام حمودي3]

شكرا لكل الردود
انا من طرابلس .... وحمودي ابني الذي توفى بعد الولادة مباشرة .... اتمنى اتعرف عليكم اكثر واستفيد بالدردشة معكم....

[ام روفيدة]

وفيك يارك الله يا ميمو تستاهلي كل خير

هاتو إيه عادي الاعراض هدي كلها امتاع الشهر الثامن ربي ينوضك بالسلامة يا حبيبة وادعيلنا وانتي اتجيبي بالله عليك وادعي لوخيتنا ميمونة ربي يسعدها ويهنيها .

يقين عادي عادي هالكلام هدا كله الرجالة كلهم ايقولوا فيه لكن انتي خليك قوية وسكري راسك على الحاجة لين تتعلميها مزبوط وبالنسبة للكيكات حتى أني كنت زيك بالزبط الكيكة كانت ديمة اتجيني معجنة ههههههههههههههههههه وياما سمعت من كلمات من أبوا الشباب لكن سكرت راسي لين بدت اتجيني مزبوطة مية في المية وشريت كتب ونخش لمواقع خاصة بالكيكات والتورتات وعيوني لين قريب ينعموا من الكمبيوتر وكله في جرة الكيكات والتورتات ههههههههههههههه .

[hatoo]

بس في بنتي الاعراض هذين جني في التاسع من في الثامن

[hatoo]

بنات عن اذنكم توا

[sosolibya]

قصدك يا يقين انتى حامل يعنى بأى شهر قصدى ليش موقفة القراية
وماتقوليش انتى يللى تقرى فى مصر و مع هدا وقفتى القراية
على العموم الف الف مبروك على الحمل

[sosolibya]

الله الله يا حبيبتى يقين يعنى انتى فى نفس عمرى تقريبا الله انا نموت فيك ههههههه ههههه هههههههههه والله ارتحتللك من كل قلبى
بصراحة كنت نعتقد ان عمرك فى جو 27
وبعدين شن قصة لما نكبر
والله ضحكتينى ههه هههههه ههه
يعنى كأن يللى تتكلم عمرها 7 سنوات
وبعدين انت شن تخصصك

[ام روفيدة]

عن أبي هريرة رضي الله عنه: «أن أعرابيا أتى النبي صلى الله عليه وسلم فقال : "دلني على عمل إذا عملته دخلت الجنة؟"، قال: "تعبد الله ولا تشرك به شيئا، وتقيم الصلاة المكتوبة، وتؤدي الزكاة المفروضة، وتصوم رمضان"، قال: "والذي نفسي بيده، لا أزيد على هذا"، فلما ولى، قال النبي صلى الله عليه وسلم: "من سره أن ينظر إلى رجل من أهل الجنة، فلينظر إلى هذا"» [رواه البخاري].

[sosolibya]

كانى قاعدة بروحى قولولى خير ما نقعد نهدرز على روحى

[ام روفيدة]

قال ابن الجوزي: "من تصور زوال المحن و بقاء الثناء هان الابتلاء عليه، و من تفكر في زوال اللذات وبقاء العار هان تركها عنده، و ما يُلاحظ العواقب إلا بصر ثاقب".