دردشة حوامل مصر - دردشة بنات مصر - تجمع حوامل مصر

[dr.princess]

عارفة والله يا دينا ربنا يخليكى
والله الغربة فعلا خلت الواحد يقدر يتحمل حاجات كتير عمره ما كان يتحملها لو كان وسط اهله

[*رحمه*]

فعلا والله يا لولو ، الله المستعان
بس يا لولو حاولي توضبي بيتك لو قدرتي قبل الولادة و تكوني غسله الغسيل كله و مجهزه حاجات في التلاجة و ربنا يقويكي يا لولو
بحيث ان شاء الله ما تتعبيش نفسك اول فترة
قوليلي انتي سمعتي عن اختراع الحلبة بالعسل ده بعد الولاده

[dr.princess]

والله الولادة ممكن تيجى فى اى وقت فبحاول على اد ما اقدر اوضب البيت علشان يكون جاهز لو حاجة حصلت
فكرت فى موضوع انى اجهز اكل واحطه فى الفريزر جوزى قالى كله محصل بعضه ابقى اجيب اكل جاهز وخلاص
حلبة بالعسل قصدك المغات ولا الحلبة العادية تتحلى بعسل ولا ايه

[*رحمه*]

انا معاكي يا لولو في موضوع الاكل ده ، بس انتي يا لولو في فترة النفاس لازم تتغذي كويس ،ممكن تجيبي فراخ و جوزك مجرد يسلقها و يعملك شوربه
اه يا لولو حلبه عادية و تتحلى بعسل اسود ، بيشربوه بعد الولاده على طول بينظف البطن مكان الولاده و اسمع انه مدّر للبن

[dr.princess]

انا غالبا فعلا هخليه يعمل كده
انا اصلا مش بحب الحلبة وكمان بتعمل ريحة زفت اوى بس حتى لو عملتها مش هحليها بعسل اسود بتهيألى كده هتبقى تقيله اوى
هى فعلا مدرة للبن احنا درسناها دى حتى ماما بعتتلى حلبة مع الناس اللى جايين عمرة

[*رحمه*]

ايوه يا لولو والله دي مفيده جدا ، وعارفه العسل بيغطي على ريحيتها تماما مش هتحسي بيها و طعمها مقبول مش هتحسي انها تقيلة ولا حاجة
عارفة اختي و هي بتولد ، ماما اخدت معاها ترمس حلبه بالعسل المستشفى و شربتها اول ما فاقت من البنج ، و ما شاء الله اختي رضعت طبيعي
يعني ممكن تعملي حسابك في ترمس و انتي رايحة تولدي ان شاء الله

[dr.princess]

ربنا ييسر الحال
انا قصدى ان الحلبة بتخلى ريحة الجسم وحشة اوى
لو قدرت وقتها ابقى اعمل هبقى اعمل واحطها فى الترمس بس برده مش هحليها بالعسل الاسود ههههههههههههههه بالسكر اخف

[نولارا]

انا دجيييييييييييييييييييييييت

[*رحمه*]

ههههههههههه يا لولو صدقيني انا اختي ما بتاكلش بسطرمة حتى عشان ريحة الحلبه
بس شربتها و مأثرتش على ريحة جسمها خالص و بالنسبة للعسل ما تحطيش كتير مجرد يحلي الطعم بس

[*رحمه*]

هاللوووووووووووو نورا اخبارك ايه يا حبيبتي و الولد موكشه عامل ايه