دردشة حوامل مصر - دردشة بنات مصر - تجمع حوامل مصر

[dr.princess]

يللا على بركة الله خليهم يشوفوا شوية من اللى عملوه فى الناس

[*رحمه*]

فعلا والله يا لولو ربنا غلى كل ظالم
قوليلي يا لولو عملتي غدا ايه ؟؟؟

[dr.princess]

كنت عايزة اعمل بيتزا بس مكنش فى وقت فعملت مكرونة بالتونة

[*رحمه*]

طيب تمام ، انا عملت لاحمد بيض اومليت بالزيتون و الفلفل الاحمر و الكسبره الخضرا
و انا اكلت أناناس
قوليلي يا لولو في الايام الاولى بعد الولادة مين هيقعد معاكي ؟؟؟

[dr.princess]

للاسف مش بحب الفلفل ولا اى حاجة خضراء
بس عندى طريقة حلوة اوى للبيض بحبها اوى
بتقطعى بطاطس مكعبات مش كبيرة اوى وتحمريها فى زبدة او سمنة وبعدين فى طبق تكونى حطيتى البيض وتحطى عليها البطاطس المتحمرة وتحطى جبنة موتزاريللا مبشورة وفلفل اسود وملح مش كتير علشان الجبنة وتقلبيهم اوى مع بعض وعلى الطاسة بقى لحد ما يعمل طبقة ويمسك من تحت تقومى قالباه علشان يستوى من الناحيتين هتلاقى طالعلك قرص كده البيض والبطاطس والجبنة بتشد من جوه كده جربيها كده وبالهنا والشفا

[dr.princess]

جوزى ان شاء الله هياخد 3 ايام اجازة
وفى اكتر من واحدة قالتلى هجيلك بس اصلا انا مش ناوية اقول لحد لما اولد
هتعدى ماتقلقيش

[*رحمه*]

حلو قووي يا لولو الطريقة دي و خصوصا مع الجبنه هجربها ان شاء الله

[*رحمه*]

و الله يا لولو لو كنت جمبك ما كنتش اتأخر عنك ، و مش مجاملة والله ، بس هنعمل ايه بقى المسافة طووويلة قوي
لكن ربنا معاكي يا حبيبتي احسن من اي حد
تعرفي انا عديت بمواقف هنا عمري ما كنت اتخيل اني امر بيها لوحدي ، لكن الحمد لله عدت و بتبقى من اسهل المواقف بعد كده
ربنا يقدرنا على الغربة

[dr.princess]

جربيها يا دينا بجد حلوة اوى وعلى فكرة لما عملتها فى الفرن مطلعتش حلوة زى ما كنت عاملاها على الطاسة زى البيض العادى
ولما عملتها بالجبنة الرومى ولا بان طعمها اصلا فانتى اعمليها بالموتزاريللا

[*رحمه*]

ماشي يا لولو همشي على الطريقة بالظبط و اقولك