دردشة حوامل مصر - دردشة بنات مصر - تجمع حوامل مصر

[ام يحيي 2011]

السلام عليكم يا حلوات

[نولارا]

احمد بالليل كان عنده سخونيه شديده ممكن تكون سنه جديده موش عارفه
دينا انا شفت اللى انتىى كاتباه عنى وبقول لجوزى قالى هى شافت صينيه البسبوسه ولا ايه
اصلى كنت عامله صينيه بسبوسه مقربلهاش خالص ومرضيش ياكلها ههههههههههههههههههه

[dr.princess]

كانت ايام عز يادينا
دلوقتى علشان اعمل حاجة فى المطبخ اعمل شوية واروح ارتاح وهكذا لما النهاردة وش البسبوسة اتلسع مش قادرة اقف اتابعها بس طلعت حلوة الحمدلله

[dr.princess]

ازيك ياسارة اخبارك ايه

[نولارا]

ازيك ياساره
لولو بسبوسه طيب قوليلى عملتيها ازاى احسن جوزى بيتريق عليا بسببها

[ام يحيي 2011]

الف سلامه على ميدو يا نورا

وسلامتك يا عم التعبان انت وربنا يقومك بالسلامه ياااااااااااااااااارب يا لولو

وايه اخبار زوجك يا دنيا سافر برده ولا ايه

[ام يحيي 2011]

الحمد لله تمام انتوا كلكم عملين ايه يا جماعه انا عمله مسقعه وسمك مين يجى يأكل معيا يشجعنى دول رحتهم تجنن وانا بصراحه جعانه ومستنايه زوجى بس شكلى هاكل واضحك عليه مين يجى يشجعنى

[ام يحيي 2011]

تعرفى يا نورا انا بشترى البسبوسه جهزه يا دوب احط عليها الزبادى وحبه لبن والشربات وخالص انتى بقى بتعمليها كلها فالبيت ولا ايه

[*رحمه*]

نورا
ليه كده انتي عملتي تورته قبل كده و شكلها كانت جامده و بعدين الطباخ الماهر هو اللي يتقن الحلويات مش الحادق بس

لولو
انا عايزة بثبوثة مليش دعوووووووووووووووووو :((((( الف هنا عليكي يا قمر

سارة
ازيك يا سرسر عاملة ايه انتي و نونتك صحيح نسيت اسالك امبارح اشتريتي الحاجات اللي ناقصة ولا لسه ؟؟؟

بناااااات عايزة اسالكم سؤال مهم جداااااااااااا بما ان الغدا بكرة سمك عايزة اعرف ايه نوع سمك كويس اقدر اشويه في الفرن و يكون حلو و ايه هي طريقة الشوي عشان هنزل كمان شوية اجيب سمك

[dr.princess]

نورا انا كنت بعملها بطريقة ماما وكانت مرة تطلع مظبوطة ومرة لا بمزاجها كده
بس النهاردة عملتها بطريقة الشيف يسرى كان عاملها الاسبوع اللى فاتت والحمدلله طلعت حلوة
الرابط اهو بالتفاصيل
http://forums.fatakat.com/thread1373388

بس اهم حاجة يكون السميد ناعم لانى من مدة جبت بالغلط سميد خشن وطلعت البسبوسة وحشة جدا وماسكة وحالتها حالة