حبيباتى سيدات ليبيا تفضلو لأعرف ما حالكم

[اوشي]

توة بنزل الكم صور الزردة وخلاص

ونحكي لكم عالزردة ... تغييرة جووووووو

[أم أجنادين 80]

القـــــصة ومافيها يااوشي

في فرح لاحد اقارب زوجي

هيا قريبة عمتي بتزوج بنتها وتسكن بطرابلس من اسبوعسن او اكثر يتكلموا علي العرس وان الظروف لاتسمح للمشي

اولا تسكن في شقة وبدير نجمتها في خيمة بين العمارات

والحفلة في الصالة

بعثتلي اول امس بطاقة قلت لزوجي وانا في نفسي مش مقتنعة نمشي لعرس بعيد حتي

لو الظروف مناسبة يعني كيف نمشي بمكياجي مسافة طويلة

وزوجي قال لا مايساعدش المشي

لما قلت لعمتي انه ولدك قال لا

قالت كيف وهذه فلانة اتعزه من ناحية لما كان صغير يمشيلهم في حوش بوها اللي في الزاوية

ويعزوه كلهم

معقولة بنمشي بذهبي لطرابلس ولا نمشي هكي قدام ناس برانية

او بنخاطر علي خاطر فرح

صح نمشوا لطرابلس بس علي خاطر خدمة وحاجة مهمة ونعتبروا نخاطروا في مشينا

مش عارفة كيف نتصرف

وهما اكيد مافيش من يرفعهم غير زوجي لان كل سلافي وعمي ماعندهم سيارة صغيرة

واحد بايع سيارته والثاني كبيرة

[أم أجنادين 80]

يلا احكي كلنا اذان صاغية

بما نه كســــــــــــــــــــاد

[اوشي]

اولا كتبت كل صغيرة وكبيرة في الزردة بس من ذهاب الشيرة درت اعادة تحميل بدون

ما نضيف الموضوع

يلا خيرها في غيرها

المهم بما انه اكيييييييييييييد راح يشيلهم زوجك ممكن انك تمشي غيري جو

ومش ضروري تمشي بالذهب الكبير البسي لبسة حلوة خفيفة وخلاص

الا اذا زوجك عطاهم سيارته هنا ممكن انك ماتمشيش وهكي احسن

بما انهم ماعندهم غير سيارتكم

والله المستعان

[اوشي]

وفعلا الطريق خطر توة

حتى انا بوي وامي بيمشو لبنغازي عندي خالتي ليها مدة مروحة من العمرة

بس فيه ظروف وخرت مشية اهلي

وتوة بيمشو وانا خايفة عليهم بس قالو بياخذو خوي الوسطي والصغير

ربي يحفظنا بحفظه

[اوشي]

وتوة قاعدة نستنى في تحميل الصور بيش انزلهم لكم

وعلي مانزلو نمشي نشوف العيال

[أم أجنادين 80]

انا اللي وجعني

قصدي مافيش داعي من المخاطرة علي خاطر فرح

[أم أجنادين 80]

وينكم

رقدتوا

[اوشي]

[اوشي]