سيدات ليبيا الحبيبات ..تفضلووو

أثري في مدادي · 04-06-2014, 12:56 AM

سوسو

هلا بالغالية المتأثرة على سفــــــــــــــــــر زوجها
لعلها فرصة
لإنعاش الحياة الزوجية
فالعلاقة الزوجية تشبه قطعة المطاط كلما تباعدت أطرافه
تلتقي بقوة حينما يطلق طرفه فيرتد بشـــــــــــــــــدة

صحتين المقطع على الحطب ،،،،،،،،،،،، إمممممممم

مثابرة لازلت على المسجد !!!
أين وصلت ؟؟؟

أمس مشينا لجوددائم
لعائلة " المودي "
الله يبارك عندهم مساحات شاسعة
حوالي 115 هكتار
عدة أخوة بيوتهم منتشرة على اتساع الأرض ~~~~

الله أعلم ،،،،،، ما تشعرين به يشبه التبويض !!!!

أكمل حمودي الروضة ولا مازال ؟؟؟
استفاد ؟؟؟
إلى أي حرف وصل ؟؟ وإلى أي رقم ؟؟

أثري في مدادي · 04-06-2014, 01:02 AM

جي جي

ربي يحفظ جمووووووووووووونة وحركاتها ،،،،
بدت تثبت في وجودها ،،، الله يبارك
يا محلى التويكات ،،،،،،،،

بالله على ذكر التويكات
بنوتتي الغالية
شعرها جاي ناعم لكن فيه اللوية ~~~
ما نعرفش شن رايكم
هل نطوله أحسن
ولا ننزل عليه بالقصان ؟؟؟

اللي عندها تجربة مع الشعر الناعم اللي فيه اللويــــــــــــــــــة تقولي
سبحان الله
الولد جاي شعره طرف واحد
والبنوتة : كيرلي !!!

الحمد لله المهم سليمين معافين ~~~

أم فروسي
صار الخطوات نحو أرض الوطن
صارت تتقارب

إن شاء الله تجوا وتلقوا ليبيا الحبيبة
قد كفكفت دموعها
ولملمت جراحها
ياااااااااااااااااااااااااارب

~~sosolibya~~ · 04-06-2014, 08:56 AM

صبااااااااااااح الخير....

~~sosolibya~~ · 04-06-2014, 10:48 AM

بارك الله فيك عزيزتي أثورة ,,

بالنسبة للجامع وصلت لسورة الشمس

وبالنسبة لحمود بطلته من الروضة .. بصراحة سخفني هديكا ألأيام الصقع لما انوضه الصبح يقولي ياماما نبي نني ((نرقد))

وأصلا قلت يللا خلاص ليش نعقد فيه هو مازال العام الجاي روضة والعام يللي بعده مستمع

ويللي بعده قراية رسمية يعني لاش نعقد فيه من توا ما يجي وقت قرايته الحقاني لين يمل ويروح حماس القراية.

وتوا بدي ماتعقد يقولي ياماما انت ماتبينيش نمشي للمدرسة ..

~~sosolibya~~ · 04-06-2014, 10:50 AM

والشعرات ,, ياحلوة ,,

كل مايلوو شوية قصي اللوية توا بإذن الله يزيد ويتحسن ويبدأ كويس إن شاء الله ..

~~sosolibya~~ · 04-06-2014, 01:42 PM

fefe93 · 04-06-2014, 02:33 PM

السلام عليكم
كيف حالكم البنات الكل
وشكرا لكل من دكرني و فقدني
خوله الف مبروك البيبي و انشاء الله يتربي في عزك و في عز بوه والحمد الله علي سلامتكم
سوسو الف مبروك لحماتك وانشاء الله ربي يتمملها علي خير
ام فروسه باهي كويس افتكتي من موال الشحن و كملتي
جيجي كيف حالك انتي وصغار
هدهد كيف حالك انتي والبنوته و شني جو قاعد عندكم صقع
اتري كيف حالك انتي و صغار وبالنسبه لشعر انحس انه اتخليه يطول مدامه ناعم

fefe93 · 04-06-2014, 02:35 PM

انشاء الله مانكونش انسيت حد و سامحوني المدة الي فاتت كنت مقصره
ونبيي نسالكم اني توا خشيت في الشهر تامن و بنتي تتحرك هلبه هل هدا الشي طبيعي او لا الحركة متعها زادت علي قبل في فرق كبير

~~sosolibya~~ · 04-06-2014, 03:24 PM

هلا وغلا بفيفي الغالية كيف حالك وشن جو الحمل والثقل ,,

كويس الحمد لله خشيتي الثامن..

لم يتبقى الكثير لتحضني طفلتك بإذن الله ..

وأظن أنه عادي جدا الحركة ,, أفرحي ياستي بنتك ناشطة ,, هههه
بس هذا لايمنع أن تسألي طبيبتك..

~~sosolibya~~ · 04-07-2014, 08:56 AM

صباااااااااااااااح الخير ,,

كيف ودعت زوجي ,, وقي يعتصر لألم الفراق,, ربي يحفظه ويمشي ويجي سالم ياااااارب...

كفكفت دمعاتي , وجئت لأشكي وأغير جوي معكم..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ليبيا ,, بلدي الحبيب,, بلد الطبيعة والتراث ,, ليبيا بلد الزهر والحنة..	sosolibya	المـنـتـدى الـعـام	15	02-15-2014 12:46 AM
تجمع سيدات ليبيا الغاليات..	sosolibya	ملتقى عضوات حوامل	993	02-11-2014 02:13 PM
حبيباتى سيدات ليبيا تفضلو لأعرف ما حالكم	sosolibya	ملتقى عضوات حوامل	8849	12-11-2013 08:25 PM
رسالة إلى سيدات ليبيا	أم رهوفة	ملتقى عضوات حوامل	6	01-11-2011 12:56 AM