حبيباتى سيدات ليبيا تفضلو لأعرف ما حالكم

[أثري في مدادي]

الــــــــــمتدين : ليس فاقدا للشهوات !!

والمحتشمة : ليست جاهلة بالموضة !!

والكريم : ليس كارها للمال !!

حتى المتفوق: ليس محبا للدراسة !!

ولكنهم .... اقوياء في مواجهة "اهواء انفسهم" !!

فكن مما قال عنهم الله

{ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى. فَإِنَّ الْجَنَّةَ هِيَ الْمَأْوَى } .

... ولا تكن مما قال عنهم الله

{ قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ }

[dr.loly]

بالنسبه للحج عندنا اربع عائلات بيحجن وثلات شباب بيحجوا .. ماشاء الله

من قروب زوجـــي..

فرصه طبعآ بم ان لآ قرعه لآ شــئ..

والمنحه اتغطي واتزيد..


وانا لاحظت ان العائله الزليتينيه لانهم الاكبر هم اللي فرحانين بها بجد

وفي عائله صغيره من ورفله عندهم بنت اقل من سنه اظن برضه يستاهلوها لانهم ملتزمين بجد

[dr.loly]

المشاركة الأصلية كتبت بواسطة أم أجنادين 80

من بكري صوت رصاص
وقبل شوية اصوات قوية قوية

طبعا من يوم الخميس سمعت بمناوشات بين الزاوية وورشفانه

والقصة حول مستوصف والله اعلم من الغالط

انا نسمع في الأخبار ونلقط تلقيط

وعارفين وسطنا الليبي في نقل الاخبار مرات صح او غلط

يوم الخميس انقتل ولد من الزاوية وحتي اليوم مشيت لحوش عمي القيت عمتي

كانت تعزي واحد كان مار بالصدفة جت فيه رصاصة

وسمعت ان قذيفة وقعت علي شخص

والله اعــــــــــــــلم

لاحول ولاقوة الا بالله العلي العظيم
قديش نفسيتي تتعب بعد نسمع اخبار بلادي هكي بجــد..
ربي يهدي النفوس ان شاء الله

[dr.loly]

اثري ليش ماتنزليه في موضوع خاص مثلآ بالقسم الاسلامي عشان يستفيد عدد اكبر من هالكلامات الر اااائعه

[أم أجنادين 80]

والله تعبت

[أم أجنادين 80]

تصبحوا علي الف خير

[جوهرة ليبيا]

السلام عليكم ورحمه الله وبركاته

ياااااااااااارب هدي البلاد والعباد


كيف حالكم اليوم

فايتيني صفحات نقراهم وانجئ كان مرقدش لاني بنطيح من التعب يومي فضييييييييييع


نضت فطرنا اتصلت عزوزتي تعالي فيه ناس جاينهم غداء من بعيد

امشيت طيبت وووووووووووووووووووووووووووووووووووووووووووو

وغسلت معاين وسيقت وقدمت الشاي بالوز واذن العصر نبي انروح


آآآآآآىه اتصلوا صحاب سلفي جاييين زوز ونفس الشئ عصيده وحلبه ووووووو


وسيبتهم وطلعت مع السبعه للسوق ساعه بس لكن الحق


در فايده

خديت بساطات لصالون وسط الحوش جديد فركبتله اليوم قطع والحمد لله حلوين قطعه كبيره وفرشات ثلاثه

وفرشات لقدام الحوش وللحمامات حشاكم وللمطبخ


صلينا المغرب في الطريق وروحنا طلعوا اللي سيبتهم قاعدين كلمتني عزوزتي

خشيت لحوشي دوشت جسمي عالسرييييييع وغيرت انا ورنوده ورجعت عندهم


حصلت في الماعين

وروحوا وانا انصلي في العشاء وعلي اساس بنروح سلفي جوه ولاد عمه وطالبين عصيده

درتلهم الشاهي قبل وطيبت العصيده ومازال فيه من الحلبه حطيتها مع فاكهه وخضره ومشروب

كحلفتلي عزوزتي عالماعين اخديت بنتي وروحت

دوشتلها وبعدين انا دوشت حسيت انشطت روح راجلي لان طلع بعد المغرب لصحابه

حطيله فاكهه هذا عشاه وتوه كيف رقدتهم الحلوين الزوز تسحبت قلت انشوفكم ونررررررررررررقد

[أثري في مدادي]

*************

الله المستعان

علينا بالدعاء
وكثرة الاستغفار

~~~~~~~~~~~~~~~~~~~~~~~ وسعي بالك جنووووووووووووودة

يارب هنينا

[أثري في مدادي]

أم فروسي

الله يبارك

علـــــــــــــــــــــــــــــــــى الحج

يارب باركلي في عمري نين نقضي فرضـــــــــــــــــــــي
بصحة وعافية
كما تحب وترضى
آميــــــــــــــــــــــــــن

ياريتكم تخططولها أم فروسي
حتى مش هالعام
العام الجاي
ربـــــــــــــــــــــح صااااااااااااااااااااااافي

ويسر الله الأمر
صحيح
أنا مقصرة في تعميم ما أنقل
كانت سوسو
بارك الله فيها
مرات تاخد وتحط علي الفيس
لكن الواجب لأولي
علي أنااااااااااا

شكرا على التنبيه

[جوهرة ليبيا]

كيف حالك اثري وحال الحلوين