للي ولدوا بمستشفيات جده ايش تجربتك مع المستشفى والعنايه ؟؟

[rose]

الطبي الدولي وارفعي يدك عند مين ماكان يعني ممكن تتابعي عند وحدة ويوم ولادتك ماتكون موجود راح يحولوك ع تانية وكلللللللللللللللللللهم عسسسسسسسسسسسسل واهتمام وعناااااااية فوق الخيال
تحسي انك انسانة تتعاملي برررررررقي
هذا اقل شي اقدر اقوله

[ناديا]

طيب بكم الولاده عندهم مع الغرفه والعنايه بالمولود وكل شي ؟

[ريميه جنوبيه]

انا راح اولد انشاء الله بالجدعاني ارتحت للدكتورة هنااااااك ولادتي الاسبوع الجااااي وبعطيك التفااااااااااااصيل

[أم قصي]

وعليكم السلام ورحمة الله وبركاته
عندك مستشفى الاطباء المتحدون ممتازة ونظافة واهتمام ورعاية وخدمات فندقية
والاطباء الاستشارين فيها ممتازين .
د/ حنان الشمراني إستشارية نساء وولادة ممتازة وخبرة وسمعة ممتازة ماشاء الله عليها ووقت الولادة حنونة وصبورة وتفضل معاكي طول الوقت وحتى لو كنت ولادتك في الفجر ماتسيبك أبدا .
وأنتي أستخيري والله يسهلك إللى في الخير

[أم ح ــنونـہ]

انا راح أولد في الطب الدولي
لأن تأميني عليه والحمد لله
والصراحه صديقة اختي بتشكر فيه كتير
بس ما بعرف مين الدكتوره اللي حتولدني
بتعرفوا دكتوره شاطره هناك تدلوني عليها ؟؟؟

[القرشيه الهاشميه]

بنات روحو مستشفى خالد ادريس عند دكتوره ميمي وربي انها وقت ولاده تكون احن من امك واهتمام لاخر حدوده
ويارب يسهل علينا ولاديتنا كلنا يارب

[عطر المكان]

أنا ولدت مرتين في مستشفى جده الوطني مرررره ممتاز وتعامل ممتاز وانا دحين حامل وعلى إنه الدكاتره تغييروا بس انا حابه المستشفى واعرف فيها كل شي وأنا عند الدكتوره نجلاء فتحي
والله طيوبه وتحسيها حنونه وتخاف الله وانا كنت بدخل برنامج حمل عندهم مع الولاده ب4000
قالتلي لاتدخلي بالبرنامج لمن نشوف نبض البيبي وانه تمام ادخلي عشان ماياخدوا الفلوس عليكي وإن شاء الله من الشهر الجأي ادخل بالبرنامج

[coco chanel]

انا ولدت في سليمان فقيه ثلاث مرات ورااااااااائع جدا طبعا اخر مره كان في زحمه مره لكن برضوا روعه الاهتمام والنظافه والتخدير وفي ممرضه ماتتركني ابدا والحين انا مره خايفه لاني نقلت الرياض ومااعرف اذا مستشفى الحبيب يستخدم الكمام وابر التخديراو لا؟

[متغليه لعيوني]

شكرا على الموضوع جميل صراحه ونفس الي انا ابغى اطرحه لاني محتاره في حملي الثالث انا ولدت اول مره في مستشفى الاطباء المتحدون عند باسمه وصراحه المستشفى حلو راقي ونظيف بس مو مره فوق التصور اما الدكتوره عاديه وقت الولاد ماشفتها امكن الامره وبعدين لما وقت خروج الطفل وبس وخياطتها زفت زفت وقليل عليها كمان لانها وجعتني الخياطه واتعذبت منها في النفاس وحملي الثاني في فقيه عند هدى المستشفى كويس ونظيف واحلاشي عندهم صراحه البنج يعطوكي ابره تخدري فيها لغاية وقت الدف ومشهورين بكذا وصراحه خياطتهم الكل يشكر فيها والدكتوره برضه نفس الشي ماتشوفيها الاوقت خروج الطفل يعني مافي رحمه ولاذمه بس الممرضات يقعدوا عندك وفيهم الطيب ودحين حامل في الثالث ويارب يتمم عليا بخير وصحه ليا والي في بطني ومحتاره لان فقيه صار غالي سالت قبل يومين عندهم الولاده 7300بسس الولاده من غير كشفيات او تحاليل نصابين صايرين والله وعندي تامين في مستشفى هاله عيسى الي في الحمراء ورحت زياره عند دكتوره اسمها خلود رستم ومحتاره الي يعرف عنها يقولي وربي يتمم عليا وعليكم ويسهل على الجميع يارب وسلامتكم سوري على الاطاله ونسيت احكيلكم على تجربت اختي ولدت في الاطباء عند صباح وبرضه ماتعبت حالها الاوقت خروج النونو مشغولين مساكين من كثر الزحمه تريقه هههههههه بس حكيت تجربتي بذمه وضمير هههههه

[الله لايحرمني هالصوت]

وعليكم السلام ورحمة الله وبركاته
أنا ولدت بمستشفى الجامعي القسم الطبي الخاص المستشفى نظيفة ومرتبة ورعاية واهتمام ولدت مع الدكتورة حنان الشمراني أستشارية ممتازة
وخبرة وسمعتها ماشاء الله وأسسم على مسمى حنونة وصبورة وقت الولادة تصبرعليكي وماتستعجل تعطيكي وقتك وتفضل معاكي طول الوقت وتدعيليك ,, فعلا تروحي ليها وانتي مطمنة ومرتاح بالك ماتشيلي هم وخياطتة تجميلية روعة