أفضل جهاز كشف التبويض حسب تجربتك

[sjjs]

أسعد الله صباحكن بكل خير


حبيت أستفسر :


أفضل جهاز كشف التبويض حسب تجربتك ؟؟


مع كتابة تفاصيل عنه أمكن بيعه في المملكه في الشرقيه ضروري




وشكرا لكم

والله يرزقكم بالذرية الصالحة يارب


في انتظار ردودكم وآرائكم

[**سماسم**]

حياج الله يالغاليه وهذا الموضوع أتمنى يفيدج ..
هذا الفحص يحدد موعد الاباضه فقط.. ولا يحدد حجم البويضه.. يعني ممكن يضبط معاج موعد الاباضه بس هل حجم البويضه صالح للتلقيح؟ للعلم حجم البويضه المناسب للتلقيح بين ١٨ ملم و ٢٤ ملم.. تقدرين تعرفين حجم البويضه عن طريق عمل الفحص النسائي الداخلي بجهاز السونار (الالترا ساوند) عند الدكتوره ويكون عادة في اليوم ال١٠ او ال١٢ من بداية الدوره

يفضل معرفة فحوصات الزوج بحيث تتأكد الزوجه بعدم وجود مشاكل قد تعيق الحمل لا سمح الله..

احيانا يكون هنالك انسدادات في قناة فالوب فلا يحدث التلقيح.. هنا يجب عمل فحص الاشعه الملونه او المنظار للتأكد من عدم وجود مشاكل او انسداد في الانابيب وهالفحص ما انصح فيه الا عقب ما تكمل البنت سنه عالزواج لان احتمالات الحمل تكون اعلى خلال سنه من الزواج

نيي للجهاز...

اسم الجهاز Clearblue Ovulation Test

الجهاز عباره عن اداه بيضاء طويله و ٧ شرائح للفحص (وفي جهاز مع شريحه وحده بس)



استخدام جهاز التبويض الديجيتال اسهل بوايد عن العادي (كلهم ماركة كلير بلو) بس الدجتال اغلى.. لانه يطلع ويه مبتسم اذا كنتي في فترة الاباضه اما العادي فيبين لج خط ازرق ولازم تحكمين على درجة اللون وهالشي متعب ومب كل حد يميز درجات الالوان..

النقطه المهم جدا جدا جدا هي لازم تعرفين طول الدوره عندج.. لانهم حاطين جدول صغير في الليفلت (الورقه المرفقه بالعبوه) تبين لج في اي يوم بيكون الاباضه بناء على طول الدوره.. مثال اذا كان طول الدوره ٢٨ يوم فافحصي من اليوم ال١١من بداية الدوره.. بتلاقين في الصفحه الاولى في النشره المرفقه بالجهاز جدول ارقام فوق بعضها هي اللي تحدد طول الدوره وفي اي يوم تسوين الفحص




قبل استخدام الجهاز اقرأي الورقه المرفقه فيه زييييييييييين.. واذا حبيتي تقرأينها قبل ما تشترين الجهاز ادخلي الموقع التالي واختاري

http://www.clearblueeasy.com/clearbl...ation-test.php

واختاري download a copy from the leaflet

عقب..تأكدي ان الجهاز يشتغل حسب الوصف المرفق واستخدميه.. اذا طلع لج الويه المبتسم بيكون عليج انج تشدين حيلج خلال ال٤٨ ساعه .. وهالشي ما يمنع انه قد يكون في مفعول لاحق يعني جربوا مدة ٦ ايام.. و كل شي بيد الله سبحانه

طبعا في ٧ عبوات (شرائح) اختبار مع الجهاز الدجتال عشان تجربين من اول يوم ينصحونج به (حسب الجدول السابق) بس اذا ما طلع الهابي فيس سوي اليوم اللي عقبه واللي عقبه لين يطلع الهبي فيس
للاسف ما لقيت صيدليه تبيع الشرايح بس برا يبيعون.. يعني اللي تسافر بتلاقي.. خصوصا بريطانيا
وممكن تشيكين مع الصيدليات الكبيره مثل ابن سينا ممكن يوفرون الشرايح لج..

اذا كان يوم اباضه بيطلع لج ويه مبتسم:


واذا ما كان يوم اباضه بتطلع دائره فاضيه:


ونصيحه من القلب... ادخلي موقع كلير بلو
http://www.clearblueeasy.com/
فيه معلومات ممتازه جدا


واذا بغيتي تتأكدين متى تسوين الفحص دخلي البيانات المطلوبه في الصفحه:
http://www.clearblueeasy.com/start-testing-with-clearblue-easy-ovulation-tests.php
وانصحج بشده تنزلين البرنامج التالي> وهو عباره عن تقويم او روزنامة كلير بلو لحساب الدوره وايام الاباضه والحمل ان حدث ان شاء الله.. مفيده جدا جدا
http://www.clearblue.com/uk/cycle-calendar.php

واختاري
download clearblue cycle calendar

صدقيني بتستفيدين جدا.. بس دخلي بيانات دورتج الماضيه (بحد اقصى دورتين) وحاولي تعرفين كل كم تييج الدوره.. والاهم انج تدخلين المعلومات والبيانات كل شهر

منقول ..

[الشوق عطري]

سماسم ما قصرت يعطيها عافيه

[تفاحة حمرا]

سماسم ما قصرت الله يعطيك الف الف الف العافية

[sjjs]

في جهاز جديد اسمه افيشور من جربته

[ام منصور]

انا جربت كلير بلو الديجيتال هذا اللي بالوجه المبتسم اذا كنتي في وقت اباضه يطلع لج مع وجود خطين على الشريط اللي يركب في الجهاز
حصل لي شي غريب
جربته قبل الدوره بيومين وطلع لي وجه مبتسم وخطين وااااضحييين
شو معناه انا محتاره كيف يقولون انه مافيه اباضه قبل الدوره بيومين وطلع لي واااضح جدا الخطين والوجه المبتسم

[ملكة الاحساس22]

الله يرزق خواتي يارب كل المحرومات وانا وياكم يارب

[sjjs]

اب اب ابي تفصيل ضرووووووووووووري

مشكووووووووووووورين اخوتي

[demoshka]

افضل شي تحليل الدم الرقمي او مايسمى بالحساس

[sjjs]

الله يرزقك الحمل السليم المعافى يااارب

ويرزقني ويرزق كل وحده تبي الحمل ياااارب..