دردشة حوامل مصر - دردشة بنات مصر - تجمع حوامل مصر ‏

[malak ahmed]

ايه متخافيش ان شاءالله خير .. بس انتي روقي نفسك عشان النفسيه لها تاثير كبير عالحمل


وهي ان شاءالله كويسه ومفيهاش حاجه ... انا كانت النونه بقالها يومين بردو متحركتش وروحت الدكتور والحمد لله كانت كويسه

انتي روحي للدكتور وكل حاجه هتبقي تمام ان شاءالله وابقي قوليلنا عملتي ايه

ربنا معااااااااكي يااارب ويطمنك عليها وتكون بخير

[رنا خالد]

انا ياما شميت وانا حامل يا أيه والحمد لله ربنا بيستر بس انتي بطلي عياط لأنه اخطر علي البيبي من المبيد نفسه هدي نفسك ياقمر
وكالعاده المعتاده مش موجودين وانا بكلم نفسي
خلاص بقي اخش اشوف البت الرزله دي اللي عماله تنبر
يامعين يارب

[ام انس المصريه]

ربنا معاكى ياايه ويكمل حملك وحملنا جميعا على خير

والله مش تقلقى خالص ان شاء الله خير

انا كمان قعدت يومين او تلاته مش بحس بالحركه وبعدها روحت للدكتور قالى ماشاء الله بيتحرك اهو فى السونار وبعدها حسيت بالحركه

وربك كريم ورحيم ومش هيضيع تعبنا ابداااااااااااا

خلى ثقتك فى ربك كبيره

[أم إياد]

لولو رنا نهاد..
ربنا يطمن قلبكم يابنات ويخليكم ليا..
انا بس اللي قالقني ان مافيش حركة .. والمشكلة اني كنت متغاظة ورشيت كمية محترمة انا نفسي تعبت منها ومااستحملتهاش فمابال الجنين بقى..

ربنا يسترها بس.. انا لو حسيت بحركة اكيد هتطمن ان شاء الله..

انا يانهاد كنت لسه عند الدكتور اول امبارح ميعاد المتابعة العادي وكانت كل حاجة تمام.. قبل ما الموضوع ده يحصل ..

وانا ان شاء الله هاحاول اركز اكتر مع الحركة لو حسيت بيها ان شاء الله يبقى خير ومافيش داعي اني اروح للدكتور تاني..

معلش يابنات استحملوني انتم عارفين اني مقروصة قبل كده قرصة كبيرة اوي والكل حاطط في دماغة ان انا السبب في موضوع الوفاة قبل كده.. فنفسيتي تعبانة اصلا ومش مستحملة اي خبر وحش تاني..

ربنا يتمم بخير ويرزقني انا وكل البنات ذرية صالحة ويخلي لكل واحده ولادها ويباركلها فيهم

[أم إياد]

ونعم بالله ياشيماء..
ربنا يستجيب منك ويكملنا بخير ويفرح قلبنا

[رنا خالد]

خير بأذن الله ياايه ماتخافيش وان شاء الله تحسي بحركتها قريب
بت ياشيمو اهلوز بيكي ياشقيه

[ام انس المصريه]

بالله عليكى ابقى طمنينا عليكى ياايه وربنا معانا كلنا ياحبيبتى

[أم إياد]

لولو الف سلامة على محمد ربنا يشفيه ويزيل عنه البأس قريب يارب العالمين..
طيب هو عامل ايه دلوقتي؟

طمنيني عليه يالولو لما ترجعوا من عند الدكتور
ويارب يكون بقى احسن ان شاء الله

[ام انس المصريه]

اهلوزين بيكى يابت يارنا يااشقى من الشقيه

ازى البت لوجى

[أم إياد]

ربنا يخليكي يارنا انتي وشيماء..
انا اتطمنت كتير من كلامكم انتم والبنات..
وان شاء الله هاركز لو حسيت بالحركة هاطمنكم باذن الله..

وانتي عاملة ايه يارنا ؟ وازي لوجي؟
ربنا يخليهالك ويباركلك فيها..

شيماء .. اخبارك ايه ياقمر .. وازاي الواد أنوس؟