دردشة بنات مصر , دردشة حوامل مصر , تجمع بنات مصر

دودى مجدى · 12-04-2011, 08:18 PM

امى مش هترضى يا دينا وهتقولى عاوزة قرايب جوزك يقولو انى مش جايبالك صينى لا لازم نوريهم ان احنا جايبين احلى حاجة ويا خوفى على احلى حاجة دى لاعد اتحسر عليها

*رحمه* · 12-04-2011, 08:22 PM

ههههههههههههههههه ، لا انا عن نفسي شافوا حاجاتي قبل كده فمش فارقه لو اكلتهم في اطباق بلاستيك اهم حاجه احافظ عليهم

*رحمه* · 12-04-2011, 08:23 PM

بنات هقوم اصلي العشاء و اجي ما تمشوش

احلى نونو · 12-04-2011, 08:25 PM

وانا برضه يادينا بقولك لو طلعتى الصينى ممكن يحلصه حاااااااااجه
اطباق بلاستيك انا ناويه على كده برضه
هو مش انتى حاطه الصينى فى النيش يعنى اكييد بايين

دودى مجدى · 12-04-2011, 08:27 PM

بصى يا دندونة انا لسة مروحتش لدكتورة هنا معادى يوم 14 ومحتارة ما بين اتنين واحدة كويسة كدة ومنقبة واسعارها رخيصة بتولد الطبيعى ب600 والقيصرى بالف ونص بس فى حتة اسمها ال5 الاف وفى واحدة تانية فى حتة هاى فى شارع محمد على حماتى عاوزانى اولد عندها وانا كنت عاندة معاها بصراحة بس فى ناس عمالة تقولى دى نضيفة وكويسة بس هى مغلوانية شوية كنت اسمع عنها زمان انها بتولد الطبيعى بالف ونص والقيصرى ب2 ونص تقريبا معرفش اسعارها دلوقتى بقت اية فهعمل صلاة استخارة واشوف بقى هروح لمين

احلى نونو · 12-04-2011, 08:28 PM

لسه والله يادينا لان معرفش اماكن كتيير

بس سماااااااسيمووو قاليتلى على دكتوره اسمها عليه مجاهد فى الهرم وبتقولى كويسه وهيا متابعه معاها وبقول لماما لقيتها بتقولى فى مستشفى اسمها الجزيره بيقولوا عليها كويسه برضه
فلسه مقررتش والله

دودى مجدى · 12-04-2011, 08:30 PM

اة والله يا دودو حاطاة فى النيش بس لتحت لان نيشى 3 قطع بوفية هو اللى فية الصينى ونيشين رفيعين على الجناب فيهم اطقم الشربات والكاسات واطقم بوهيمى يا خوفى عليهم

*رحمه* · 12-04-2011, 08:34 PM

طيب على خير يا دينا استخيري كده و شوفي هتعملي ايه

ايوه يا دعاء دكتوره عليه مجاهد دي اتنين من صحابي تابعوا عندها و بيقولوا كويسه و انتي شوفيبقى هي بتولد فين وايه اللي يناسبك

انا بقى بتابع مع دكتوره بس مش هولد معاها لانها غاليه ، بس دفعت فلوس المتابعه عشان كده هكمل معاها

دودى مجدى · 12-04-2011, 08:37 PM

اة دة هو انتى بتدفعى فلوس النتابعة كلها على بعض يا دينا اية النظام الغريب دة يعنى مش بالمرة طب وهتولدى عند مين

دودى مجدى · 12-04-2011, 08:38 PM

اسعارها اد اية الدكتورة الغالية دى يا دينا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM