دردشة حوامل دولة الجزائر- تجمع بنات الجزائر

[Assia]

تعيشي ياختي ربي يحفظك ويرزقك يارب يارب
راني والله ما نعرف والو في هذا الحوائج حتي باه نسقسي الي نعرفهم ما نبغيش خطراش حلفت بربي واحد لا يكون علبالو بهذا الحاجة غير اناوراجالي مي الحمد لله. اهوجابني ربي للبنات. لحلال ربي يفرج عليكم يارب

[شمس الجزائر]

اسيا انا راني منبيع منشري هههههههههههه راه سلفي عندو النخيل بزاااف وميبيعش فيه كان يرمية وبعد كي شاف الناس تجري عليه وتفركت عليه دواء ويشرو فيه ولا يمد فيه لله بصح مرتو راكي تعرفي طمع النسا باعت منو العام اللي فات بميتين الف وهاد العام تفاهمت معاه قتلو غيلر يطيح جيبلي منو راح نبعتو لصحاباتي قالي مكان حتى مشكل والا حبت مرتو تبيع درك نقلك بقداه

[AMAL JADID]

و عندي الفطر الهندي بعثتهولي رونق تعرفيها راهي هنايا في المنتدى ادعليها ربي يشافيها راهي مداتو لوجه الله ادعيلها ليها و لامها راهم مراض ربي يشافيهم
وبزاف رفدو بيها ادا نقدر نوصلهالك قوليلي كيفاش برك

[شمس الجزائر]

المشاركة الأصلية كتبت بواسطة assia

تعيشي ياختي ربي يحفظك ويرزقك يارب يارب
راني والله ما نعرف والو في هذا الحوائج حتي باه نسقسي الي نعرفهم ما نبغيش خطراش حلفت بربي واحد لا يكون علبالو بهذا الحاجة غير اناوراجالي مي الحمد لله. اهوجابني ربي للبنات. لحلال ربي يفرج عليكم يارب

رانا هنا خواتات اسيا اللي تعرف حاجة تعاون بيها اختها علاش تبخل واللي متعرف والو دعوة الخير تكفي في ظهر الغيب وربي يفرحنا ديما يارب ونسمعو خبار الخير على بعضانا

[Assia]

ماعليش هنا قالولي بلي 100غرام بربعمية الف المهم كانش ماكان راك تقوليلي وربي يعيشك
وانت ياختي امل الحاجة اللي شفتيها تفيد راك تخبرني
وهذا القسط الهندي وين يتباع وبشحال يتباع

[AMAL JADID]

هههههههههه شفتي شمس واعرين النسا الدراهم يهبلو هههههههههه

شوفي درك هادي هي الوصفا الي دارتها صحبتنا و تقدري تزيديلها و لا تديري وحدها احسن غداء الملكات 20 غ في رطل تاع العسل السدر و هدي خلطيهالو وحدها راهي ساعدتها بزاف في شهرها رفدت http://forum.hwaml.com/1744006-post12869.html

[شمس الجزائر]

امل غير الخير وش بيها رونق باش مريضة ربي يشافيها ويعافيها يارب مسكينة يا ترى وش راها دايرة هي مريضة وامها مريضو وعندها عيلة وولاد ربي يكون فعونها

[Assia]

ياختي ياك راكي هنا في دزاير وان شا الله ماتكونيش في الصحراء برك الباقي نقدر نجي والا مكانش دوك ناقرو الحل كبقات تبعثيلي المهم الحال ساهل المهم يكون كاين برك

[شمس الجزائر]

اسيا الا بعتلي سلفي برشة طلع نبعتلك منو مكان حتى مزية درك نحاول نقولو زووووووووووووووووووود فالكمية راه زاد العدد هههههههههه راه مسكين كيبخلنيش ان شاء الله نبعتل لكل وحدة تحتاج منو شوي

[AMAL JADID]

المشاركة الأصلية كتبت بواسطة Assia

ماعليش هنا قالولي بلي 100غرام بربعمية الف المهم كانش ماكان راك تقوليلي وربي يعيشك
وانت ياختي امل الحاجة اللي شفتيها تفيد راك تخبرني
وهذا القسط الهندي وين يتباع وبشحال يتباع

تلقاياه اعواد هو و تديبيه حطبا احسن و تغسليه تنشفيه و تطحنيه بالمهراس و ديريه في روبو احسن باش ميكسرلكش الروبو كيفي جيبي 600 دينار قيس 200 غ يكفيك متجيبيش الي في بوايط تاع 20 غ الاحسن الحطب
تلقاياه عند العطارين