** ليبيا زين علي زين ليبيا ورد وياسمين ** تجمع الليبيات

[أثري في مدادي]

تفضلوااااااااااااااااا

معاي

أني توا نستأذن خلاص عيوني بيتصكروااااااااااااااااااااااااااااا

[ام وسونة]

السلام عليكم

كيف حالكم وخياتي في الله ام فراس واوشي وجوهرة واثري وام اجنادين وام ورد وام معاد وهدية الخالق

ان شاءالله مانكونش نسيت حد

[sosolibya]

صباح الورد على أحلى وأغلى وردات...

اااااه ياقلبي نمووووووووووت في البراك اهههىىىىءءءءء سهفتوووووني... من رمضان ماذقتاش وانا نمووووت فيه .. خلاطري في كسكاس معبي ههههههه ...
امس حتى هو نكلم في شموسة قالتلي غاي براك...

يوم يللي روح بابا دارت ماما الغداء كسكسي عرس ههه وانا درت للعشاء خبزة ملفوفة وطاجين ممممم روعة ؟.

[sosolibya]

خخخخخخ صار تضحكي عليا يافروسة والله خاااااااايفة قريب نهبل ... حاشاك خالي شعره خفييييف لحد ما صار أصلع وخايفة تكون بتصيرلي وراثة

موقف مقرف ربي مايحطكم فيه .... قصدكم نقدر بروحي ناخد فيتامين من الصيدلية ..

ولو حد يعرف دكتور جلدية يقولي قصدي يكون كويس كويس مانبيش نتعب في المعاينة من واحد لواحد..

[sosolibya]

أثري بابا كان في فنلدا لمدة شهر...

ربي يرحم أبك ويجعل مثواه الجنة..


طبعا بابا جاب توب لمحمد و2 فالينيا لريم وليا أنا قطعة راااائعة (فالينيا قماشها كأنه شعر أو نمر أو ههه مش عارفة)
ولونها ظازرق كحلي..

وطبعا ياسبحان الله فرحنا بيهم هلللللللللللللللبة..


حتى أنا يا أثري بديت نفكر نبطل حمود لكن نقول لا مدام مقتنع ويبي يمشي وبنت سلفي وولد حماتي يمشو وهو متشجع خلي يمش مش مشكلة بس مش مغصبة عليه يعني كم من مرة جيت انوض فيه يقولي يا ماما بنرقد انقوله ماهوالمدرسة يقولي توا نمش العشيةنقوله هما بيمشو توا يقولي نبي نرقد اااااه يسخفني ونقوله خلاص نني .... يسخفنييييييييي

وتعرفو نهارها لما حكيته الموقف لإمتعيني قالولي لا هكي يتعود((( قداش اضايقت))

قلتلهم وكان تعود يعني هو أصلا مازال صغير عمره 3ونص ومازال العام الجاي قاعد روضه ويللي بعده مستمع ليش نضايق فيه من توا

يعني لو بنششدد عليه من توا مايجي وقت الدراسة الرسمية لين مايضايق ويروح الحماااااس متع القراية


بالرغم من اني من العام الفات كنت نحط فيه مرة مرة في الروضة
بس توا تغير الوضع وأنا قاعدة في الحوش مش نقرأ..


وعلى فكرة أنا صح قلبي يتقطع لما نلقى ولدي مضروب بس عمري ماعطيت الموضوع أكبر من قيمته يعني لو كان هولدي غالط خلاص نفهمه ولو كان مظلوم نفهم الطرف ألأخر ونكشخ عليه شوية .....

بس فيه أمهات والله حاالة تصدقو ولا ماتصدقوش من يمس حتى ولدها من الصغار تبدأ هي على كبرها تضرب فيه..


وبصفة عامة إن كان في حوش امتعيني ولا أهلى ولا عند والي

مانعدلش ونخلي الصغار يتعاركو ويتفاهمو براحم يعني مش نزود ونبدأ نحامي عليه ولا نكلم أمه ولا .... لا لا
لو جاني ولدي نرضيه وخلاص

ههههه وفي معظم الأحيان ولدي يضرب ههههه

[sosolibya]

المشاركة الأصلية كتبت بواسطة اوشي

الحمد لله علي سلامة بوك

الله يسلمك ياغالية

ومبروك الكنادر...

وزي ماقلتلك .. يعني بغض النظر عن تبذير ولا مش تبذير

أنا هكي سبحان الله ماعنديش عليهم

يعني لما نشوف حماتي وعض البنات يعشقوووووووووو الكنادر
بشكل رهيب يعني تاخد ب2 ومش بينهم فترة طويلة تاخد ثاني..

كان نقوللكم أخر وحدة خديتها في العيد وكانت كويسة مرييييحة طبية وأرضية وكانت ب20

نبي نعرف منكم أغلى كندرة خديتوها كم كان سعرها..


وكمان أغلى شنطة خذيتوها بقداش

نبي نقارن نفسي ....

[sosolibya]

........



أوشي هل تقصدي بالأوميقا تري
هو زيت كبد الحوت يللي في الصيدلية؟....


فروسة شن صار في حبوبك..

بصراحة بعد مافطمت ريم قررت اني نريح راسي من تخميم كل شهر ولبديت ناخد في حبوب

[sosolibya]

جيجي ياجيجي

حلوة لبستك في الإسبع بس صراحة ماعرفتش شنو هو القماش يللي قلتي عليه..

بس الباين حلو وهل تقصدي بالفوشي ( وردي أم برتقالي))

وقريبتكم هل هي زاوية أو طرابلسية ووويييين تسكن بالزبط بالك نعرفها هههههه

وبصراحة لمتكم في حوش بوك الغالي ااه تهبببببل بالرغم من أننا ديما نتلاقو مع حماوتي ولا خالاتي ولا بنات عمي
والله ماشاء الله ديما نتلاقو ونهدزو ونجيبو وناكلو ونحكو ونحنو وحتى الحلوى نديرو مع بعض عادي

بس أكيد ألأخوات غير

يارب نجيب بنات ويكون زي خواتي يااااارب...

ربي يحفظكم..


بس مفروض السفنز درتوه براحكم خخخخخخخخخخخ

نحنا والله ماشاء الله فالحي فيه ديما نديرو فيه .. تعالي نضيفوك .....

جيجي انت وين سكنتك بالزبط..

وراك تنسي الصور الحوش ياقمورة..




اوشي شن معناها قلتي (دليلة) لكن أنا صدقت سلفي
شن معناها دليلة.

[sosolibya]

بنات جايبين موضوع توا في التلفزيون

وزخلوني نسألكم بدون إحراج

هل تعاني من السلس البولي..


أه اليوم هبلتكم بالهدرزة وألأسئلة






..




سلامتكم خلى انوض نعول على روحي...


امس تعرفو ماخاطريش ندير غدي في ألأخي درت بكبوكي
لأن ألأسبوع يللي فات كله نشكل على خبزة محشية على بيتزا على طاجين على خبزة ملفوفة على ....

والله تهبل مستاحشينها ... درتها بالدجاج وطبعا في ألأخير لمستي ممممممم بسباس وبصل أخضر ..

[dr.loly]

المشاركة الأصلية كتبت بواسطة أثري في مدادي

بالنسبة للموضوع المطروح بخصوص
التعلق بالطفل
والرغبة في حمايته وعدم تأذيــــــــــــــــــــه
هو شعور غير خاطــــــــــــــــــــيء
وخاصة إن كان الطفل صغير
لم يبلغ الرابعة مثلا ~~~
ولكن
الأفضل أن يكون هذا الأمر باعتدال
كي لا نعتاد على دور المنقذ وبالتالي نطمس ملامح مقاومته
وكي لا يعتاد هو أيضا على جبهة الدفاع الجاهزة

عندما كنت معلمة روضة ولفترة طويلة
كنت أشجع استقلالية الطفل ومبكــــــــــــــــــــــــــــرا
ولكن ...............
حينما صار لدي طفل
اقتنعت أنه يحتاج لاستقلاليته
ولكن لايزال في الوقت متسع ،،،،
أدخلته لمدة أيام للروضة وعمره حينذاك ثلاث سنوات وشهرين ....
ثم اعدت النظر
واحتضنته ،،، وصار ينعم بالنوم إلى جواري

وبعد مضي عاااااااااااااام
شعرت أنه صار رجلا حــــــــــــــــــــــــــقا
وها هو الآن منطلق في روضته
ولكم اسعد حينما
أراقب عن كثب """" عركة مدايرها مع واحد من عيال فصله ~~~~
لأن ولدي مدلل من العائلتين ،،،
فصرت أخشى من هذا الدلال الزائد
فأريده أن
يحتك بالمجتع بلا طوق آمان
ويصطدم بمطبات الحياة

وأفرح أيضا عندما نعود إلى البيت
ويرضخ لكون لايوجد لدي نقود لأشتري لك اليوم أي شيء
طبعا
هذهأباه عنده نهاية العالم
كيف يطلب ابنه ولا يلبى طلبه !!!!
أما أنا فأريده
يتأقلم مع جميع الظروف
فأنا أؤيد الحرمان
وعدم الإغداق بقوووووووووووووة
وربي يحفظهم

كم عمر فروسي توا ؟؟؟

ياهلا بأثــري .. نورتينااا يافراشة الليل المضيئه ..
ههههه ضحكتيني ع الوااجب واخيرا كملتيه
وضحكتني الحبوبه دودي ومردها ماشاء الله أهم شئ أهم شئ انها بدت تمشي مع الحاجه هذه اول خطوات النجاح وامثابره في المشــي ..
وافضل تمرين لتعليم المشي هو انك تقعمزي وتوخري خطوتين وهي تلحقك بسرعه دام ان بدت تمشي مع الحاجات خلاص حتبدأ تتشجع وتلحقك لعند ماتحاول تخطي بروحهااا

عجبني الكلام فعلآ .. مشاابه لكلام زوجي وعن ان حيواجه الحياه ومطباتهااا
فروسي عمره سنة و 10 شهور هو صغير مازال بس نحن كبرناه بدري ياروووحي من الولي ههه

بس نا خايفه بعد انروحوااا ويتلاقي بعيال اعمامه وبنات اغلبهن لي في جيله مايعرفش يتعامل مع حد .. وبصراحه نبيه حتي يتعلم كلام لآن مازال مايتكلمش .. كلام مفهوم و واضح قصدي..
بس يفهم بالعيون والكلام وتواصلنا تمااام ..
خطوات تعليم الكلام كلهن متوفرات .. نهدرز معاه نا وبوه ديما يرد علينا بس بلهجته هههههه
نقراله في قصص ونعطي فيه قصص ع سنه ,, مازلت خطوة اللعب مع من من عمره
هذه لي في الحضانه يمكن يستفيد منهاااا .. توا عطله كرسمسهم لعند 6 1

مش عارفه مرات ننسحب لان بجد سقع الطلوع
وحاليا عنده كحه ليليه اليوم بنديرله طب عرب زيت زيتون باللبان المر