دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

اتفكرت عندي صاحبتي من فترة سالتني لو نعرف من يصمم مواقع
تبي موقع لصيدلية راجلها

[أم أجنادين 80]

طلعتي ياسوسو
اهئ اهئ اهئ
خليتيني بروحي

[sosolibya]

صباح الخييييييييييروالله قاعد وضعى ملخبط اخىىىىىىىىى استغفر الله وخلاص من الجو كيف بس شكله اليوم بارد وممكن يكون احلى بالله عليكم ادعو معى دعاء صادق من القلب اللهم أغثنا اللهم أغثنا بالغيث النافع يااااااااااااااااااارب

[dr.loly]

الســــلآم عليكم ورحمة الله وبركاته

[dr.loly]

الله يبارك فيكم اخواتي ام اجنادين وسوسو

[شموسه 88]

ام فراس

الف الحمدلله عل السلامه او مبروك البنوته ربي يحفظها لكي اويجعلها من حفظة القران
اوافتكيتي من العمليه
تعالي خشي احكيلنا تفصيل ولاتك

[شموسه 88]

سوسو حبيت انرد عليك في فكره المشروع زوجك
انا الحق نفسك عندي ثقه في زوجي بس ابصرحه البنات توا مالهنش امان تقعدي امصبيه امعاه اوهنا والله اعيونهن مااينزلهن
اويبدا سريب الضحك او تكليم بتليفون بحجه الشغل "انا منبش انخوفك بس والله هضا حال بنات توه"بس انتي ناقشي امعاه الموضوع قوليا البنات مالهنش امان اوكان مشروع مصيري بلنسبه له ماتلطش عليه بس خليكي امفتحه اعيونك 10 عل 10 ههههههههه

[شموسه 88]

نحكيلكم امس الحمد لله شرف ابو الشباب "ربي يحفظه وايخليه لنا" طبعا حضرت الحوش اوخليت كل شي تمام الافكره الغدا تاجلت لعشاء اصلا ماوصلش الاقريب الواحد اوحد اوجا متغدي في الطياره اوزينت الحوش كله بلعقود اوبالومات اوحضرت الصالون "المربوعه" حطية فيها طولت العشاء والشموع انا لبست بنطلون جبنز ازرق او بلوزه شيفون حمراء اولست لعيال اوطبعا لما شافنا ياروحي تاثر قعد يبكي
اوجابلنا هديا طبعاشوكلاطه اومكسرات او حلقوم"اصلا جاي عن طريق تركيا"
وانا جابلي بيجمات نوم حرير او اوفساتين نوم
اوبنطلون جينز اوتي شرتات
اوجاب لعيال امدسات اوبدالي اوفستين لشموسه صيفيه اوداخلي لعيال
اها جابلي عطر اسمه منفستو بس مازلت مافتحته اهو شكلا

[شموسه 88]

[dr.loly]

الله يبارك فيك شموسة والحمدلله تريحت من العمليه