دردشة حوامل مصر - دردشة بنات مصر - تجمع حوامل مصر ‏

[Om Rodina]

تسلمى ياسمسمة وجزاكم الله خيرا جميل ماشاء الله

[om arwa]

طب هكتبلك يا ام رودى تيدأى تأكليها ازى بالظبط
بس ثوانى هروح اعمل حاجات بسرعة فى المطبخ عشان الميا بتقطع عندنا كمان شية
واكتبلك بالتفصيل
واصلا كنت عايزة اكتب موضوع الاكل ده عشان فى ناس كتير بيبقوا مش عارفين يبدأا
ازاى
وياريت بجد ماتقعدوش تقولوا معلش هنتعبك الكلام ده
لانى بجد نفسى ربنا ينفعنى وينفع المسلمين باى علم اتعلمتة

[توتة السيد]

المشاركة الأصلية كتبت بواسطة rania negm

واحدة من طرف لولو فى المدينة كتبت على الفيس بوك :



أنا عرفت قبل مانروح التهجد انها يا حبيبتي عملوا الحادثه وهما رايحين مش وهما راجعين...كانوا راكبين عربيه جيمس وواخدين الكنبة اللي ورا يا عيني..يادوب بعد ماعدوا الميقات بحاجه بسيطه أتوبيس دخل فيهم من ورا وحصل اللي حصل..بس ان شاء الله هتبعث يو...م القيام ملبية على ما ماتت عليه وهي بتلبي...ربنا يرحمها يااااااارب ويقينا جميعا وأحبابنا مصارع السوء..وزوجها في المستشفى وعنده كسور في العمود الفقري وحالته صعبه بس هو مايعرفش انه حالته كده ربنا يتم شفاه على خير يارب ويصبره ويهون عليه...وهو دلوقتي واعي وعارف ياعيني اللي حصل ربنا يرحمها ويصبره ياااااارب يا رحمن يارحيم...وعرفنا انهم صلوا عليهم في الحرم امبارح بعد التراويح واتدفنوا في البقيع بفضل الله يعني بإذن الله هيشفعلها الرسول صلى الله عليه وسلم يوم القيامه...اللهم ارحمهما وأحسن خواتيمنا جميعا وأجرنا من موت الفجأة واكتب لنا الموت في بلد حبيبك صلى الله عليه وسلمsee more

يانور عيوني ياحبيبه قلبي في الجنه ونعيمها في الفردوس الاعلي

يااحلي واروع اخت وصديقة كنت بحب اناكف فيكي هتوحشيني

ياقلبي وربنا يشهد اننا بنحبك في الله نسال الله العلي القدير انه ينعم

علينا بفضله ويجمعنا تحت ظله يوم لا ظل الا ظله

يارب يشفي زوجك ويقوي ايمانه هو واهلك ياغالية

[Om Rodina]

خلاص بجد ربنا يجزيكى خير وينفع بعلمك المسلمات يارب
حتى لو مش هابقى فاعدة هاشوف كلامك واعمله باذن الله
ربنا يجزيك خير ويباركلنا فيك

[توتة السيد]

المشاركة الأصلية كتبت بواسطة rania negm

بالله عليكم بلاش تجددوا الأحزان

يا نهاد اصبرى واحتسبى ..

بلاش الكلام اللى يغضب ربنا يا جماعة


بلاش نقول كان نفسها وكانت عايزة وراحت وسابت الدنيا

دى نور عينى فى ذمة الله .. اللى هو جل وعلا أرحم بعبده من الأم بولدها

كلنا نحسن الظن بالله انها فى مكانة عالية أووووووووى

وكلنا نتجاوز الحزن ده . لأن الحياة موش هتقف لحد هنا

لولو موش هننساها ابداااا ولا عمرنا هننسى ندعيلها

لكن اتقوا الله فى كلامكم ... واحتسبوا اجر الصبر على المصيبة

الحمدلله الذى لا يحمد على مكروه سواه

والله يارانيا دايما لما حد يسالني لو حد عزيز عليكي مات علي حسن خاتمة

وكنتي مطمنه عليه في دار البقاء هتزعلي ولا لا كنت دايما ارد

اقول لا طبعا مش هزعل انا اهم حاجة اطمن عليه في دار الحق

لكن والله غصب عني صدمة كانت شديده عليا والفراق صعب

استغفر الله العلي العظيم


الله يقوي ايمانا ويصبرنا علي الفراق

[رنا خالد]

رانيا حبيت اشكرك علي ردك لكلامي ومعاكي حق انا مش لازم اسيب نفسي للحاله دي بس بصراحه قلبي واجعني علي بنت راحت في عز شبابها هي وملاك عنده شهور اصلي شفت ليه صور وكنت بحبه والله وبحبها اوي
بس ربنا اراد ولازم نستوعب كده وعسي ان تكرهوا شيئا وهو خير لكم
وده اكيد خير ليها لأنها ماتت ملبيه بلبس الاحرام في بلد حبيبي رسول الله
يعني في الجنه ونعيمها ان شاء الله
انتي عارفه والله يارانيا انا بقالي فتره بفكر في الموت وكنت بتخيل اني بعد الشر ممكن اخسر بنتي او اي حد قريب مني بعد الشر مع ان الموت مش شر
وكنت كمان حاسه بالذنب حاسه اني من ساعة ماخلفت وانا بقيت ملهيه اكتر مع البنت وشغل البيت عن الاول
وفجأة اسمع بخبر وفاء علياء ياااااااااااااااااه
حسيت انه انذار من ربنا اني التزم لأن الموت مالوش عمر
انا بدأ فعلا بالتغيير والحمد لله
يعني بقيت اكثر خشوعا في صلاتي من الاول
حتي لبسي هظبطه اكتر وبفكر في العبايات بشكل جدي
انا مش بلبس قصير انا كل لبسي تونيكات لحد الركبه علي بناطيل واسعه بس عايزه اغير اللبس ده
وكمان عايزه اعمل حاجات تحبب ربنا فيا وتثبتله اني بحبه
لأن الحب مش كلام الحب اقوال
ونويت والنية صادقه لوجه الله اني عمري ماهجيب سيرة حد مهما كان الا في الخير وهحاسب علي كل حرف بيخرج من لساني
تعالوا نعين بعض علي طاعة الله
يابنات احنا نظاف اوي من جوه الدنيا لسه ملوثتناش
نلحق روحنا ونقرب لربنا اكتر
ونظبط اخلاقنا لأن الدين مش عباده وبس
ياما ناس بتصلي وتصوم واخلاقها مش كويسه
عايزين نعبد ربنا علي اكمل وجه واخلاقنا برضه تبقي علي اكمل وجه
وشكرا ياراينا علي اهتمامك بحالتي النفسيه وكلامك اللي فرحني
ربنا يرحمك ياعلياء انتي وحبيب قلبي محمد يااختي في الله ويكرمك ويعزك يااااااااااااارب
واشوفك في الجنه لأني كان نفسي اوي اشوفك في الدنيا
قولوا امين

[توتة السيد]

معاكم كل الحق اللهم اعنا علي زكرك وشكرك وحسن عبادتك

نهاد ياقلبي ماتخفيش ملك هتكون بالف خير ياقلبي

الف سلامة عليها بالنسبة للنوم طول النهار فهو اصح من الرضاعة فعلا

ووزنها طبيعي يقل اول اسبوع ولا ده ماتخفيش ربنا يطمن قلبك

[رنا خالد]

الف سلامه علي بنتك يانهاد ماتخافيش انا الصفرا طولت مع لوجي
والوزن طبيعي انه بيقل اول اسبوع زي ماقالتلك توته
واكشفي عليها عشان تطمني

[جيرا]

المشاركة الأصلية كتبت بواسطة توتة السيد

انا كنت واخده تلت اجزاء 10
-12 بس للاسف لسه ماقرتش والله نور بتزن جامد اظاهر من الزعل اللبن غير وعملها مغص

مقريفة جدا

اقري جزء منهم ياجيرا وانا اكمل

ماشى ياتوته انا ابتديت من النهارده

[AyoyA]

الف سلامه على بنتك يا نهاد ان شاء الله تقوم بالسلامه بسرعه وتفرحى بيها وميحرمكيش منها ابدا
طول الليل بفكر فى علياء ومش عارفه انام مع انى مشفتهاش بس بتخيل شكلها فى الجنه ربنا يرحمها
يا جماعه حد يقولى اقرا معاكو القران يا سما اقرا الجزء التالت ولا لأ