دردشة حوامل مصر - دردشة بنات مصر - تجمع حوامل مصر ‏

[دودى مجدى]

ولا يهمك يا سمية خلاص ماشى باذن الله هقراو وجزاكى الله كل خير يا حبيبتى
تصبحى على خير

[Rania Negm]

والله قلبى بيرقص من الفرحة

يا نور عينى فى الجنة اللهم امين

ياعروسة الجنة

ان شاء الله يابنات هتبعث بملابس الاحرام

ونحتسبها عند الله من الشهداء ياااااااااااااااااارب انزلها منازل الشهداء
اعتقد اللى بيموت على سفر بيكون شهيد " موش متأكدة هدور فى الموضوع ده

وحبيبتى ددفنت فى البقيع وصلى عليها آلاااااااااااااااااف من الناس فى الحرم ماشاء الله لاقوة الا بالله

يا نور عينى ياحياة قلبى عزاؤنا انك فى الجنة تنعمين فيها يا حياة قلبى

[Rania Negm]

بنات قريتوا اللى كتبتوا عن زميلة عالية ؟

[somia]

ايوة يا روني قريناه ربنا يحسن ختامنا يا رب
والله فعلا فرحتي قلبي بموتتها الجميلة دي

[Rania Negm]

بنات اللى ضايفين لولو الله يرحمها على الفيس بوك

شوفوا الفيديوهات اللى حاطاها والادعية اللى كانت بتكتبها واعملولها شير واسمعوها

عشان تبقى فى ميزان حسناتها وتكون حسنات مستمرة بإذن الله كل ما نشوفها أو نسمعها

[Rania Negm]

بالله عليكم بلاش تجددوا الأحزان

يا نهاد اصبرى واحتسبى ..

بلاش الكلام اللى يغضب ربنا يا جماعة


بلاش نقول كان نفسها وكانت عايزة وراحت وسابت الدنيا

دى نور عينى فى ذمة الله .. اللى هو جل وعلا أرحم بعبده من الأم بولدها

كلنا نحسن الظن بالله انها فى مكانة عالية أووووووووى

وكلنا نتجاوز الحزن ده . لأن الحياة موش هتقف لحد هنا

لولو موش هننساها ابداااا ولا عمرنا هننسى ندعيلها

لكن اتقوا الله فى كلامكم ... واحتسبوا اجر الصبر على المصيبة

الحمدلله الذى لا يحمد على مكروه سواه

[Rania Negm]

ياااااااااااااا الله

بقالى تقريبا ربع ساعة بكتبلك يارنا

والكلام اتمسح

موش هعرف اقوله تانى مكانش كلام مرتب

[MALAK2010]

سبحان الله كل احلامى النهارده عنها وانها مصابه فى الحادثه بس كلامك يا رانيا عن صاحبتها والحادثه بتفاصيلها ضيع الامل تانى
الحمد لله على كل شئ اللهم رحمها ياااااااااااااارب واغفرلها

[Rania Negm]

المشاركة الأصلية كتبت بواسطة رنا خالد

والله ياام اروي انا زيك كده
بتخيل اني هدخل الاقيها بتكدب الخبر
وبتقول انها مجرد حادثه وانها بخير
كل اما اتخيل كمان ان ابنها الصغير اللي تعبت في ولادته وحمله مات
قلبي ينقبض ياتري هي احساسها ايه دلوقتي
هي يابنات ممكن تشوفه تاني ولا لحد يوم الدين هتتحرم منه كده
معلش اسئلتي غريبه بس مش متخيله انها بعد ماتعلقت بيه
تتحرم منه ومن كل الناس القريبين ليها
يارب عقلي هيشت
التفكير في الموت بقي مسيطر عليا جداااااااااااا
مش قادره اصدق انها لوحدها تحت التراب من غير جوزها وابنها
في عالم تاني بعيد عن العالم اللي اتعودت عليه
هون علينا يارب
ربنا يعزك ياعاليه
وجعل مسواكي الجنه ويعوض زوجك خير ويهون عليه ويشفيه
اميييييييييييييين

رنا حبيبتى هونى عليكى ياقلبى

الموت عشان نعتبر ونرجع فى اخطاءنا ونتوب لربنا

ليه انتى بتفكرى كدا ؟؟؟ ليه مكتئبة

يا جماعة انا قلقانة عليكو ونفسى اطمن انكوا استوعبتوا وبقيتوا كويسين

انا تخطيت مرحلة كبيرة وتماسكت

فرحت بحسن خاتمتها

وقلت يارب يكتبلنا زيها .. ولازم نسعى للخاتمة دى

يا رنا

لولو حبيبتى دلوقتى موش بتفكر فى حاجة ولا حاسة بحاجة غير بالنعيم اللى هى فيه

انتى مؤمنة ان الجنة حق والنار حق ؟؟؟

طيب عالية دلوقتى فى قبرها معاها شخص طيب الرائحة جميل الثياب حسن المظهر

ده عملها الصالح

عشان كدا بندعى ونقول اللهم اجعل عملها الصالح أنيسا لها فى قبرها

فالعبد المؤؤمن بيكون انيسه العمل الصالح فى القبر

ونحسبها كمان مفتوح لها على طوووووووووووول نظرها روضة من رياض الجنة

والعبد المؤؤمن من شدة سعادتة برؤية منزلته فى الجنة من وهو فى قبره بيقول لربه

ياربى أقم الساعة

نفسه يدخل جنته بئى

عالية دلوقتى فى ذمة الله بتنعم فى روضتها روضة الجنة اللى فى قبرها

والعبد المؤمن بيكون التوقيت بين وفاته وقيام الساعة كأنه بيصلى ركعتين فى الدنيا

احنا اللى حاسين بحرقة الفراق والحزن الرهيب

وهى فى منزلة تانية خالص بتتمنى ان حسناتها تزيد عشان تعلى منزلتها فى الجنة اكتر واكتر

وده دورنا

ويا حبيبة قلبى ليه الاكتئاب وليه متفكريش غير فى الموت ؟؟؟

متخافيش يارنا

طمنى قلبك بالقرآن

ألا بذكر الله تطمئن القلوب

يا رنووشة قلبى عمر ما كان التدين والالتزام كآبة ولاخوف

بالعكس

دى نعمة من ربنا انه فوقنا واحنا لسه على ظهر الدنيا

نلبس الحجاب الشرعى الجميل

نصلى بخشوع

نتصدق

نزور الايتام ونكفل اليتيم

نزور الاقارب ونصل الارحام

نقرأ القرأن ومنقطعش ابدااااااا

نستمتع بدنيتنا فى ظل طاعة الله

نفرح مع ازواجنا ومع ولادنا

ربنا ادانا الدنيا عشان ناخد منها على أد ما نقدر لآخرتنا

ربنا ما منعناش اننا نستمتع بدنيتنا ولكن متلهيناش عن عبادته

تعالوا نحب ربنا اووووووووووووووى

نقرب من ربنا ونحبه ونحلم بجنته وصحبة أمهات المؤمنين

ومحدش يحزن ولا يكتئب

عمرنا ما هننسى لولو نور عينى

بس لولو زعلانة

ايوة هى موش فارق معاها ولا دمعة ولا آه من اللى بنقولها

لولو عاوزة كلمة حلوة

عاوزة نقول اللهم اغفر لها وتجاوز عن سيئاتها وزد فى احسانها

عاوزة تعلى قدرها فى الجنة باستغفارنا ليها

عاوزة تزود نهرررررررررر من الحسنات بأننا نغير نفسنا ونبدأ حياة جديدة كلها طاعة وحب لله .. وطبعا ده فى يمزان حسناتها لأننا بنفتكر كل المواعظ الىل كانت بتقولها لينا

وافتكروا دايما ان أكبر مصيبة كانت فى الاسلام هى وفاة النبى صلى الله عليه وسلم

وأى شئ بعده يهووووووووووووون

يااااااااااااااااااارب اجمعنا بالنبى الكريم وامهات المؤمنين فى جنات النعيم

اتفقنا يارنا ؟؟؟؟

هنعيش حياتنا من غير اكتئاب ونفرح بولادنا وأزواجنا واهلنا ؟؟؟

بس من غير معصية لله

[MALAK2010]

انا كنت بفكر زيك كده يا رنا بس جوزى لما جه من الشغل قالى نفس كلام رانيا
بس اللى عوزينه انه اذا التزمنا بفعل حاجات معينه نداوم مش تلهينا الدنيا كالمعتاد وبعدها نفوق على لاقدر الله على حدث جديد
لان ربنا عطانا فرص علشان نغير من نفسنا وياعالم الدور الجاى على مين خلاص احنا شوفنا الموت اد ايه قريب يارب احسن خاتمتنا