دردشة بنات ليبيا , دردشة حوامل ليبيا , تجمع بنات ليبيا

[sosolibya]

البيتزا فى الكوشة وقاعدين نراجو فى تاج راسنا


وينكم اليوم غياب ملحوظ

[جوهرة ليبيا]

انا موجودة والامنكفيش؟؟؟؟؟؟؟؟

[sosolibya]

المشاركة الأصلية كتبت بواسطة جوهرة ليبيا

انا موجودة والامنكفيش؟؟؟؟؟؟؟؟

ولو العتب على النظر انتى تكفى وزيادة خخخخخخ

اهلين بك وكيف أحوالك

[sosolibya]

بنات تذكرو مرة لما تكلمت انا واثرى على الصالات

يعنى اعراس صالة

طبعا انا قلتلكم انى الحق مامشيتش
قبل لعرس فى الصالة لان اصلا اهالينا مايديروش فى اعراسهم فى الصالة ومرات معدودة جدا يمكن مرة او اثنين جانا عرس فى الصالة مامشيناش لان ماواتانيش
المهم نحكى انا وصاحبتى شوفو شن قالتلى

نمشى لعرس صالة ولا نمشى لعرس حوش عشان صارلها موقف فى عرس فى حوش لقت نقال من البلاكونة يصور

فقلتلها طيب ماهو حتى الصالة فيها تصوير

قالتلى بالعكس الصالة استر واحسن واضمن لان حتى الادارة تمنع التصوير وبالنسبة لتصوير الصالة عبارة فقط عن شؤريط بدون تسجيل والادارة لهم نساء

شنو رايككم

[اوشي]

المشاركة الأصلية كتبت بواسطة جوهرة ليبيا

اوشي بعد مانضت من عالاب توب امشيت اتريحت في سريري جنب الغوالي وقلت اذكاري والمعجزة اني
رقدددددددددددددددددددددددت
والله مانضت للفجر الا بسيف مش راقدة غير ساعة وربع تقريبا وكان مانضتش سلامتة راجلي حتي هو مش حينوض
لاني متكفله بتنويضة هههههه نومة ثقيل
وحتي عزوزتي لازم ترن علية خصوصا يوم الساهر او تاعب تعرفة صعب اينوض ربي يحفظها

كلمت عمتي توة حالها الحمد لله وخلتهم يعطوها دواء وكلت شوي يااااااااارب احفظها من كل شر الغالية

باهي باهي لا قوة الا بالله .... ذكرتيني بايام الحمل يقل النوم ويكثر دخول الحمام حشاك

ربي يعطيك الصحة ويجعلك قرة عين زوجك ويجعله قرة عين لك الله لا يفرق بينكم ويدوم الود

والمبة بينكم .. والحمدلله علي سلامتها عمتك ربي يطول في عمرها هي وخوها

المشاركة الأصلية كتبت بواسطة sosolibya

بنات تذكرو مرة لما تكلمت انا واثرى على الصالات

يعنى اعراس صالة

طبعا انا قلتلكم انى الحق مامشيتش
قبل لعرس فى الصالة لان اصلا اهالينا مايديروش فى اعراسهم فى الصالة ومرات معدودة جدا يمكن مرة او اثنين جانا عرس فى الصالة مامشيناش لان ماواتانيش
المهم نحكى انا وصاحبتى شوفو شن قالتلى

نمشى لعرس صالة ولا نمشى لعرس حوش عشان صارلها موقف فى عرس فى حوش لقت نقال من البلاكونة يصور

فقلتلها طيب ماهو حتى الصالة فيها تصوير

قالتلى بالعكس الصالة استر واحسن واضمن لان حتى الادارة تمنع التصوير وبالنسبة لتصوير الصالة عبارة فقط عن شؤريط بدون تسجيل والادارة لهم نساء

شنو رايككم

والله حتى انا مشي بس مرتين لا فراح الصالات ..... وسوا صالة او حوش الوحدة لازم

تكون امفتحة عيونها ولابسة مستور

هذا رايي

[جوهرة ليبيا]

الحمد لله بخير
تو في طرابلس ناس تنعد عالاصابع اللي ميديروش في الصالة
وعرس الولد بالذات الاغلب في الحوش
انا مثلا امشيت للصالة مرة بس وانا بنت ومرة متزوجة لكن صالات محترمة لامنظومة ولالبس عريان
وصاحبة الصاله اتكون موجودة طول العرس والكل مرتاحلها والصاله حل كبير للناس اصحب الشقق واللي حياشهم ضيقة وغيرها
لكن لو الناس كلها تختار صالات محترمة ومن غير منظومة كان الناس كلها تمشي
وفعلا الصالة استر من الحوش في عدة حاجات وكان عالتصوير ممكن اطيحي في حشاكم بنت مش متربية اتصورك حتي لو لابسة مستور وماشية محترمة فالانسان ايحصن نفسة قبل مايمشي ويتوكل علي الله

[اوشي]

بنات كيف حالكم اليوم ........

انا دايرة غداي فاصوليا بلحيمة وطنية وجنبها مخلل وسلاطة مش مقرضتها

بنخليها ورق وانحط شرائح خيار وجزر وطماطم ونديرلهم تتبيلة زيت الزيون

والتوم واخل والليمون

[جوهرة ليبيا]

باهي باهي لا قوة الا بالله .... ذكرتيني بايام الحمل يقل النوم ويكثر دخول الحمام حشاك

ربي يعطيك الصحة ويجعلك قرة عين زوجك ويجعله قرة عين لك الله لا يفرق بينكم ويدوم الود

والمبة بينكم .. والحمدلله علي سلامتها عمتك ربي يطول في عمرها هي وخوها








الله لايحرمني منك ومن دعواتك الحلوة يااااارب
كيف حالك وحال الصغار وبوهم ان شاء الله بالف خير يارب

[اوشي]

توة اسمحولي ياحلوين بنمشي نوتي السفرة توأم روحي قريب يجي

[ام معاد]

السﻻم عليكم اني زوجي روح امبارح من تونس ورجع سالم غانم والحمد لله