دردشة بنات ليبيا , دردشة حوامل ليبيا , تجمع بنات ليبيا

[أم أجنادين 80]

هههههههه مدايرتها سبلة اسطوانة الغاز حتي مااطيبيش
انا من امس مخاطريش انطيب
درت مكرونة شعيرية بالصلصة ولحم مقلي وزبيب زي رز بلاو درتها طلعت اتجنن
وخبيزة محشية كلينا الخبيزة وقعدت المكرونة خليتها غدانا اليوم
مخاطريش انطيب
شوية وبنوض اندير كيكة اقل شي يروح يلقاني امدايرة حاجة

[sosolibya]

صحة الحنة صار غششاتك زى المرة الفاتت

شنو هده الجاهزة كوبسة زعمة ولافيها الشيح انا نتحسس منه

انا توا شارية 2 باكو تاج من صالة سماح

وداسى قشور الرمان فى الفريز بنعجن بيهم

خخخخخخخ قتلكم سر مرت خالى

[sosolibya]

عيب عليك مش قصضة سبلة لكن مافيش حل

حتى كان هو موجود راهو درنا جو فى البصور مكرونة على الحطب

لكن يللا كان ارتحنا مرة

عيت وانا ندير فى كسكسى عرس \
وطبيخة نفاس خخخخخخخخخخخخخخخخخ

[أم أجنادين 80]

عندي طرف سنيكرز في الثلاجة من بكري انقاوم منبيش ناكلها
صحيتي صحيتي
ابعثي طريف بكلاوة ههههه علي اساس منبيش ناكل حلو بس مش ديمة بنحصله مع سوسو
الجمعة طلعت خديت شوية ملابس شتوية استعداد للشتاء هههههه

[أم أجنادين 80]

ويــــــــــــنك امل
غطستي ,,,,
واحنا فرحنا الصفحات بدوا يزيدوا

[sosolibya]

كان راجلى قاللى باهى
بنمشى للزيارة بعدين
خالتى راقدة بولدها فى المستشفى
عنده ملاريا فى البول حاشاكن

[أم أجنادين 80]

ان شاء الله الف لاباس علي وليد خالتك

[sosolibya]

خليه العشية كوليه مع القهوة

لمن انا والله خلاص
من التفكير فيها نحس فى روحى دخت وجانى هبوط

بنمشى ناكل طرف وخلاص

[sosolibya]

سلمك

اسمعى قتلك

صالة سماح اكيد نفسها لجنب جامع السلام تره اوصفيها يللى تعرفيها انتى

[sosolibya]

نهارها فتنا من جنبها صالة عبد المهيمن يللى قلتيلى عليها

شكلها حلوة توا بنمشولها ان شاء الله

انا اولامس مشيت للشارقة اخديت كبوط وقفطان حلو وراقى 3 قطع لريم
وفستان بالنالة

وفالينيا وسروال نوم لحمود

جايينا هلبة عراس ماشاء الله