دردشة حوامل مصر - دردشة بنات مصر - تجمع حوامل مصر ‏

رنا خالد · 08-13-2011, 03:59 AM

جوجو ازيك ياعسل والله وحشاني اووووووووووووي
اه انا كنت عند ماما اصلي كل شهر بروح اقعد معاهم كام يوم كده وساعات اسبوع
عشان بيوحشوني اوي وكمان عشان انا واحمد نشتاق لبعض اكتر ومانملش
وحشتوني كلكم والله عاملين ايه بقي ياتري ؟

om arwa · 08-13-2011, 04:07 AM

اقتباس:

المشاركة الأصلية كتبت بواسطة أم إياد

ماهو اللي حصل بقى
بصي انا كنت حاكية للبنات امبارح تفاصيل الموضوع بالظبط هنا
المغص الكلوي اللي اشكيت منه من شوية زاد اوي
عملت صورة بول
الصديد 70 وانتي عارفة النورمال لحد 5
والاملاح عاااااالية والزلال متوسط

فاسم الله عليه كتبلي امبيسيللين 500 كبسولتين بعد الفطار واتنين بعد السحور
كده من غير مزارع ولا حاجة
مااكتشفتش موضوع المزرعة الا لما كلمت دكتورة كده اعرفها
وكاتبلي كمان على دوا اسمة ماكروفيوران
الدكتورة قالت انه مايتخدش في الشهر الاخير
وهو اصلا مكتوب عليه كده
(يمنع استخدامه في الشهر الاخير يسبب انيميا حادة وتكسر لحديثي الولادة)
دا اللي خلاني اكلمها اصلا

المهم انا وقفت العلاج ده دلوقتي
خصوصا ان المضاد الحيوي ده قالتلي ماينفعش يتاخد كبسولتين مرتين في اليوم
دا مفعولة يستمر 6 ساعات بس
يعني لازم آخده على مدار اليوم 4مرات
يعني مافييييييييش صيام
اما بقى لو هاصوم فالمفروض اغيره وآخد حاجة مفعولها بيستمر 12ساعة

بأقولك ينفع اغير المضاد الحيوي بعد ماخدت منه؟؟؟؟؟
انا خدت كبسولتين 500 مع بعض في سحور امبارح ووقفته دلوقتي

اه طبعا ينفع تاخدى نوع تانى خلاص مادام باداتية خلاص كدة المزرعة مش هتنفع بعد ما بداتى المضاد
خدى نوع تانى وعيدى التحليل بعد ماتخهلص
ازاى النسبة 70 ومايطلبش مزرعة
عند رايى ماتولديش عند الدكتور ده بقى هاه

ام انس المصريه · 08-13-2011, 04:13 AM

وحشتووونى يامقاريض

وحشتيينى يابت يارنا انا مش معاكى انك تسيبى جوزك اسبوع كده تعملى له فراغ فى حياته

ليه اصلا تملو من بعض طالما الحب بينكم موجود

وبعدين مفيش احلى من ان البوز يبقى فى البوز والنكاف شغال ههههههههههههههههه

انا وجوزى توم وجيرى عمرنا مانرتاح الا لما ابقى انا الفار اللى بيعمل المقالب وهو القط اللى بيضرب الفار ههههههههههههههههه

gogo · 08-13-2011, 04:18 AM

هههههههههههه رنا شوق ايه الى بيتجدد سايبه الراجل ف رمضان يأكل نفسه وتقوليلى شوق ده كل ما يفتح علبه تونه هيفتكرك

Rania Negm · 08-13-2011, 04:19 AM

أم العزومة اللى جابتلى الهسهس دى

بصوا انا بدأت استهبل وأكسل لما لاقيت الموضوع دخل فى الجد

فاختزلت المينيو

هنزلها كاملة الاول :

الطبق الرئيسى محشى كرنب

صينية مسقعة باللحمة

صينية بطاطس محشية لحمة مفرومة

اللحوم : فراخ محمرة ولحمة فى البامية وكفتة مشوية

ملوخية وبامية ورز بشعرية

المقبلات : سمبوسة الجبنة وقطايف باللحمة وجلاش بالسوسيس

وطبعا سلاطة خضرا ومخلل وشوربة

حسيت بقى إنى راحة المولد وفى هيصة

حاسة بامية وملوخية كتير مع الجو ده .. خصوصا ان لما المحشى بيتواجد ومع محاريم أكل بيتى أكيد هيتنسف وهتدلق اطباق الطبيخ

بفكر أعمل بامية بس عشان ارمى جواها اللحمة ,, وهبابة رز صغنتتة فى الطبق بتاع كل ضيف

وبالنسبة لصينيتين المسقعة والبطاطس المحشية هختار واحدة منهم بس

هااااااااااااااااااااااااااااا ؟؟؟ ينفع ؟؟؟

عاوزة رد سريع

ولو اخترت واحدة بس شو أعمل منهم ؟؟؟؟

إنجاز ياحلوة انتى وهيا وردوا عليا يلا بئى مشغولة موووووووووووووووت يا جدعان

gogo · 08-13-2011, 04:21 AM

اعملى صنيه البطاطس احلى من المسقعه

gogo · 08-13-2011, 04:22 AM

شيماء عامله ايه وانوس ايه اخباره

Rania Negm · 08-13-2011, 04:22 AM

عااااااااااااااااااااااااااااااااااا أنا عاوزة ارجع فى كلااااااااااااااااااااااااامى موش عاوزة أعزم

Rania Negm · 08-13-2011, 04:23 AM

ياعنى يابت يا جوجو لو لغيت البلوووخية وصينية المسقعة عادى كدا الاكل شكله محترم ولا ايش ؟؟؟؟؟

gogo · 08-13-2011, 04:25 AM

اه طبعا يابنتى شكله محترم ده كتير كمان هى فعلا الملوخيه والمسقعه ملهمش لزمه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تعالوا شوفوا ازواج منتدى حوامل جبتها لكم وانا قدهاا	فداك عمري يازوجي	ملتقى عضوات حوامل	22	10-19-2011 10:02 PM
مشدات حوامل,ازياء حوامل,احذية حوامل موضة 2010	ايلاف	الموضة و الجمال	12	05-19-2011 11:50 PM
لكل حوامل التوائم ضرووووووري تعالوا هنا	أم الحلوات	منتدى أنواع الحمل	8	12-01-2010 01:31 AM
حوامل الشهر التاسع تعالوا حبايبي	الأمل الساطع	إستفسارات حوامل من الشهر السابع إلى الشهر التاسع	1	09-22-2010 08:12 PM