دردشة حوامل مصر - دردشة بنات مصر - تجمع حوامل مصر ‏

[أم إياد]

والله العظيم احنا الاتنين منكدين على بعض
مش عارفة كل الحاجات بتيجي مرة واحدة كده تلاقي كل حاجة اتغيرت
امبارح كنا رايحين الشرقية وقلنا نعدي ناخد نتيجة التحليل قبل مانروح وابقى اوريها للدكتور بعد يومين لما نرجع
ماكنتش متوقعة نتيجته كده
ف واحنا في الطريق بابص ع النتيجة اتصدمت وعيطت وهو اتضايق واتنرفز عليا وزهق عليا كنت باقوله بلاش نقعد يومين خليهم واحد بس عشان نيجي للدكتور نشوف هيقول ايه وهآخد علاج ولا ايه
زهق عليا وحلف لنرجع بعد ماكنا وصلنا نص الطريق
وبعدين قلتله احنا قربنا خلاص ومستنيينا كده يقلقوا
قعد يقول انا اللي اقرر نيجي ولا نروح
وما اعرفش ايه اللي حصل بقى صوته أد كده
كان عملت جريمة
وفعلا رجعنا وبعد 10 دقايق تاني لقيته بيقول انا راجع البلد تاني انا مش طايق نفسي ومش هاطيق نقعد في الشقة لوحدنا اليومين دول
كل ده وانا سااااااااااكتة ومستحملة ودموعي على خدي تصب
وكل مايبصلي يزهق بتعيطي لييييييييييه

وصلنا الظهر وقعدنا للفطار وصلى العشا ونص التراويح ورجعنا تاني على هنا لحقنا الدكتور الساعة 11ونص

وبسسسسسسسسسسس
انا زعلانة جدا من موضوع الدكتور والتعب
كمان من رد فعل جوزي
فالامور مش متظبطة خالص معايا
سبحان الله مع ان في رمضان يعني ومافيش شياطين

دعواتكم بالله عليكم

[أم إياد]

اتفضلي يالولو ياحبيبتي
وبوسيلي محمد

رنوش ماتزعليش مني بقى
مش قصدي اطنش والله
معلش اعذروني جت كده كان نفسي اتكلم معاكم في ظروف احسن
لما تدخلي تاني اكون نفسيتي اتعدلت شوية
ونتكلم كتيييييييييير

دوشتكم انا يابنات معايا النهاردة
معلش استحملوني ويارب مااشوف في حد فيكم ضيقة ابدا
تصبحوا على خير

[dr.princess]

معلشى يا ايه تلاقيه هو كماان قلقان ربنا يطمن قلبكم وتقومى انتى والنونو بالسلامة ان شاء الله

[dr.princess]

محمد نام شوية وانا بكلمكم وعلى ما جيت انام لقيته صحى

[رنا خالد]

صباح الخير
ياخساره مش موجودين كالعاده يابنات

[ام انس المصريه]

المشاركة الأصلية كتبت بواسطة أم إياد

جوجو تسلميلي ياحبيبتي
ربنا يخليكي
معلش ماخدتش بالي من الرد اصل بصراحة عيني وارمة من العياط مش عارفة اشوف كويس
انتي اخبارك ايه؟

رانيااااااااااااااا وحشتيني يابنتي
فييييييييييييييييينك؟؟
أخبارك ايه وازي حمبوزو؟

فى ايه يابنتى بتعيطى ليه بس

ربنا ميجبش عياط يارب

هذاكر لسه كتير على مااعرف انتى زعلانه ليه

وبعدين يابت سلمى امرك لله ربنا مفيش ارحم منه ولا احن منه

[ام انس المصريه]

المشاركة الأصلية كتبت بواسطة أم إياد

لااااااااااا ياتوتة ماتقوليش كده
بالعكس انا نفسي احس ان حد بجد خايف عليا
كل شوية اتخدع
بجد انتم اخواتي وربنا يعلم معزتكم كلكم عندي
وأد ايه بأستريح معاكم

وكل البنات قريت ردودكم وعارفة انكم خايفين عليا
عشان كده انا باحكيلكم واستشيركم
والله العظيم بغض النظر عن حرقة الدم اللي الراجل دا عاملهالي بس انتوا هونتوا عليا كتييييييييييير
كفاية احساس ان حد خايف عليا وشايل همي
ربنا يخليكم يابنات
ويرزقكم بالسعادة ويكرمكم في حياتكم ويديكم كل اللي تتمنوه

ايه انا فهمت انك عامله تحليل

تحليل ايه وبتعيطى ليه انا مش فاهمه حاجه خالص رجعت صفحات كتير ومش فاهمه فى ايه بالظبط

طمنينى عليكى الله يكرمك

وبعدين هو جوزك طلع من عينة جوزى الرجاله دول نعمل فيهم ايه بسسسسس

ربنا يسامحك ياعماد يابن حميده

ويسامححك ياجوز ايه

وربنا يهديهم يارب لسه والله ونا رايحه اقيس الضغط امبارح معيطنى فى السكه لما قهرنى والنهارده الصبح بقوله ياعماد هات لى عبايتين بيتى حلوين كده اتنفس فيهم

يالهوووووووى كانى قلت له هات لى دهبببب

عمل لى نصيبه وقالى دولابك هيقع من كتر الهدوم قلت له موضتهم راحت وبقو ديقين قالى داقو عشان بطنك كبيره لما تولدى هيدخلو فيكى

وقعد يغلط ويشتم ونا قعدت اعيطططططط

ويقولى روحى موتى عيطى كمان يارب ضغطك يبقى 160

شايفين

بس اعمل ايه ربنا يهديه

[ام انس المصريه]

المشاركة الأصلية كتبت بواسطة أم إياد

ما هو قالي لو هاصوم يبقى المضاد بدل كبسولة كل 6ساعات
هيبقى كبسولتين مرة في الفطار ومرة السحور
ولو هافطر يبقى كبسولة كل 6ساعات
والادوية التانية واحد كل 8ساعات

وقالي اني يستحسن افطر عشان محتاجة مية كتير في موضوع الصديد والاملاح والزلال ده
خصوصا اني باعرق كتيييييييييير
ومافيش مية بتقعد في جسمس بقالي 3اسابيع اصحى الاقي المخدة والملاية غرقانين عرق

بس انا مش هاين عليا افطر في رمضان
في حديث ما معناه
صيام يوم رمضان لا يعوض
ولا يعادله تعويضه بصيام اي يوم آخر اجره ابدا

وانا بصراحة ماصدقت اول رمضان يعدي عليا في حياتي يكون مش هافطر فيه
دايما كان يضيع 6 او 7 ايام عشان البتاعة

مكتوب عليا يعني افطرهم برضه!!

الف سلامه عليكى يا ايه شفاكى الله وعفاكى فهمت انا عندك ايه دلوقتى

معلش ياحبيبتى ربنا يعافينا جميعا ويرفع البلاء والمرض عننا

والحمد لله على كل حال احنا احسن من غيرنا وربنا ارحم الراحمين واكرم الاكرمين

ولازم يكون عندنا حسن ظن فى الله وانك تعلمى علم اليقين ان ربنا مش هيخذلك ولا هيضيعك احنا اه بشرررر بس مش اى بشر احنا من امة النبى صلى الله عليه وسلم ولينا رب كريم ورحيم لما نلجا له فى اى وقت بنلاقيه وبيستجيب لنا

ربنا يكمل حملى وحملك على خير ويرزقنا الذريه الصالحه يارب

[ام انس المصريه]

البت نهاد اخبارها ايه ياترى

عملت ايه عند الدكتور امبارح

ربنا معانا كلنا ويجيب لنا ساعه سهله ياااااااااااااارب

[ام انس المصريه]

اول مره من 30 سنه رمضان مبارك من غير مبارك.. شهر إحسان من غير سوزان.. كله فرح وسرور من غير فتحى سرور.. نأكل بط و وز من غير عز.. وكنافة وزبيب من غير حبيب.. وصيام حلال من غير جمال.. وسحور خفيف من غير نظيف..