دردشة بنات ليبيا , دردشة حوامل ليبيا , تجمع بنات ليبيا

[ام معاد]

السلام عليكم كيف حال الجميع طبعا اني خاشة بسرعة لان صغاري مرررررررضا هللبة وماشفتش نوم اكويس من يوم الخميس المهم شن حالكم وشن اخباركم ومرحبتين بالضيوووووف الجدد ويلريت ايعرفونا علي انفسهم اكويس ماب وابتسامة الصباح ربي يعينك علي الغربة انت وين مقيمة

[ام معاد]

اختي اثري ماشاء الله الله يبارك عليك برنامج مية مية وكان فيه تريكينة قولي لحفيداتكم ايفضوهالي خخخخخخخخخخخ والله نتمني انكون معاهم مش لاني مانعرف شي لكن مادابيه الواحد يتعلم وخصوصا في حاجات زي هادي
وتوا سلالالالالالالالالالالالالالالالالامي للجميع

[أم أجنادين 80]

الـــــــــسلام علــــــيكم

من وجهة نظري ياأثري انك لازم تجسي نبضهم قبل اليوم الأول لازم يكون فيه نقاش
و طبعاً تكوني مجهزة أسئلة معينة في مختلف المواضيع يلي ذكرتيها واهمها الزواج والغسل والطهارة .... الخ .
حتي تعرفي معلومات كل وحده منهم لانك زي ماتعرفي البنات في السن هذه يدردشوا مع صاحباتهم
وخصوصا في سنهم في هلبة متزوجات فكل وحده بتحكي علي تجربتها وقصتها واحيانا حتي
أمورها الزوجية الخاصة جدا والبعض ليس له مصداقية ممكن تزيد شوية أو تنقص
او اصلا تكون فاهمة غلط ومفيش حد من اهلها نصحها فلازم تاخدي بالك من النقطه هذه ..
" تصحيح جميع معلوماتهم الخاطئة " بالإضافة الي تنبيههم الي عدم افشاء اسرار بيت الزوجية الي اي صديقة مهما كانت قريبة منهم ,,
وتفهميهم كل وحده بتعيش تجربتها الخاصة مش لازم يصير معاها زي ماصار مع صاحبتها او خالتها او عمتها وحياتها بتكون مستقلة عن بيت اهلها ولا تحاول انها تشبه حياتها بحياة
أمها وبوها بس تاخد الأشياء الايجابية فقط ولو في اخطاء في حياة امها وبوها تحاول
تتفاداها في حياتها ,,
بالاضافة الي ان كل راجل يختلف عن الثاني لاتحاول ترسم في مخيلتها صورة زوجها او
حياتها يعني زوجها مش زي زوج صاحبتها ولا حالتها الاجتماعية زي صاحبتها
ولا الكلام يلي نقروه في النت كله راح يصير منه الحياة الزوجية فيها ايام حلوة , وأيام صعبة
, وأيام رومانسية , ومش كل الأزواج رومانسيين انا عارفة كل البنات يحلموا
بالفارس علي حصان ابيض وهيا تكون سندريلا ,,
لازم تفهميهم ان الواقع مش هكي ..
بس كل وحده بذكائها تقدر مرة مرة ادير لقطات رومانسية و تهديله هدية
فحتي لو كان الزوج مش من النوع هدا تدريجيا راح يتعلم ,,,
كل يلي نبي نوصلهولك أثري ماتبديش من الصفر مع البنات حاولي تعرفي طباع كل وحده
والاخطاء يلي ترتكب فيها وتنبهيها في مرات يلي تكون عصبية
وتحب تكون هيا المسيطرة علي الزوج وهدا غلط " يعني تصقلي كل وحده منهم,,,,"
تقدري تعطيهم كتاب كل يوم تقراه وحده الي غاية موعدكم القادم
وبعدين تتناقشوا فيه ,,او تكوني مجهزة موضوعك في ورقة ,,
ونفس الشي ينطبق علي الطبخ اكيد انت عارفة تطييب كل وحده منهم
فاعطيهم ملاحظات علي اخطائهم في الطبخ وبعدين وسعيلهم خبرتهم باكلات او وصفات جديدة ,,,
اما الامور الدينية بالذات اشريحلهم من البداية وبالتفصيل ,,,
والمكياج والتسريحات لااعتقد ان البنات الوقت مكفيين وموفيين في الامور هذه ,,,

" مجــــــــــــرد وجهة نظر "

[أم أجنادين 80]

ولو فيه امكانية اثري
تنزلي كل دروسك هنايا خصوصا الأمور يلي تخص الزوج واجبات الزوجه ناحية الزوج
مايجوز ومالا يجوز في العلاقة الخاصة بين الزوجين ,, وطرق التعامل مع اهل الزوج
وطهارة المراة من الالف الي الياء ,,,
حابة نستفيد ولو عندي اخطاء نصلحها
واكيد كل البنات راح يستفيدوا ,,

[أم أجنادين 80]

وعندي ليك اقتراح ثاني ,,
تقدري تنزلي أسئلة عن الزوج والحياة الزوجية هنايا في الدردشة وتجمعيلهم كل الاجابات
حتي تاكديلهم كلامك ان الحياة الزوجية تختلف من بيت الي آخر بناء علي اجابات البنات المختلفة ,,
ملاحظة : قريب انقولك سجلي دروسك فيديو ا هههههه

[أم أجنادين 80]

يابنات امس مشينا لطرابلس تغدينا في مطعم تركي في زاوية الدهماني
وبعدين مشينا لشارع اول سبتمبر سابقا مش عارفة شن اسمه توا " 17 فبراير " ممكن
المهم مشيت لمحل الاقصي للعبيات عباياته روعه بس غاليات نبي وحده عملية
ب اقل من 100 ماالقيتش روحت بخفي حنين ..
شن تنصحوني ناخدعباية توا ولا معادش وقتها انا نبي نمشي فيها للعمل لان عبايتي القديمة
بدت ضيقة عليا الحق ومخصرة موضحة جسمي ,, شن تنصحوني ناخد ولا ناجلها الصيف الجاي كان شخر ربي

[ابتسامة الصباح]

صحيتي ياام معاد انشاء الله ربي يهون واني مقيمة في ماليزيا في كوالالمبور ليا عشرة شهور يعني من لما تزوجت جئت طول زوجي يشتغل دكتور قلب ليه في ماليزيا سبعة سنين لكن انشاء الله معاش مطولين هلبة استاحشت ليبيا ما فيش أحسن من بلادك كدب عليك

[أم أجنادين 80]

اهلا بيك ابتسامة الصباح
نورتي دردشتنا
وان شاء الله تنوري بلادك عن قريب

[ام معاد]

اهلين بيك حبيبة ابتسامة الصباح اني عكسك صح صعبة الغربة وكدا لكن علي خاطر زوزي نتحمل ونتمي منربي ان زوزي يطلع ايفاده مش لان سفر البرا وجو لالالالا لكن نتمني انشوف زوزي مكمل تخصصه ، فاانت تحملي مافيش حاجة في هالدنيا ساهلة

[ام معاد]

ها وينكم بنتي رقدت عندي فترة نقاهة توا