مشكلة مولودتي ارجوا المساعدة....

[شموسه]

مااااااااااااي غريب

تعاني من الغازات

ورقيهاا ودهنيها بزيت زيتون

[ليتني]

ماء غريب وايد زين
حبيبتي عادي الطفل الرضيع يعاني من الغازات لا تخافي
حاولي كمان تخلي رضاعته كل ساعتين احسن وكمان بعد كل رضعه لازم تجشيها عشان ترتاح وكمان دلكي بطنها بزيت فاتر واليانسون زين بعد
ومثل ماقالت اختي روز النعناع زين
وخليها ترقد على بطنها شووي وسوي لها تمارين برجلها على خفيف مو تعوريها
يعني خدي رجلها واثنيها على فوق
اتمنى اكون افدتج لان حاسه بمعاناتج حسيتها مع بنتي من قبل

[ام اسكندر]

يالغلا مش كل ما يبكي الطفل نوديه للدكتور
خلاص يالغالية ايام الراحة كملت والله يعينك
ترى الام لها الاجر والجزاء والجنة لصبرها ع كل السهر والتعب ذا

وبشكل عام الطفل ما يبدأ يهدأ الا بعد الاربعين
يتحسن الوضع مو يهدأ بالمرة

بعطيكي نصايح تخفف الوضع ان شاء الله

بالنسبة للغازات اللي مسببتلها المغص:
-التكريع ( التجشأ ) بعد الرضاعة لين يطلع هواء من حلقها
-بأي وقت تكوني فاضية خذيها وحطيها ع بطنها
خليها تنام ع بطنها في الاوقات اللي انتي امامها لا تغيبي عنها عشان ماتنكتم لاقدر الله
هيا في البداية تتضايق وماتعرف تبعد وجهها وتنكتم بس يوم ورا يوم حتتعلم
- في اعشاب كثير يمدحوها للمغص زي الكمون واليانسون والبابونج
- لاتعطيها حليب صناعي مؤقتآ .. واذا ودك تتعود ع الرضاعة اشفطي من صدرك للرضاعة بعد تعقيم الرضاعة بمويا مغلية من غير صابون
- اذا كل ذا مانفع خذي قطرات للمغص من الصيدلية عطيها نقطتين فقط
- ماء غريب لاتزيديه عن ملعقة صغيرة في اليوم
- نظمي الرضاعة كل ساعتين .. اذا كانت تبكي جيعانة خلي الرضاعة كل ساعة واحدة ع بال تتنظم بعدا كل ساعتين .. وألهيها مابين الساعتين بوضعها ع بطنها والتطبيب ع ظهرها
والله يهدأها لك