السلام عليكم ورحمةالله وبركاته
ارجوا مساعدتي بارائكم....
انا ارمله وام لولد عمره سنتين ...وزوجي له من يوم توفى 9شهور
واهل زوجي سوولي مشاكل واتهموني انا واهلي انه السبب في موته
لانه حرق نفسه وكنا انا وهو متزاعلين لاسباب بسيطه وكان يجهز البيت في نفس اليوم الي اتحرق فيه سارت مشكله بينه وبين اهله لانهم جو من ديرتهم وكان مستني ابوه يجي يصالح بينناولمن جاء ابوه قاله روح دبر حالك اشتري اغراض البيت الناقصهوزوجي الله يرحمه موظف حارس امن وعليه ديون يمكن تقولو انتي السبب في الديونوالله اني حاولت امنعه بس مو راضي الله يغفرله
وابوه مستلم 45الف ريال تقريبا واخوه 10الاف ريال
بس بخلو على ولدهم
ولمن سافر ابوه هو زعل قال محد يوقف معاي من اهلي
وراح جاب بنزيم ورشه على نفس واخوه شافوه الي اصغر منه مسك يده ويحاول يخليه يفك العلبه والولاعه بس الشيطان كان موجود وسمعت اخته الي اكبر منه اصواتهم وهم يتخاصموا تحسبها مخاصمه عاديه
طلعت الين نص الدرج وجات تنزل الى ولع الولاعه
واشتعل جسم زوجي وجسم اخوه نزلو على طول طاحوا على اختهم
اتحرقت معاهم ومافي احد ساعدهم كلهم دخلو جوا وخلوهم زوجي النار من راسه الين اخر رجوله
واتاخرو الجيران في مساعدتهم واهلهم سكوا الباب عليهم
وبعد ماسمعوا الجيران الاصوات والصياح جوا وانقذوهم
كان زوجي كل ما يطفوا النار تولع مره ثانيه وبعد ماطفوهم اخته تقول بلسانها انها شافت اخوها وهو محروق وبعد ماطفوه كان جالس ورافع اصابعينه السبابه ويتشهد وقم وخر الشارع ونفس الحكايه جالس يتشهد وهو في السياره ومعاه اخوه
المحروق فكان زوجي شكله يفجع من التشوه وكان يتشهد ويهلل ويكبر واخوه يصيح زوجي قال لاخوه اتشهد يا...
الين وصلوا المستشفى ونزل زوجي يمشي من السياره الين سرير الطوارئ
وعلى طول اخذوه ودوه العنايه فكان يتكلم
وجا الدكتور متفاجئ من هذي الحاله وكانوا الممرضين يحطوله تنفس صناعي
هو رفض قال ليش تحطولي انا مافيني شي
امر الدكتور انهم يربطوه ويخدروه وحطوله تنفس صناعي وكانت حروقه 100%100 والله العظيم
واخوه حروقه 54%100
واخته 45%100
زوجي عاش ست ايام واليو الاخير يوم زرته جلست اتكلم معاه وهو يسمع بس مايقدر يرداتكلمت عني وعن ولدنا قلتله ولدنا امانه عندي الين ماتقوم بسلامهالتفت عليه كانه كان يبقى يقول شي بس ماقدرعشان البنج الي يحطوله هو مايحس باي الم
ورجعت البيت وانا متفائله كان عندي امل انها يعيش وفي نفس اليوم ما جاني نوم
كنت اشوف زوجي وهو في السرير الابيض قدامي كل ما التفت يمين او يسار اشوفه
الين الساعه 4هوتوفى نهار السبت لمن جاء اخوه ونادانا انا عرفت على طول انه زوجي توفى فكان هو حبي وحياتي
بس الله طلب امانته واخذها بس بعد ما تاب زوجي وحافظ على صلواته
الحمدلله
المهم في اليوم الثاني من العزاء اخته كانت مافيها شي سوى حروق بسيطه
وكانت هي الي تصبرنا وتقلنا انا مافيني شئ وثاني يوم عزاء زوجي تسال عن اخوها انه ما تسمع حسه كانوا يقولولها انه طيب كانوا كلهم في نفس القسم
تعبت وماقدرت تتنفس حطولها تنفس صناعي
وجلست ست ايام وتوفت الله يرحمه كانت مطلقه وطيبه وحنونه
وكان اخوهم يسال عن اخوانه يقولوله انهم نقلوهم مستشفى ثاني
وكان دائما يسال عنهم وكانت انا في بيت زوجي ماسكه عدتي
وبعد شهرين ونص اخذوا ولدي مني سارقينه على اساس يتعشوا عند ناس
وسافروا قريتهم وانا مادريت الا الفجر اخوي جاء وقلي وين ولدك قلتله يتعشى وشوي يجون
قالي ولدك سافروبه معاهم...
انا انصدمت وهم اقاربي يسوى كذا اليوم الثاني سافرت حاولت كلمت ابو زوجي اترجيته لكن قال اجلسي عندي طيببصفتي ايش اجلس عندك انا خلاص الي يربطني فيكم راح وانت عندك اولاد واهلي مايخلوني لانهم هم الوصيين علي بعد زوجي وانا صغيره مني كبيره كلمت ام زوجي قالت انا ما اقدر طيب انتي خالتي اخت امي وحسيتي بفراق الضنى صعب برضه واقفه مع زوجها
المهم قال مافي تبي تجلسي اجلسي والا روحي ولد مافي
انا رحت مع اهلي عند وحده من خالاتي وكلمنا شيخ القريه انه يساعدنا ونحل المساله وكانوا واقفين في صفه
مالقيت احد معايه غير الله التجئت اليه وطالبته انه يساعدني وانا ماعندي احد بعده غير امي واخواني ابوي متوفي
والله العظيم كان اخر امل اهلي قالوا اذا ما اعطوكي ولدك نروح بلدنا ونطالبهم
في المحكمه اتخيلي توصلي الين عند ولدك وما تقدري تاخذيه معاكي
المهم جلست اخر الليل اصلي وادعي الين بعد صلاة الفجر
وبعدها قراءة سورة يس والين وصلت الى الايه وجعنا من بين ايديهم سدا ومن خلفهم سدا واغشيناهم وهم لايبصرون
وسرت ارددها وحتى وانا نايمه والله الين وصلت عند ولد عمه كان واقف معانا بعد الله وقال تعالوا اخليكم تشوفوه وعلى اساس احنى نسلم عليه ونسافر من دون حبيبي ونظر عيني
المهم قلت اسلم عليه عند الباب وسلمت على ولدي كان شكله زي الضايع
قام ابو زوجي ومسك يدي ويد ولدي ودخلنا اخر غرفه وبنته كانت تضحك لاني مسافره واخلي ولدي
وجالس يقول اجلسي اسكني عندي واسويلك بيت خاص فيكي والا الحقي اهلك
قلتله انا مسافره ومسكت ولدي خلاص اسلم عليه واخرج بس ربي الهمني
وخلاني اقول هذي الكلمتين في اذن ولدي حمودي انا رايحه بيب مرتين يا اخوات والله العظيم قلتها واتا خارجه كان جده وراي وجاء ولدي يخرج وراي خاصمه وقاله ادخل جوا ومشيت وما طالعت ورايه الين اخر البا الى اسمع ولد جدي يقول حمودي ومحد منتبه مع انه البيت مليان ناس اخذت ولدي وخرجت وركبت السياره وكان واحد حاجزنا بسيارته امن شافني اجري وانا شايله ولدي قال وين سارقين الولد اخوي قاله هذا ولدها ورحت الشرطه ابو الولد الي يسوق السياره ما خلانا كان خايف على ولده
ورجعنا وفي نص الطريق وقفونا وقالوا الى الولد يرجع لاهل ابوه طيب انا الي حملت وتعبت في الولاده فكانوا كلهم يحاولون اخواني على خالي اخوا امي قلت اذا مت ياخذوه جاءاخوا امي من امها ووداني عند ابوه الي يصير جديودخلت عليه وقلتله داخله على الله ثم عليك انك تحميني من فلان ولد فلان الي هو ابو زوجي
يبون ياخذون ولدي مني قال اجلسي وانا اتفاهم معاهم
خرج جدي لقي بيته مليان رجال ابو زوجي قال وين الي سرقت الولد ولد عمه قال ومين الي سرقه من حضن امه قال ليه في جد يسرق حفيده
ولد عمه قال ليه في ام تسرق ولدها؟؟؟؟
المهم رجع ولدي لحضني وكله من الله سبحانه وتعالى الي عماهم عني وعن ولدي
زي ما عمى كفار قريش عن الرسول...
والا الان ما عندي اوراق لا بطاقة العائله ولاشهادة الوفاة عشان اروح المحكمه واخذ وصايه على ولدي.....
الموت والحيات من عند الله وحده
لمن كان ولدكم عايش ليش ما لميتوه في حضنكم اعطوه حنان سمعوه كلام حلووو حتى لو كان متزوج يبغى رضاكم لكن انتوا ماتعبروه وبعد مامات تحطوا الملامه على غيركم انتوا السبب الاول في ضياعه
ادري طولت عليكم بس هذي قصتي غير المحذوف منه وشكرا لكم
لانه ماعندي احد افضفضله غير اخواتي الي في المنتدى........
03-27-2010, 01:46 AM
ارجوا مساعدتي...
الـقـ فـرقـنـاـدر 
رد: ارجوا مساعدتي...
جديد منتدى منتدى الحياة الأسرية والزوجية
العرض العادي
